ព្រះវិហារ:
សំឡេងផ្ទុះដោយកាំភ្លើងដៃបានកើតឡើងប្រមាណ១០នាទីដែលបង្កដោយទាហាន
ថៃបាញ់មកលើកងទ័កម្ពុជាស្ថិតនៅចំណុចព្រលានតាទុំដែលស្ថិតនៅ
ចន្លោះច្រកអានសេះនិងចំណុចបុសស្បូវនិងបានបណ្តាលឲ្យកងទ័ពកម្ពុជា
ម្នាក់ដែលមិនបានប្រយត្ន័ខ្លួនរងរបួសភ្លៅ។
កន្លែងផ្ទុះអាវុធស្ថិតក្នុងទឹកកម្ពុជាគឺស្រុកជាំក្សាន្ត
ខេត្តព្រះវិហារ ឈមគ្នានឹងឃុំអន្សោ ស្រុកណាមយឺន ខេត្តអ៊ូប៊ុន
ប្រទេសថៃ។
អ្នកឆ្លើយឆ្លងព័ត៌មានស៊ីអ៊ីអិនបានរាយការណ៍ឲ្យ
ដឹងថា នៅម៉ោងប្រមាណជា ១២ និង៥០នាទីថ្ងៃត្រង់ ទី២៩ ខែមេសា
ឆ្នាំ២០១២នេះទាហានថៃបានធ្វើសកម្មភាពឆ្មក់បាញ់ដាក់មកលើកងទ័ព
កម្ពុជាដែលកំពុងស្ថិតនៅទីនោះ។
ភ្លាមៗនោះកងទ័ពកម្ពុជាបានប្រើប្រាស់សិទ្ធិការពារខ្លួនផ្ទុះអាវុធតប
វិញដោយធ្វើការផ្ទុះអាវុធនេះមានរយៈពេលប្រមាណ១០នាទីទើបស្ងាត់
ទៅវិញ។លោកសុខ ហៃ
អភិបាលស្រុកជាំក្សាន្តបាននិយាយឱ្យដឹងថា
មានការផ្ទុះអាវុធប្រមាណ១០នាទីនៅច្រកព្រលានតាទុំ។
ការបាញ់ពីទាហានថៃគឺធ្វើឡើងខណៈពេលដែលកងទ័ពកម្ពុជាកំពុងនៅស្ងៀម
ក្នុងទឹកដីកម្ពុជាតែប៉ុណ្ណោះ។ លោកបានបន្តថា
ពេលដែលទាហានថៃឆ្មក់បាញ់បែបនេះ
កងទ័ពកម្ពុជាក៏បានប្រើសិទ្ធិការពារខ្លួន
ហើយក៏បានបាញ់តបវិញដោយកាំភ្លើងដៃបណ្តាលឱ្យស្នូរអាវុធផ្ទុះឡើង
ប្រមាណ១០នាទី
ហើយក៏ស្ងប់ស្ងាត់ទៅវិញទៅ។;លោកអភិបាលស្រុកបាននិយាយទៀតថា
ក្នុងពេលឆ្មក់បាញ់នោះបណ្តាលឱ្យកងទ័ពកម្ពុជាម្នាក់ឈ្មោះគី ណា រឺ
ហៅ គង់ រីម របួសភ្លៅខាងស្តាំ។ គង់ រីម
រងរបួសនៅក្នុងពេលកំពុងតែអង្គុយដាំបាយដោយមិនបានប្រុងប្រយ័ត្នថាមាន
អំពើឆ្មក់បាញ់បែបនេះ។លោកអភិបាលស្រុកបានបន្តថា
តាមអ្វីដែលលោកដឹងគឺការផ្ទុះអាវុធនេះដោយសារទាហានថៃយល់ថាកងទ័ព
កម្ពុជា ចូលទៅកាប់ឈើគ្រញូងក្នុងទឹកដីរបស់គេ។
ករណីនេះខាងកម្ពុជាបានបញ្ជាក់យ៉ាងច្បាស់ថា
ទាហានកម្ពុជាម្នាក់ដែលរងរបួស គឺស្ថិតនៅលើទឹកដីកម្ពុជាសុទ្ធសាធ។
កម្ពុជាបានថ្កោលទោសចំពោះសកម្មភាពនេះព្រោះនេះជាការរំលោភកិច្ចព្រ
ព្រៀងនានាកន្លងមកដែលកម្ពុជានិងថៃធ្លាប់ឯកភាពគ្នា។ លោកសុខ ហៃ
បានបន្តថា
កងទ័ពកម្ពុជាដែលរងរបួសត្រូវបានបញ្ជូនមកមន្ទីរពេទ្យស្រុកជាំ
ក្សាន្តហើយបន្តបញ្ជូនទៅព្យាបាលនៅ
ខេត្តព្រះវិហារបន្តទៀត។សូមបញ្ជាក់ដែរថា
កាលពីម៉ោង១២ថ្ងៃត្រង់ថ្ងៃទី២១ខែមេសាឆ្នាំ២០១២កន្លងទៅនេះនៅចំណុច
ព្រលានតាទុំនោះដែរ ក៏មានពលរដ្ឋកម្ពុជា
ប្រមាណជាង១០០នាក់បានចូលទៅកាប់ឈើនៅក្នុងទឹកដីថៃហើយត្រូវបាន
ទាហានបាញ់សំលាប់ម្នាក់និងម្នាក់ទៀតរងរបួស។
ដោយឡែកពលរដ្ឋកម្ពុជាប្រមាណ៤០នាក់ត្រូវបានចាប់ខ្លួនដោយ
អាជ្ញាធរខេត្តព្រះវិហារបន្ទាប់ពីប្រជាពលរដ្ឋទាំងនោះរត់ចូលទឹកដី
កម្ពុជាវិញ។លោកឧត្តមសេនីយ៏ត្រី សោម បុប្ផារ័ត្ន
មេបញ្ជាការតំបន់ប្រតិបត្តិការសឹករងខេត្តព្រះវិហារ
ដែលទទួលខុសត្រូវច្រកអានសេះមិនអាចទំនាក់ទំនងបំភ្លឺព័ត៌មាននេះ
បន្ថែមបានទេកាលពីព្រលប់ថ្ងៃទី២៩ខែមេសានេះ៕
No comments:
Post a Comment
yes