ភ្នំពេញ: ប្រិមប្រិយ ជាតារាកំប្លែងវ័យក្មេង រូបសម្រស់ស្រស់សោភា ដែលមានឈ្មោះដើម ម៉ក់ សុគន្ធស្រីនិច ជាអ្នកកំប្លែងថ្មីក្នុងក្រុមនាយកុយ គឺជាកូនស្រីពៅរបស់លោកគ្រូម៉ក់ ដែលជាគ្រូល្ខោនបាសាក់មានឈ្មោះល្បីតាមរយៈការសម្តែងល្ខោនកាត់ ក។ ប្រិមប្រិយត្រូវបាន ទស្សនិកជនស្គាល់ ខណៈពេលដែលតារាកំប្លែងនាយកុយ យកនាងមកអោយលេងក្នុងក្រុមកំប្លែង កាលពីចុងឆ្នាំ២០១០ គឺមកជំនួស នាងឃ្មឹប ហើយពេលនេះនាងកំពុងទទួលបានប្រិយភាពគួរសមដែរ។
ម៉ក សុគន្ធស្រីនិច ឆ្នាំនេះអាយុ២២ឆ្នាំ មានស្រុកកំណើតនៅ ស្រុកំពង់ត្រាច ខេត្តកំពត។ ប្រិមប្រិយមានបងប្អូន៦នាក់ ក្នុងនោះស្រី៣នាក់។ ប៉ុន្តែក្នុងនោះ យើងសង្កេតឃើញថា តារាកំប្លែងវ័យ ក្មេង រូបស្រស់ ដែលគ្មានអ្នកណានឹកស្មានដល់ថា ប្រិមប្រិយ ធ្លាប់មានគ្រួសារ និងមានកូនមួយទៀតផង។ ដោយប្រិមប្រិយ បានប្រាប់ថា “ខ្ញុំពិតជាមានកូនមែន ពេលនេះកូនប្រុសខ្ញុំ មានអាយុជាង៣ឆ្នាំហើយ ខ្ញុំមិនលាក់ ព្រោះខ្ញុំមានមែន”។ ប្រិមប្រិយបន្តថា “ដោយសារតែការរស់នៅ មិនចុះសម្រុងនឹងគ្នា កូនរបស់ខ្ញុំមិនបានស្គាល់មុខឪពុករបស់គេទេ ព្រោះឪពុកគេបានចាកចេញពីខ្ញុំ តាំងពីខ្ញុំមានទម្ងន់ទើបតែជិតពីរខែប៉ុណ្ណោះ”។
ម៉ក សុគន្ធស្រីនិច ឆ្នាំនេះអាយុ២២ឆ្នាំ មានស្រុកកំណើតនៅ ស្រុកំពង់ត្រាច ខេត្តកំពត។ ប្រិមប្រិយមានបងប្អូន៦នាក់ ក្នុងនោះស្រី៣នាក់។ ប៉ុន្តែក្នុងនោះ យើងសង្កេតឃើញថា តារាកំប្លែងវ័យ ក្មេង រូបស្រស់ ដែលគ្មានអ្នកណានឹកស្មានដល់ថា ប្រិមប្រិយ ធ្លាប់មានគ្រួសារ និងមានកូនមួយទៀតផង។ ដោយប្រិមប្រិយ បានប្រាប់ថា “ខ្ញុំពិតជាមានកូនមែន ពេលនេះកូនប្រុសខ្ញុំ មានអាយុជាង៣ឆ្នាំហើយ ខ្ញុំមិនលាក់ ព្រោះខ្ញុំមានមែន”។ ប្រិមប្រិយបន្តថា “ដោយសារតែការរស់នៅ មិនចុះសម្រុងនឹងគ្នា កូនរបស់ខ្ញុំមិនបានស្គាល់មុខឪពុករបស់គេទេ ព្រោះឪពុកគេបានចាកចេញពីខ្ញុំ តាំងពីខ្ញុំមានទម្ងន់ទើបតែជិតពីរខែប៉ុណ្ណោះ”។
ប្រិមប្រិយ បានឲ្យដឹងថា “ខ្ញុំចេះសម្តែង រាំរបាំ រាំឥណ្ឌា តាំងពីខ្ញុំអាយុ៧-៨ឆ្នាំមកម្ល៉េះ ដោយសារតែឪពុករបស់ខ្ញុំជាគ្រូល្ខោនផងនោះ ខ្ញុំក៏ចេះសម្តែងល្ខោនដែរ នឹងតែងតែដើរសំដែងល្ខោន ជាមួយក្រុមរបស់លោកឪពុក ហើយពេលខ្លះក៏បានចេញច្រៀង កាត់សក់ ម្តងម្កាលផងដែរ។ ខ្ញុំធ្លាប់បាន ចូលសម្តែង ជាតារាកំប្លែង ជាមួយក្រុម នាយក្រឹម បានរយៈពេល៦ខែ ហើយក្រោយមកក៏ត្រូវបាននាយកុយ ឲ្យចូលរួមក្រុមកំប្លែង ជាមួយ រហូតមក”។ ប្រិមប្រិយបន្តថា “របរទាំងនេះគឺរកបានតែខែប្រាំងទេ លុះពេលខែលវស្សា គ្មានអ្នកណាគេការ គ្មានគេហៅសម្តែងល្ខោនទេ ដូច្នេះពេលខ្លះ ខ្ញុំក៏ជួបនូវបញ្ហាជីវភាពខ្លះៗដែរ ព្រោះផ្ទះដែលខ្ញុំរស់នៅរាល់ថ្ងៃនេះ គឺជួលគេទេ”។
ទោះបីជា ប្រិមប្រិយ មានកូនមួយទៅហើយក៏ដោយ និងការសម្តែងដ៏មានទេពកោសល្យនោះ បានធ្វើបុរសៗច្រើនតាមសុំស្នេហ៍ តែត្រូវបាន ប្រិមប្រិយបដិសេធដោយលើកឡើងថា “មានច្រើនដែរអ្នកតាមសុំស្នេហ៏តែខ្ញុំមិនយកចិត្តទុកដាក់ទេ គឺខិតខំតែរកប្រាក់មកផ្គត់ផ្គង់គ្រួសារខ្ញុំសិន ខ្ញុំមិនយករឿងស្នេហានេះជាធំទេ ព្រោះខ្ញុំធ្លាប់ឈឺចាប់ឆ្អៀតហើយ វាធ្វើឲ្យខ្ញុំនៅចងចាំ ខ្ញុំនៅខ្លាច”។
ប្រិមប្រិយបានបញ្ជាក់ថា “ប្រសិនបើខ្ញុំបានធូរធារជាងនេះ ខ្ញុំចង់ពង្រឹងក្លឹបសិល្បៈ អប្សរាអមតៈ និងវង់ល្ខោនរបស់ប៉ាអោយបានរឹងមាំ ប៉ុន្តែពេលនេះខ្ញុំមិនទាន់គិតទេ គឺប្រឹងប្រែងបង្កើនទេពកោសល្យកំប្លែងអោយបានល្បីសិន ហើយក៏នៅមានបំណងមួយទៀត គឺខ្ញុំប្រាថ្នាចង់ក្លាយជាតារាភាពយន្ដ”៕
No comments:
Post a Comment
yes