ភ្នំពេញៈពលករដែលត្រូវបានគេជួញដូរនិងលក់ពលកម្មនៅប្រទេសសេណាហ្គាល ចំនួន៥នាក់ត្រូវបានជួយសង្គ្រោះ និងធ្វើមាតុភូមិនិវត្តន៍មកកាន់ប្រទេសកម្ពុជាវិញកាលពីរាត្រីថ្ងៃព្រហស្បតិ៍ម្សិលមិញនេះ។
លោក ហ៊ុយ ពេជ្រសុវណ្ណ មន្ត្រីកម្មវិធីផ្នែកសិទ្ធិមនុស្សនៃមជ្ឈមណ្ឌលអប់រំច្បាប់សម្រាប់សហគមន៍បាន ប្រាប់ភ្នំពេញប៉ុស្តិ៍នៅថ្ងៃសុក្រនេះថាពលករខ្មែរទាំង៥រូប ខាងលើនេះ ដែល២នាក់មកពីខេត្តកំពង់ឆ្នាំង និង ៣នាក់មកពីខេត្តកំពត ត្រូវបានគេជួញដូរទៅធ្វើការនៅប្រទេសជប៉ុនតាមរយៈក្រុមហ៊ុន Giant Ocean International Limited កាលពីខែតុលា ឆ្នាំ២០១១ក៏ប៉ុន្តែពួកគេត្រូវបានគេយកទៅលក់ពលកម្មដោយបំរើការជាទាសករនេសាទនៅក្នុងប្រទេសសេណេហ្គាលទៅវិញ។
លោកបានបន្តថា ពួកគេត្រូវបានជួយសង្គ្រោះដោយមជ្ឈមណ្ឌលអប់រំច្បាប់សម្រាប់សហគមន៍ និងបានវិលត្រលប់មកកាន់មាតុភូមិរបស់ខ្លួនកាលពីយប់ថ្ងៃទី១២ ខែកក្កដានេះ។ ពួកគេនឹងត្រូវបញ្ជូនទៅជួបជុំគ្រួសារនៅព្រឹកថ្ងៃសៅរ៍នេះ។
No comments:
Post a Comment
yes