ឆ្នាំ១៩៩៣អ្នកប្រជាធិបតេយ្យទទួលបានជោគជ័យ នៅឆ្នាំ២០១៣ អ្នកប្រជាធិបតេយ្យក៏ត្រូវតែទទួលបានជោគជ័យជាថ្មីម្តងទៀតផងដែរលើការបោះឆ្នោត

គណបក្ស​ សង្គ្រោះជាតិ ដែលកើតចេញពីការរួមបញ្ចូលគ្នាជាសម្លេងតែមួយរវាងគណបក្ស សម រង្ស៊ី និងគណបក្ស សិទ្ធិមនុស្ស កាលពីពេលកន្លងទៅថ្មីៗនេះ បាននឹងកំពុងតែមានសន្ទុះ និងប្រ ជាប្រិយភាពនៅក្នុងដូងចិត្តរបស់ប្រជាពលរដ្ឋខ្មែរ ដែលជាអ្នកស្នេហាជាតិ ស្រលាញ់លទ្ធិប្រជា ធិបតេយ្យ ចង់ឲ្យមានការផ្លាស់ប្តូរគ្រប់ៗរូប ព្រោះដោយសារតែពួកគាត់មិនអាចរស់នៅក្រោមការ គ្រប់គ្រងរបស់គណបក្សកាន់អំណាចបានតទៅទៀតនោះទេ ។

មិនថាឡើយតែប្រជាពលរដ្ឋខ្មែរទេដែលចង់ឲ្យមានការផ្លាស់ប្តូរនៅកម្ពុជា សូម្បីតែអន្តរជាតិ ក៏​ចង់ឲ្យមាបនការផ្លាស់ប្តូរផងដែរ ព្រោះអ្នកកាន់អំណាចយូរនៅលើពិភពលោកគឺបានដួលរលំអស់ ហើយ ហើយគេសង្ឃឹមថា ចលនានៃការផ្លាស់ប្តូរនេះនិងកើតមានជាក់ជាមិនខាននៅក្នុងប្រទេស កម្ពុជា ដើម្បីទទួលអ្នកដឹកនាំថ្មីដែលប្រកាន់យករបបប្រជាធិបតេយ្យ និងស្រលាញ់ជាតិ ការពារ បូរណៈភាពទឹកដី រួមជាមួយនិងការធ្វើកិច្ចការងារអ្វីគ្រប់បែបយ៉ាងដើម្បីបំរើឲ្យផលប្រយោជន៏ របស់ប្រជាពលរដ្ឋ និងប្រទេសជាតិ ។

ពីមួយថ្ងៃទៅមួយថ្ងៃ លោក សម រង្ស៊ី ដែលជាប្រធាន ចលនាប្រជាធិបតេយ្យសង្គ្រោះជាតិ និងជា ប្រធានគណបក្ស សង្គ្រោះជាតិ បាននិងកំពុងតែមានភាពមមាញឹករបស់លោកក្នុងបេសកកម្មការ ងារជាមួយអន្តរជាតិដើម្បីធ្វើយ៉ាងណាឲ្យការបោះឆ្នោតនៅឆ្នាំ២០១៣ខាងមុខ ប្រព្រឹត្តទៅដោយ​សេរី ត្រឹមត្រូវ អព្យាក្រឹត្តិ និងយុត្តិធម៌ ។ ព្រោះប្រទេសកម្ពុជា ចាប់តាំងពីមានការរៀបចំការ បោះ​ឆ្នោតដែលធ្វើឡើងដោយខ្លួនឯត្រូវបានគេមើកឃើញថា ដំណើរការទៅដោយមិនមានភាព សេរី ត្រឹមត្រូវ និងយុត្តិធម៌ គណៈកម្មាធិការជាតិរៀបចំការបោះឆ្នោត បានដើរតួនាទីយ៉ាងសំខាន់ ក្នុង​ការរៀបចំឲ្យគណបក្សកាន់អំណាចសព្វថ្ងៃនៅពេលមានការបោះឆ្នោតម្តងៗគឺឈ្នះជានិច្ច ។

ជាមួយគ្នានោះប្រទេសកម្ពុជាក៏ត្រូវបានគេមើលឃើញផងដែរថា បាននិងកំពុងតែបើកដៃឲ្យជន អន្តោប្រវេសន៏យួនសុខច្បាប់ចូលមកក្នុងប្រទេសកម្ពុជាដោយសេរី ហើយជនអន្តោប្រវេសន៏ទាំង នោះគឺជាកម្លាំងមួយដ៏សំខាន់ក្នុងការបង្កើនសំឡេងឲ្យគណបក្សកាន់អំណាចសព្វថ្ងៃផងដែរ ព្រោះ​ពួកគេគ្រប់គ្នាសុទ្ធតែមានអត្តសញ្ញណប័ណ្ណ ដែលបង្ករលក្ខណៈងាយស្រួលដល់ការ បោះ​ឆ្នោត​ បង្កើនសំឡេងឲ្យគណបក្សប្រជាជន ដែលពួកគេទាំងនោះជា​ជនអន្តោប្រវេសន៏​ក៏ប៉ុន្តែ​ពួក​គេ ​បានចូលមកសម្រេចជោគវាសនាប្រទេសកម្ពុជា និងអនាគត់ប្រជា​ពល​រដ្ឋខ្មែរជំនួសខ្មែ​រដែល​ជាម្ចាស់ទឹកដីទៅវិញ ។ ចំណែកឯប្រជាពលរដ្ឋខ្មែរ គឺមិនមានលទ្ធភាពគ្រប់​គ្រាន់នោះឡើយ​ក្នុង​ការចុះឈ្មោះបោះឆ្នោត និងនៅថ្ងៃបោះឆ្នោតនោះ ដោយអាជ្ញាធររបស់គណបក្សប្រជាជន និង​គណៈកម្មាធិការជាតិរៀបចំការបោះឆ្នោត ដែលជាឧបករណ៏នយោបាយរបស់គេ បានបង្ករបញ្ហា​លំបាក និងស្មុកស្មាញដល់ប្រជាពលរដ្ឋខ្មែរដែលជាអ្នកស្នេហាជាតិគ្រប់ពេលវេ​លា ។ ដូចនេះ​បាន​ជាការបោះឆ្នោតពីមួយអាណត្តិទៅមួយអាណត្តិដែលរៀបចំឡើងដោយកម្ពុ​ជាខ្លួនឯង គណ​បក្សប្រឆាំងគឺមិនដែលមានលទ្ធភាពក្នុងការទទួលបានជ័យជំនះលើគណបក្ស កាន់​អំណាច​សព្វ​ថ្ងៃ​នោះឡើយ ។ យ៉ាងដូចនេះហើយ​បានជាមានការទាមទារឲ្យការបោះឆ្នោត នៅឆ្នាំ២០១៣​ខាង​មុខនេះ ត្រូវតែដំណើរការទៅដោយសេរី ត្រឹមត្រូវ និងយុត្តិធម៌ ហើយចាំបាច់ ណាស់ត្រូវតែ​មាន​ការ​ផ្លាស់ប្តូរសមាសភាព គ.ជ.ប និងក្បាលម៉ាស៊ិនរបស់ គ.ជ.ប ចេញ ព្រោះ ប្រសិនបើ​មានការ​ផ្លាសប្តូរ គ.ជ.ប ដូចជាការបោះឆ្នោតនៅឆ្នាំ១៩៩៣ដែលរៀបចំឡើងដោយ អ៊ុនតាក់ នោះគណ​បក្សប្រឆាំងនិងឈ្នះលើការបោះឆ្នោតមួយរយភាគរយជាក់ជាមិនខានឡើយ ។

លោក គង់ គាំ ប្រធានស្តីទីរបស់គណបក្ស សម រង្ស៊ី នៅក្នុងពិធីចុះជួបសួរសុខទុក្ខប្រជាពលរដ្ឋ ដែលជាអ្នកគាំទ្រ ចលនាប្រជាធិបតេយ្យសង្គ្រោះជាតិ ជាពិសេសគឺគណបក្ស សង្គ្រោះជាតិ ក៏​ដូច​ជាសកម្មជនរបស់គណបក្ស សម រង្ស៊ី និងសកម្មជនគណបក្ស សិទ្ធិមនុស្ស លោកបានជំ​រាប​ជូននូវប្រវត្តិរបស់គណបក្សប្រជាជន ក៏ដូចជាការបោះឆ្នោតជូនទៅដល់ពួកគាត់ដែលជាអ្នក ស្នេហា​ជាតិ ទាំងអស់ឲ្យបានជ្រាបថា នៅមុនកិច្ចព្រមព្រៀងទីក្រុងប៉ារីស និងមុនឆ្នាំ១៩៩៣ គណ​​បក្សប្រជាជនកម្ពុជា បានអំណាចដោយសារកងទ័ពយួន ។ ដែលកាលណោះ​កងទ័ពយួន​២០​កងពល ស្មើនិងដប់ពីរម៉ឺននាក់ចូលមកប្រទេសកម្ពុជាដើម្បីលើកបណ្តុបអំណាច៧មករា ដូច្នេះ​អំណាចនោះមិនមែនជាអំណាចប្រជាធិបតេយ្យនោះទេ ដែលអំណាចនោះគឺជាអំណាច​យក​ចុង​អាវុធ យករថគ្រោះ និងកាណុងមកដណ្តើមគ្នា ។

លោក គង់ គាំ ប្រធានស្តីទីរបស់គណបក្ស សម រង្ស៊ី បានមានប្រសាសន៏ទៀតថា ជា៥ម៉ោងនៅ ក្នុងរដ្ឋសភាចំពោះការបកស្រាយរបស់រដ្ឋាភិបាល គេថាគណបក្សប្រឆាំងសួររឿងព្រំដែនទិចចង់ ផ្តួលគេ ដោយលោកសូមធ្វើការឆ្លើយតបទៅវិញថា អ្នកប្រជាធិបតេយ្យគឺមិនប្តួលទេ ដែលការ ផ្តួលគឺខ្លាចតែគ្នាឯងឯណោះទេដែលមានអាវុធនោះលោកមិនដឹងឡើយ តែចំពោះអ្នកប្រជាធិប​តេយ្យគឺគេនិយាយភាសារប្តូរ មិនមែនផ្តួលនោះទេ ។ លោក គង់ គាំ បានបញ្ជាក់ទៀតផងដែរថា កាលពីឆ្នាំ១៩៩៣ អ្នកប្រជាធិបតេយ្យបានធ្វើការផ្លាស់ប្តូរ ប្រជាពលរដ្ឋខ្មែរក៏ប្តូរអ្នកដឹកនាំដែល កាន់អំណាចដែលដឹកនាំប្រទេតាមរបៀបផ្តាច់ការទទួលបានដោយជោគជ័យ ដែលកាលនោះគឺ ការបោះឆ្នោតបានរៀបចំឡើងដោយ អ៊ុនតាក់ អ្នកប្រជាធិបតេយ្យ និងស្នេហាជាតិ ទទួលបាន​ជោគយ៉ាងត្រចះត្រចង់ តែចាប់ពីឆ្នាំ១៩៩៨ ឆ្នាំ២០០៣ និងឆ្នាំ២០០៨ ដែលការបោះឆ្នោតនៅក្នុង ប្រទេសកម្ពុជារៀបចំដោយខ្លួនឯង ហើយមកនូវហ៊ុនតាក់វិញគឺប្តួរលែងបានតែម្តង ។

ដូច្នេះហើយឥឡូវនេះ ចលនាប្រជាធិបតេយ្យសង្គ្រោះជាតិ ក៏ដូចជាគណបក្ស សង្គ្រោះជាតិ ដែលបង្កើតឡើងដោយអ្នកប្រជាធិបតេ្យ ស្នេហាជាតិ ដែលយើងជាប្រជាពលរដ្ឋធ្លាប់ឈ្នះការ​បោះឆ្នោតកាលពីឆ្នាំ១៩៩៣ ដែលឥឡូវមិនដែលឈ្នះសោះដោយសារតែគណៈកម្មាធិការជាតិ រៀបចំការបោះឆ្នោត ដូច្នេះ ចលនាប្រជាធិបតេយ្យសង្គ្រោះជាតិ ក៏ដូចជាគណបក្ស សង្គ្រោះជាតិ គឺសុំប្តូរគណៈកម្មាធិការជាតិរៀបចំការបោះឆ្នោតឲ្យបានជាដាច់ខាត ។

ដូចនេះដើម្បីឲ្យមានការផ្លាស់ប្តូរមួយដ៏ពិតប្រាកដ សូមបងប្អូនប្រជាពលរដ្ឋ ចូលរួមជាមួយ ចល​នាប្រជាធិបតេយ្យសង្គ្រោះជាតិ ក៏ដូចជាគណបក្ស សង្គ្រោះជាតិ ឲ្យបានច្រើនឡើងបន្ថែមទៀត ដើម្បីធ្វើការដាក់គំនាបមកលើរដ្ឋាភិបាលដែលដឹកនាំដោយគណបក្សប្រជាជនកាន់អំណាចសព្វ ថ្ងៃ ឲ្យមានការផ្លាស់ប្តូរសមាសភាពគណៈកម្មាធិការជាតិរៀបចំការបោះឆ្នោត ក៏ដូចជា​ក្បាលម៉ា​ស៊ី​នរបស់ស្ថាប័នមួយនេះផងដែរ ៕