ប្រជាពលរដ្ឋតោងវល្លិតាមជម្រាលភ្នំដ៏ចោត ដើម្បីវាងត្រង់ផ្លូវដែលដាច់នៅភ្នំចាក់ច្រែង
ព្រះវិហារ: ដោយមានការលំបាកក្នុងការធ្វើការដំណើរឆ្លងកាត់ទៅមក បន្ទាប់ពីកំណាត់ផ្លូវបេតុងឡើងភ្នំចាក់ច្រែងត្រង់គីឡូម៉ែត្រទី៤ បានកាត់ផ្ដាច់ដោយសារផ្ទាំងថ្ម និងដីភ្នំបាក់សង្កត់ ធ្វើឱ្យប្រជាពលរដ្ឋនិងកងយោធពលខេមរភូមិន្ទ ពួកគាត់តោងវល្លិឡើងចុះភ្នំ ដើម្បីវាងជាបណ្ដោះអាសន្នត្រង់ផ្លូវដែលដាច់។
ផ្លូវវាងកាត់ភ្នំដែលប្រជាជនតោងវល្លិឡើងចុះនោះ គឺមានជម្រាលចោតខ្លាំង និងមានកម្ពស់ប្រមាណ៥០ម៉ែត្រ ដោយប្រជាពលរដ្ឋឆ្លងកាត់តាមព្រៃផង និងតោងវល្លិផងធ្វើឱ្យពួកគាត់មានការលំបាកយ៉ាងខ្លាំង ប៉ុន្ដែទោះបីយ៉ាងណាក៏ដោយ ពួកគេនៅតែមិនរាថយឆ្លងកាត់ចំណោតភ្នំដ៏លំបាកនេះឡើងចុះទៅមកជាប្រចាំ។
ផ្លូវវាងកាត់ភ្នំដែលប្រជាជនតោងវល្លិឡើងចុះនោះ គឺមានជម្រាលចោតខ្លាំង និងមានកម្ពស់ប្រមាណ៥០ម៉ែត្រ ដោយប្រជាពលរដ្ឋឆ្លងកាត់តាមព្រៃផង និងតោងវល្លិផងធ្វើឱ្យពួកគាត់មានការលំបាកយ៉ាងខ្លាំង ប៉ុន្ដែទោះបីយ៉ាងណាក៏ដោយ ពួកគេនៅតែមិនរាថយឆ្លងកាត់ចំណោតភ្នំដ៏លំបាកនេះឡើងចុះទៅមកជាប្រចាំ។
ស្ដ្រីក្រុមគ្រួសារទាហានមួយរូបដែលកំពុងតោងវល្លិសសៀរចុះមកខាងក្រោមវាងផ្លូវ ដែលដាច់ បាននិយាយឱ្យដឹងថា ពួកគាត់ត្រូវការធ្វើដំណើរចុះឡើងជាប្រចាំ ចុះពីលើភ្នំទៅខាងក្រោមភ្នំ ដើម្បីទិញរបស់របរហូបចុក ឬក៏បំពេញការងារប្រចាំថ្ងៃ ចាំបាច់ត្រូវការឡើងចុះជាប្រចាំ។ ស្ដ្រីរូបនោះបាននិយាយថា គាត់ឡើងចុះតាមរយៈតោងវល្លិវាងផ្លូវដែលដាច់ គឺមានរយៈពេល៦ ទៅ៧ថ្ងៃមកហើយ បន្ទាប់ពីផ្លូវបេតុងនោះបានបាក់ដាច់។ រូបគាត់បាននិយាយថា ទាំងប្រជាជន និងកងកម្លាំងប្រដាប់អាវុធ មានការលំបាកជាបណ្តោះអាសន្ន រង់ចាំកម្លាំងកងវិស្វកម្មតេជោហ៊ុន សែនសៀមរាប ធ្វើការជួសជុលហើយ។
គ្រួសារកងទ័ពរូបនោះបាននិយាយថា គាត់រងការលំបាកបន្ដិចសិន ប៉ុន្ដែវាគ្រាន់បើជាងកាលពី២ ទៅ៣ឆ្នាំមុន
ដែលទីនោះមិនមានផ្លូវទាល់តែសោះ ព្រោះថាកាលនោះកងកម្លាំងប្រដាប់អាវុធក៏ដូចជាប្រជាជន មិនមានផ្លូវ ហើយពួកគាត់ឡើងចុះភ្នំអាស្រ័យដោយការវារឡើងតោងវល្លិ ធ្វើឱ្យមានការលំបាកបំផុត។ រូបគាត់និយាយថា នៅឆ្នាំ២០១០-២០១១ កន្លងទៅ សម្ដេចតេជោហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា បានបញ្ជាឱ្យកងវិស្វកម្មតេជាហ៊ុន សែនសៀមរាប កសាងផ្លូវបេតុងប្រវែង៦.៣០០ម៉ែត្រ ពីជើងភ្នំទៅដល់លើភ្នំ ធ្វើឱ្យប្រជាពលរដ្ឋ និងកងប្រដាប់អាវុធ មានភាពសប្បាយរីករាយឡើងចុះទៅមកបានស្រួល។ ប៉ុន្ដែនៅថ្ងៃទី១ ខែកញ្ញា ឆ្នាំ២០១២ កន្លងមកនេះ កំណាត់ផ្លូវបេតុងត្រង់គីឡូម៉ែត្រទី៤ បានត្រូវកាត់ផ្ដាច់ដោយសារដីភ្នំជាមួយនឹងផ្ទាំងថ្មតូច ធំខ្លះរាប់ពាន់តោន បានបាក់សង្កត់នៅលើផ្លូវ បណ្ដាលឱ្យផ្លូវមានការខូចខាតរាប់សិបម៉ែត្រ ដែលធ្វើឱ្យពួកគាត់មានការលំបាក។
ជាមួយនឹងភាពបន្ទាន់កាលពីថ្ងៃទី៣ លោកឧត្ដមសេនីយ៍ឯកខេង សុមេធ អគ្គស្នងការរងនគរបាលជាតិ ទទួលបន្ទុកព្រំដែនព្រះវិហារ បានដឹកនាំកងវិស្វកម្មតេជោហ៊ុន សែនសៀមរាប ដែលមានគ្រឿងចក្រចំនួន៥គ្រឿង ចាប់ផ្ដើមជួសជុលកំណាត់ផ្លូវបេតុងនោះ។ ប៉ុន្ដែឧបសគ្គធំបំផុតមួយទៀត គឺផ្ទាំងថ្មដ៏ធំមួយ គឺមានទំហំបីដងនៃគ្រឿងចក្រអេស្កាវ៉ាទ័របានសង្កត់ផ្លូវបេតុង ដែលបង្ខំឱ្យកងវិស្វកម្មតេជោហ៊ុន សែនសៀមរាប ត្រូវយកគ្រឿងចក្របំពាក់ដោយដែកបុកទៅបំបែកថ្មបន្ដិចម្ដងៗ ដើម្បីយកថ្មដ៏ធំនោះចេញពីផ្លូវក្នុងការឈានទៅរកការជួសជុលផ្លូវឱ្យហើយក្នុងពេលឆាប់ៗ។
លោកឧត្ដមសេនីយ៍ឯក ខេង សុមេធ បាននិយាយប្រាក់អ្នកកាសែតថា កំណាត់ផ្លូវមួយនេះ នឹងបញ្ចប់ធ្វើការជួសជុលមិនឱ្យលើសពីរយៈពេល១០ថ្ងៃនោះឡើយ ដើម្បីឱ្យប្រជាជន និងកងកម្លាំងប្រដាប់អាវុធឡើងចុះទៅមកបានស្រួលដូចដើម។ លោកឧត្ដមសេនីយ៍ឯកខេង សុមេធ ក៏ស្នើសុំឱ្យប្រជាពលរដ្ឋ ក៏ដូចជាកងប្រដាប់អាវុធទាំងអស់ទ្រាំលំបាកបន្ដិច ទុកពេលធ្វើការជួសជុលនៅពេលខាងមុខនេះ៕
No comments:
Post a Comment
yes