ថ្នាក់ដឹកនាំ ចលនាប្រជាធិបតេយ្យសង្គ្រោះជាតិ
បាននឹងកំពុងតែបំពេញបេសកកម្មការងាររបស់ ខ្លួនយ៉ាងមមាញឹកទាំងនៅថ្នាក់មូលដ្ឋាន
ក៏ដូចជានៅថ្នាក់ជាតិ ដើម្បីធ្វើការផ្សព្វផ្សាយពីគោលជំហ៊ររបស់ខ្លួន
ទៅដល់ប្រជាពលរដ្ឋដែលជាអ្នកគាំទ្រ ក៏ដូចជាសកម្មជនរបស់គណបក្ស សម រង្ស៊ី និងគណបក្ស
សិទ្ធិមនុស្សផងដែរ ។
ទាំងអស់នេះ គឺជារបត់នយោបាយថ្មីសំរាប់អ្នកប្រជាធិបតេយ្យ
ដែលនៅពេលនេះ ត្រូវងាក មករក ការបង្រួបបង្រួមគ្នាជាកម្លាំងតែមួយ ដោយតំកល់ផលប្រយោជន៏ជាតិជាធំ ធ្វើយ៉ាងណាស្រោច ស្រង់ប្រទេសជាតិរបស់យើងឲ្យបានទាន់ពេលវេលា
និងរួចផុតពីរបបដឹក នាំប្រទេសតាមរបៀប ផ្តាច់ការ ។
គួរជំរាបជូនផងដែរថាកាលពីថ្ងៃទី០៣ ខែកញ្ញា ឆ្នាំ២០១២ ថ្នាក់ដឹកនាំគណបក្ស សម រង្ស៊ី និង
គណបក្ស សិទ្ធិមនុស្ស ចំនួន២ក្រុម ក្នុងចលនាប្រជាធិបតេយ្យសង្គ្រោះជាតិ បានចុះជួបជាមួយប្រជាពលរដ្ឋដែលជាអ្នកគាំទ្រគណបក្ស
សង្គ្រោះជាតិ ក៏ដូចជាសមាជិក-សមាជិការ របស់គណបក្សទាំងពីរ នៅក្នុងស្រុកចំនួន៤ នៃខេត្តកំពង់ស្ពឺ ។ នៅក្នុងពិធីចុះជួបជាមួយប្រជាពលរដ្ឋនោះ
មួយក្រុមដឹកនាំដោយលោក នុត រំដួល សមាជិកព្រឹទ្ធសភារបស់ គណបក្ស សម រង្ស៊ី និងលោក ប៉ែន សុវណ្ណ តំណាងគណបក្ស សិទ្ធិមនុស្ស រួមជាមួយសមាជិកក្រុមប្រឹក្សាខេត្តកំពង់ស្ពឺ របស់គណបក្សទាំងពីរមួយចំនួនទៀត
ចំណែកឯក្រុមទី២ ដឹកនាំដោយលោក ហុង សុខហួរ សមាជិកព្រឹទ្ធសភា របស់គណបក្ស សម រង្ស៊ី និងលោក អ៊ូ ចន្ទឬទ្ធិ តំណាង រាស្រ្តរបស់គណបក្ស សិទ្ធមនុស្ស រួមជាមួយសមាជិកសមាជិការរបស់គណបក្ស
សម រង្ស៊ី ខេត្តមួយចំនួនទៀត ។
សូមជំរាបថា កម្មវិធីចុះជួបសំណេះសំណាលជាមួយប្រជាពលរដ្ឋ នៅក្នុងខេត្តកំពង់ស្ពឺ កាលពីថ្ងៃទី០៣
ខែកញ្ញា ឆ្នាំ២០១២នោះ ពេលព្រឹកធ្វើឡើងនៅភូមិត្រពាំងគោក
ឃុំប្រាំបីមុំ ស្រុកថ្ពង និងនៅភូមិក្បៀរ ឃុំស្វាយរំពារ ស្រុកបរសេដ្ឋ ហើយនៅពេលរសៀល ប្រារព្វធ្វើឡើងនៅភូមិក្របីព្រៃ ឃុំភ្នំតូច ស្រុកឧត្តុង្គ និងនៅភូមិស្វាយ ឃុំព្រៃញាតិ ស្រុកគងពិសី
ខេត្តកំពង់ស្ពឺ ដោយមាន
ការចូលរួមពីសំណាស់ប្រជាពលរដ្ឋយ៉ាងច្រើនកុះករ ។
ថ្នាក់ដឹកនាំចលនាប្រជាធិបតេយ្យសង្គ្រោះជាតិ
នៅក្នុងពិធីចុះជួបសំណេះសំណាលជាមួយប្រជា ពលរដ្ឋនៅក្នុងខេត្តកំពង់ស្ពឺ គឺដើម្បីធ្វើការផ្សព្វផ្សាយពីគោលជំហ៊រនៃការរួបរួមគ្នារវាងអ្នកប្រជាធិបតេយ្យ និងអ្នកប្រជាធិបតេយ្យ និងគោលដៅស្រោចស្រង់ជាតិ ដើម្បីបញ្ចប់អំណាចផ្តាច់ការ
ដែលដឹកនាំប្រទេសសព្វថ្ងៃ ។ ហើយនៅក្នុងកម្មវិធីចុះជួបសំណេះសំណាល
ជាមួយប្រជាពលរដ្ឋនៅក្នុងខេត្តកំពង់ស្ពឺនោះ ក៏មានវត្តមានរបស់លោក គីម សួរភីរិទ្ធិ
អ្នកតំណាងរាស្ត្រ របស់គណបក្ស សម រង្ស៊ី
មណ្ឌលកំពង់ចាម
ចូលរួមផងដែរ ។
គួរជំរាបជូនថា ការចុះជួបសំណេះសំណាលជាមួយប្រជាពលរដ្ឋ របស់ក្រុមការងារថ្នាក់ដឹកនាំ
ចលនាប្រជាធិបតេយ្យសង្គ្រោះជាតិ គឺជាយុទ្ធនាការនៅទូទាំងប្រទេស ដើម្បីធ្វើយ៉ាងណាបញ្ជ្រៀបព័ត៌មានស្តីពី ការរួមបញ្ចូលគ្នាជាកម្លាំងតែមួយរវាងគណបក្ស សម រង្ស៊ី និងគណបក្ស សិទ្ធិមនុស្ស ក្នុងចលនាប្រមូលផ្តុំអ្នកប្រជាធិបតេយ្យ និងបង្កើតជាគណបក្ស សង្គ្រោះជាតិ ដើម្បីចូលរួមប្រគួតប្រជែងក្នុងការបោះឆ្នោត
ជាមួយនិងគណបក្សកាន់អំណាចសព្វថ្ងៃ ដើម្បីធ្វើការស្រោចស្រង់ប្រទេសជាតិរបស់យើង ដែលកំពុងតែលិចលង់ឲ្យបានទាន់ពេលវេលា ។
គួរបញ្ជាក់ជូនថា ប្រទេសកម្ពុជាក្រោមការដឹកនាំរបស់គណបក្សប្រជាជន
កំពុងតែដើរទៅរករណ្តៅមរណៈហើយ
ព្រោះសូម្បីតែសេរីភាពនៃការបញ្ចេញមតិក៏មានការថយចុះ
ជាមួយគ្នានោះការរំលោភសិទ្ធិមនុស្សកំពុងតែកើតមានយ៉ាងធ្ងន់ធ្ងរ ដែលក្នុងនោះមានទាំងការបណ្តេញប្រជាពលរដ្ឋចេញពីដីធ្លីជាដើម ។ អំពើពុករលួយកំពុងតែកើតមានយ៉ាងពេញបន្ទុក អំពើនិទណ្ឌភាពក៏បាននឹងកំពុងតែវាយសង្គ្រប់កាន់តែធ្ងន់ធ្ងរ
វិបត្តិពុំមានការងារធ្វើ បញ្ហាព្រំដែន អន្តោប្រវេសន៏ខុសច្បាប់
តុលាការអយុត្តិធម៌ និងបញ្ហាបក្ខពួកនិយម គ្រួសារនិយមជាដើម ។ លើសពីនេះទៅទៀត ការដឹកនាំប្រទេសកម្ពុជាបច្ចុប្បន្នក្រោមការគ្រប់គ្រងរបស់គណបក្សប្រជាជន
គឺគ្មាននយោបាយច្បាស់លាស់ណាមួយក្នុងការដឹកនាំប្រទេសនោះឡើយ
ព្រោះធនធានធម្មជាតិក៏ត្រូវបាន បំផ្លាញពីសំណាក់អ្នកមានអំណាច មានលុយ និងឈ្មួញទុច្ចរឹត ប្រជាពលរដ្ឋនៅតែក្រីក្រ វិស័យអប់រំ និង វិស័យសុខាភិបាល
បាននិងកំពុងតែមានការធ្លាក់ចុះយ៉ាងគំហុក ។
សូមជំរាបជូនផងដែរថា គណបក្ស សង្គ្រោះជាតិ បានប្តេជ្ញារួចហើយថានៅពេលឈ្នះឆ្នោតឆ្នាំ២០១៣ខាងមុខនេះ
នឹងដឹកនាំប្រទេសឲ្យមានការរីកចំរើនជឿនលឿនលើគ្រប់វិស័យ ហើយ រដ្ឋាភិបាលថ្មីនេះ និងខិតខំទាក់ទងអ្នកវិនិយោគល្អៗឲ្យចូលមកបណ្តាក់ទុននៅក្នុងប្រទេស
ដើម្បីអោយប្រជាពលរដ្ឋមានការងារធ្វើគ្រប់គ្នា ដោយមិនចាំបាច់ឆ្លងដែនដោយខុសច្បាប់ទៅរកការងារធ្វើនៅប្រទេសជិតខាងទាំងប្រថុយប្រថានទៀតនោះឡើយ
។ ហើយសារនយោបាយទាំងនេះ ជាអ្វីដែលប្រជាពលរដ្ឋត្រូវតែជ្រួតជ្រាប ដែលមន្ត្រីថ្នាក់ដឹកនាំរបស់គណបក្ស សម រង្ស៊ី និង គណបក្ស សិទ្ធិមនុស្ស គ្រប់ជាន់ថ្នាក់ ត្រូវតែចូលរួមធ្វើការបញ្ជ្រៀបដើម្បីឲ្យប្រជាពលរដ្ឋលោកបានដឹងទាំងអស់គ្នា ។ ម្យ៉ាងទៀតបន្ថែមពីលើការផ្សព្វផ្សាយពីជំហ៊រ និងសារនយោបាយរបស់ ចលនាប្រជាធិបតេយ្យសង្គ្រោះជាតិ ក៏ត្រូវតែមានការជំរុញឲ្យប្រជាពលរដ្ឋទៅពិនិត្យឈ្មោះ និង
ចុះឈ្មោះបោះឆ្នោតផងដែរ
ដែលនេះជាបេសកកម្មចាំបាច់ត្រូវតែធ្វើឲ្យបានសកម្ម ។ ព្រោះថាដើម្បីអាចបោះឆ្នោតផ្លាស់ប្តូរអ្នកដឹកនាំប្រទេសសព្វថ្ងៃដែលធ្វើឲ្យរាស្រ្ត
និងជាតិស្ទើរហិនហោចនេះបាននៅក្នុងឆ្នាំ២០១៣ លុះត្រាតែប្រជាពលរដ្ឋដែលជាម្ចាស់ឆ្នោតគ្រប់រូបមានឈ្មោះក្នុងបញ្ជីបោះឆ្នោតឆ្នាំ២០១២នេះ ។
ដូច្នេះចាប់ពីថ្ងៃនេះតទៅរហូតដល់ថ្ងៃទី១២ ខែតុលា ឆ្នាំ២០១២
សូមបងប្អូនប្រជាពលរដ្ឋខ្មែរទាំងអស់ អញ្ជើញទៅពិនិត្យមើលឈ្មោះ
និងចុះឈ្មោះបោះឆ្នោតនៅសាលាឃុំ-សង្កាត់ ដែលបងប្អូន រស់នៅឲ្យបានគ្រប់ៗគ្នា
ដើម្បីជីវិត អនាគតយើង កូនចៅយើង និងប្រទេសជាតិរបស់យើង ។ ដូចនេះមានតែគណបក្ស
សង្គ្រោះជាតិ តែមួយប៉ុណ្ណោះដែលជាក្តីសង្ឃឹមរបស់ប្រជាពលរដ្ឋខ្មែរ
និងប្រទេសជាតិរបស់យើង ៕
No comments:
Post a Comment
yes