កាលពីព្រឹកថ្ងៃទី២៣ ខែតុលា ឆ្នាំ២០១២ ក្រសួងព័ត៌មានរួមនឹងមហាជនជាច្រើនបានប្រតិកម្មយ៉ាងខ្លាំងទៅនឹងទស្សនាវដ្ដីឈ្មោះថា “ព្រះចន្ទ” ដែលបានចេញផ្សាយលេខ ៧២ សម្រាប់ខែវិច្ឆិកា ឆ្នាំ២០១២ ដែលបានចែកផ្សាយតាមតូបលើទីផ្សារនោះ ដោយនៅក្របខាងមុខបានដាក់រូបព្រះមហាវីរក្សត្រដោយបន្លិចរូបតូចៗ ហើយស្ថិតនៅពីក្រោម រូប តារាស្រីប្រាំរូប ដាក់រូបធំៗឈរពីលើរូបព្រះបរមសពព្រះមហាវីរក្សត្រ។
ទស្សនាវដ្ដី “ព្រះចន្ទ”នេះត្រូវបានដាក់លក់លើទៅផ្សារនាព្រឹកថ្ងៃទី ២៣ តុលានេះ ក្រោយពីមានប្រតិកម្ម ពីក្រសួងព័ត៌មាន និងមហាជនមួយចំនួន មកគេឃើញក្រុមចែកផ្សាយទស្សនាវដ្ដីនេះ ប្រញាប់ប្រញាលដើរប្រមូលទស្សនាវដ្ដីរបស់ខ្លួនពីបណ្តាតូបនានារត្រលប់ចូលក្នុងទីស្នាក់ការវិញយ៉ាងលឿនបំផុត។ ប៉ុន្តែទទ្ទឹមនឹងនោះ ទស្សនាវដ្ដីនេះបានធា្លក់ដល់ដៃមហាជនមួយចំនួនទៅហើយ។
មន្ត្រីក្រសួងពត៌មាន បានបញ្ជាក់ថា ក្រសួងព័ត៌មានបានដឹងនិងបានឃើញរូបភាពនៅលើក្របមុខ ទស្សនាវដ្ដីព្រះចន្ទនោះហើយ។ មន្ត្រីដដែលបានបញ្ជាក់ទៀតថាក្រសួងនឹងកោះហៅអ្នកគ្រប់គ្រងទស្សនាវដ្ដីនោះដើម្បីសាកសួរពីរឿងនេះ។ ចំពោះមហាជនដែលបានធ្វើការរិះគន់យ៉ាងខ្លាំងព្រមទាំងស្នើរសុំឱ្យក្រសួងព័ត៌មានបិទទស្សនាវដ្ដីនេះទៀតផង។ ទាក់ទងទៅនឹងប្រតិកម្មខាងលើនេះមជ្ឈមណ្ឌលព័ត៌មានវិទ្យាសាស្ត្រខ្មែរបានព្យាយាមសុំការបំភ្លឺពីអគ្គនាយិការ គ្រប់គ្រងលោកស្រី តែ លីឆេង ដែរតែមិនអាចទាក់ទងបាន៕
No comments:
Post a Comment
yes