សណ្ឋាគារត្រានីហ្គា ដ៏ប្រណីតជាងគេ ស្ថិតតាមបណ្ដោយផ្លូវជាតិលេខ២១B ជាប់វត្ដព្រែកសំរោង ភូមិព្រែកសំរោង សង្កាត់-ក្រុងតាខ្មៅ ខេត្ដកណ្ដាល បាន ក្លាយទៅជាទីតាំងបនល្បែងស៊ីសងដ៏ធំ ដែលមិនទាន់ឃើញអាជ្ញាធរ និងសមត្ថកិច្ច ចាត់វិធានការបង្ក្រាបនៅឡើយនោះ ។
សណ្ឋាគារត្រានីហ្គា បានបើកបនល្បែងជាច្រើនខែមកហើយ ដែលម្ចាស់ សណ្ឋាគារនេះតែម្ដងជាអ្នកបើក រួមទាំងឱ្យកូនចៅរបស់ខ្លួនបានដឹកជញ្ជូនភ្ញៀវ ទាំងខ្មែរ និងជនជាតិវៀតណាម មកពីច្រកព្រំដែនជ្រៃធំ និងមួយចំនួនទៀតមកពី រាជធានីភ្នំពេញ ទៅចូលលេងយ៉ាងច្រើនកុះករ ។ ក្រុមអ្នកញៀនល្បែងដែលប្រមូល ផ្ដុំទៅកាន់ទីនោះ ព្រោះសម្លឹងឃើញពីសុវត្ថិភាព ដោយសារម្ចាស់សណ្ឋាគារជាអ្នក មានមុខមាត់ និងអំណាច មិនអាចឱ្យសមត្ថកិច្ចនិងអាជ្ញាធរប៉ះពាល់ជាដើម ។
ក្នុង១ថ្ងៃៗមនុស្សដែលចេញចូលដ៏ប្រសេចប្រសាច ភាគច្រើនគឺជាអ្នកញៀន ល្បែង ដែលចាញ់ឈ្នះក្នុង១ថ្ងៃរាប់ម៉ឺនដុល្លារ ពិសេសក្រុមអ្នកលេងល្បែងជាច្រើន វង់នៅរាជធានីភ្នំពេញ បានទៅកាន់ទីនោះ ។ បនល្បែងក្នុងសណ្ឋាគារត្រានីហ្គា ត្រូវគេសង្ស័យថា អាជ្ញាធរនិងសមត្ថកិច្ចមូលដ្ឋានអាចពាក់ព័ន្ធនឹងផលប្រយោជន៍ ពីព្រោះសព្វថ្ងៃនេះស្ទើរតែក្លាយជាកាស៊ីណូ ខណៈដែលមានកូនចៅរបស់ម្ចាស់ សណ្ឋាគារ តែងតែយកឡានទៅដឹកជញ្ជូនក្រុមអ្នកញៀនល្បែងទាំង ពលរដ្ឋខ្មែរ និង ជនជាតិវៀតណាមមកពីទល់ដែនច្រកជ្រៃធំ របៀបដូចជាកាស៊ីណូស្របច្បាប់ ។
ប្រជាពលរដ្ឋមិនគាំទ្រជាដាច់ខាតចំពោះបទល្មើសល្បែងស៊ីសង ដែលប្រភព បង្កើតឱ្យមានបទល្មើសក្នុងសង្គម ម្យ៉ាងវិញទៀតម្ចាស់សណ្ឋាគារត្រានីហ្គា ដែល មានតួនាទីផងដែរ គួរណាស់តែចូលរួមលុបបំបាត់បនល្បែងស៊ីសង មិនគួរណា ទាញយកផលចំណេញពីការបើកបនល្បែងស៊ីសង ស្របពេលដែលរាជរដ្ឋាភិបាល តម្រូវឱ្យមានការលុបបំបាត់នោះ៕
No comments:
Post a Comment
yes