ព្រះរាជអាជ្ញាអមតុលាការខេត្តស្វាយរៀង បញ្ចប់ការពិនិត្យលទ្ធផលនៃការស៊ើបអង្កេតលើសំណុំរឿងអតីតអភិបាលក្រុងបាវិត លោក ឈូក បណ្ឌិត។
ព្រះរាជអាជ្ញាខេត្តស្វាយរៀង លោក ហ៊ីង ប៊ុនជា មានប្រសាសន៍តាមទូរស័ព្ទកាលពីព្រឹកថ្ងៃអង្គារ ទី២ ខែតុលា ថា លោកត្រូវការពេលវេលាថែមទៀតក្នុងការសន្និដ្ឋានបញ្ចប់ទៅលើសំណុំរឿងនេះ មុនប្រគល់ទៅឲ្យប្រធានចៅក្រមកំណត់ពេលបើកសវនាការ៖ «ខ្ញុំកំពុងបញ្ចប់ការយល់ឃើញរបស់ខ្ញុំ។ ខ្ញុំពិនិត្យឯកសារអីគ្រប់គ្រាន់អស់ហើយ ប្រហែលជាអាចចេញនៅចុងសប្ដាហ៍នេះ ចាំមើលសិន ចាំខ្ញុំសម្រេចហើយយើងប្រកាសជាចំហដើម្បីបញ្ជូនទៅចៅក្រម»។
បើទោះជាយ៉ាងណាលោក ហ៊ីង ប៊ុនជា ពុំបានបង្ហើបអោយដឹងពីសេចក្ដីសន្និដ្ឋានជាចុងក្រោយនោះថាយ៉ាងណាទេ។ ប៉ុន្តែមានព័ត៌មានមិនផ្លូវការថា អាចនឹងមានជនជាប់ចោទថ្មីម្នាក់ទៀត។
ព្រះរាជអាជ្ញាលោក ហ៊ីង ប៊ុនជា កាលពីពេលកន្លងទៅបានសម្រេចចោទប្រកាន់អតីតអភិបាលក្រុងបាវិត លោក ឈូក បណ្ឌិត ពីបទបង្ករបួសស្នាមដោយអចេតនាចំពោះការបាញ់ប្រហារអោយរបួសកម្មការិនី ៣នាក់ នៅរោងចក្រ កៅវ៉េ (Kao Way) កាលពីថ្ងៃទី២០ ខែកុម្ភៈ ឆ្នាំ២០១២៕
No comments:
Post a Comment
yes