ព្រះតេជគុណ លួន សូវ៉ាត ដែលតែងតែបង្ហាញព្រះភ័ក្រ្តនៅពេលមានការតវ៉ារបស់ប្រជាពលរដ្ឋពីការរំលោភយកដីធ្លី និងរឿងអយុត្តិធម៌នានានោះ ត្រូវបានប្រទេសស្វីសប្រគល់ពានរង្វាន់អ្នកការពារសិទ្ធិមនុស្ស Martin Ennals ដល់ព្រះអង្គហើយកាលពីថ្ងៃទី០២ តុលា ម្សិលមិញក្នុងទីក្រុងហ្សឺណែវ។
លោកស្រី Micheline Calmy-Ry ប្រធានមូលនិធិ Martin Ennals បាននិយាយថា ការប្រគល់ពានរង្វាន់នៃជ័យលាភីមូលនិធិ Martin Ennals ស្តីពីកិច្ចការពារសិទ្ធិមនុស្ស ដល់ព្រះតេជគុណ លួន សូវ៉ាន នេះ គឺដោយសារតែព្រះសង្ឃអង្គនេះ បានធ្វើឲ្យមានការចាប់អារម្មណ៍យ៉ាងខ្លាំងទៅលើបញ្ហាដណ្តើមកាន់កាប់ដីធ្លីទាំងបង្ខំនៅប្រទេសកម្ពុជា។
គួរបញ្ជាក់ថា ព្រះតេជគុណ លួន សូវ៉ាត ធ្លាប់ជាជនរងគ្រោះម្នាក់ នៃការបណ្តេញចេញនៅក្នុងភូមិកំណើតរបស់ព្រះអង្គនៅខេត្តសៀមរាប។ ហើយដោយសារតែការចូលរួមសកម្មភាពជួយដល់ប្រជាពលរដ្ឋដែលជួបប្រទះនឹងបញ្ហាដូចព្រះអង្គតាមរយៈបទចំរៀង កំណាព្យ និងកាមេរ៉ាវីដេអូនោះ ព្រះអង្គក៏ត្រូវបានប៉ូលិសចាប់ខ្លួនជាច្រើនលើកផងដែរ៕
No comments:
Post a Comment
yes