កូដកររ៉ែ កាន់ផ្ទាំងបដាតវ៉ានៅឯអណ្តូងរ៉ែឡុនមីន កាលពីថ្ងៃទី១ តុលា
ក្រុង ចូហាន់ណេស្បើក: ក្រុមហ៊ុនផលិតប្លាទីនកំពូលនៃពិភពលោក Anglo American Platinum (Amplats) បាននិយាយកាលពីថ្ងៃអង្គារថា ខ្លួននឹងបណ្ដេញកូដករទាំងឡាយណាដែលមិនចូលរួមសវនាការវិន័យនៅ ថ្ងៃបន្តបន្ទាប់ ខណៈកូដកម្មខុសច្បាប់មួយ បានបន្តនៅឯអណ្ដូងរ៉ែ៤នៃអណ្តូងរ៉ែរបស់ខ្លួន។
ដោយមើលមិនឃើញ ទីបញ្ចប់នៃកូដកម្មដ៏ព្រៃផ្សៃជាហូរហែនៅអាហ្វ្រិកខាងត្បូងនេះ ក្រុមហ៊ុន Anglo Gold Ashanti បានព្រមានថា ការមិនធ្វើការខុសច្បាប់អាចធ្វើឲ្យមានការកាត់បន្ថយប្រតិបត្តិការខ្លួននៅទីនោះ ហើយខ្លួនក៏អាចត្រូវបណ្ដេញកម្មករជាច្រើនដែរ។
ចំពេលមានសម្តី ម៉ឺងម៉ាត់ពីក្រុមថៅកែរ៉ែ កូដកម្មខុសច្បាប់មួយទៀត បានកើតឡើងកាលពីថ្ងៃចន្ទនៅឯអណ្ដូងរ៉ែប្លាទីនបូកូនី ដែលគ្រប់គ្រងដោយក្រុមហ៊ុន Amplats និងក្រុមហ៊ុន Atlatsa Resources ដែលមានមូលដ្ឋាននៅកាណាដា។
កូដកម្មនៅបូកូនី គឺគួរឲ្យបារម្ភណាស់ ព្រោះវានៅខាងកើតនៃតំបន់ប្លាទីន ចម្ងាយរាប់រយគ .មពីរលកនៃជម្លោះការងារដែលប្រមូលផ្ដុំនៅជុំវិញក្រុងរូស្តិន ប៊ើក និងម៉ារីកាណា ជាទីដែលមនុស្ស៤៦នាក់ត្រូវគេសម្លាប់នៅក្នុងកូដកម្មបង្ហូរឈាម៦ សប្ដាហ៍នៅក្រុមហ៊ុនឡុនមីន។
ប៉ូលិសបាននិយាយពីថ្ងៃចន្ទថា សាកសពមួយទៀត ត្រូវបានរកឃើញនៅក្នុងតំបន់រូស្តិនប៊ើក ក្បែរអណ្តូងរ៉ែ Amplats មួយ ហើយពួកគេជឿថា ការស្លាប់នេះគឺពាក់ព័ន្ធនឹងអំពើហិង្សារ៉ែ។
អណ្ដូងរ៉ែ រូស្តេនប៊ើកបួនកន្លែងរបស់ក្រុមហ៊ុន Amplats បានបិទទ្វារជាងពីរសប្ដាហ៍ហើយដោយខាតបង់ទិន្នផលជាង២ម៉ឺនអោន ហើយពេលនេះក្រុមហ៊ុននឹងបណ្ដេញបុគ្គលិកណាដែលមិនរាយការណ៍ទៅ អង្គប្រជុំស្ដាប់ពីវិន័យនៅត្រឹមថ្ងៃអង្គារ។ នៅក្នុងសេចក្ដីថ្លែងការណ៍មួយ ក្រុមហ៊ុននេះបាននិយាយថា៖ «ក្រុមហ៊ុននឹងគ្មានជម្រើសក្រៅពីបណ្ដេញចេញនោះទេ ក្នុងករណីមិនបានបង្ហាញខ្លួន»៕
No comments:
Post a Comment
yes