ក្រុងខុនខតៈ ប្រធានាធិបតី បារ៉ាក់ អូបាម៉ា និងគូប្រជែងមកពីបក្សសាធារណរដ្ឋ លោក មីត រ៉ុមនី បានប្រញាប់បញ្ចប់យុទ្ធនាការដែលព្យាករមិនត្រូវ ក្នុងរយៈពេល៤៨ម៉ោងចុងក្រោយនៅក្នុងការប្រជែងយកសេតវិមានដ៏ស្វិតស្វាញកាលពីថ្ងៃចន្ទ ដោយព្យាយាមជំរុញក្រុមអ្នកគាំទ្រ និងទាក់ទាញអ្នកបោះឆ្នោតដែលមិនទាន់សម្រេចចិត្តនៅក្នុងរដ្ឋដែលអាចប្រែប្រួលមួយចំនួនតូច។
គូប្រជែងទាំងពីរ បានធ្វើដំណើរទៅ ក្រប់ច្រកល្ហកទូទាំងប្រទេសនៅថ្ងៃចុងក្រោយ នៃយុទ្ធនាការឃោសនា ដែលការស្ទង់មតិបានបង្ហាញថា មានលទ្ធផលប្រកិតៗគ្នានៅទូទាំងប្រទេស ថ្វីបើលោកប្រធានាធិបតីទំនងជានាំមុខបន្តិចនៅក្នុងបណ្តារដ្ឋមិនច្បាស់លាស់ដែលនឹងសម្រេចអំពីអ្នកដែលនឹងទទួលបានសន្លឹកឆ្នោត២៧០ដែលគេត្រូវការដើម្បីឈ្នះការបោះឆ្នោតនៅរាត្រីថ្ងៃអង្គារ។
បន្ទាប់ពីការប៉ះទង្គិចគ្នាដ៏ជូរចត់ និងការផ្សាយពាណិជ្ជកម្មជាច្រើនខែនៅក្នុងរដ្ឋសំខាន់ៗ លោក អូបា ម៉ា និងលោក រ៉ុមនី បានលើកឡើងពីទឡ្ហិករណ៍របស់ពួកគេថា ពួកគេ ផ្តល់ដំណោះស្រាយល្អបំផុតចំពោះ សេដ្ឋកិច្ចទន់ខ្សោយ និងការរាំងស្ទះខាងបក្សពួក នៅក្រុងវ៉ាស៊ីនតោន។
អ្នកទាំងពីរ ក៏បានធ្វើការអំពាវនាវដោយផ្ទាល់ឲ្យមានការបោះឆ្នោត នៅក្នុងការប្រកួតប្រជែងមួយដែលកអាចបង្ហាញថា ភាគីណាមួយ ធ្វើការបានល្អបំផុតដើម្បីទាក់ទាញអ្នកបោះឆ្នោត។
No comments:
Post a Comment
yes