ពាក្យចចាមអារ៉ាមបានរីកសុះសាយថាមានផែនការធ្វើឃាតលោកថាក់ស៊ីន
ក្នុងអំឡុងពេលទស្សនកិច្ចនៅតាជីឡេក
រដ្ឋមន្ត្រីការពារជាតិថៃលោកស៊ូគុមពល ស៊ូវ៉ាណាថាតមានជំនឿថារដ្ឋាភិបាលមីយ៉ាន់ម៉ាអាចការពារអតីតនាយករដ្ឋមន្ត្រីថាក់ស៊ីនស៊ីណាវ៉ាត្រានៅពេលលោកធ្វើទស្សនកិច្ចប្រទេសនេះនៅបីថ្ងៃខាងមុខ។
លោកបាននិយាយដូច្នេះជាការឆ្លើយតបទៅនឹងពាក្យចចាមអារ៉ាមអំពីការប៉ុនប៉ងធ្វើឃាតលោកថាក់ស៊ីននៅមុនដំណើររបស់លោកនៅទីនោះ។
ថាក់ស៊ីននឹងជួបប្រជុំជាមួយប្រធានាធិបតីមីយ៉ាន់ម៉ាលោកថេន សេននៅថ្ងៃព្រហស្បតិ៍នៅពេលលោកធ្វើទស្សនកិច្ចទីក្រុងណៃពីដរក្នុងផ្នែកនៃដំណើររយៈពេល៣ថ្ងៃរបស់លោកក្នុងប្រទេសអាស៊ីអាគ្នេយ៍មួយនេះ។
លោកបាននិយាយដូច្នេះជាការឆ្លើយតបទៅនឹងពាក្យចចាមអារ៉ាមអំពីការប៉ុនប៉ងធ្វើឃាតលោកថាក់ស៊ីននៅមុនដំណើររបស់លោកនៅទីនោះ។
ថាក់ស៊ីននឹងជួបប្រជុំជាមួយប្រធានាធិបតីមីយ៉ាន់ម៉ាលោកថេន សេននៅថ្ងៃព្រហស្បតិ៍នៅពេលលោកធ្វើទស្សនកិច្ចទីក្រុងណៃពីដរក្នុងផ្នែកនៃដំណើររយៈពេល៣ថ្ងៃរបស់លោកក្នុងប្រទេសអាស៊ីអាគ្នេយ៍មួយនេះ។
នៅថ្ងៃសុក្រ ថាក់ស៊ីនត្រូវគេរំពឹងថានឹងជួបសមាជិកសភានៃគណបក្សកាន់អំណាចទៅពីប្រទេសថៃព្រមទាំងធុរជនថៃនិងមីយ៉ាន់ម៉ានៅទីប្រជុំជនតាជីឡេកជាប់ព្រំដែនថៃភាគខាងជើង។
ពាក្យចចាមអារ៉ាមបានរីកសុះសាយថាមានផែនការធ្វើឃាតលោកថាក់ស៊ីនក្នុងអំឡុងពេលទស្សនកិច្ចនៅតាជីឡេក។
លោករដ្ឋមន្ត្រីស៊ូគុមពលបាននិយាយថា"ខ្ញុំមានជំនឿថាអាជ្ញាធរមីយ៉ាន់ម៉ានឹងផ្តល់ការការពារយ៉ាងល្អ"តែការងារការពារថាក់ស៊ីនពិបាក។
ថាក់ស៊ីននឹងស្នាក់នៅសណ្ឋាគារមួយឆ្ងាយពីទីប្រជុំជនជាប់ព្រំដែន មេ សាយរបស់ថៃ។
ប្រភពព័ត៌មានសន្តិសុខព្រំដែនមួយបាននិយាយថាគេមិនអាចសុំការបញ្ជាក់បានទេថាតើលោកថាក់ស៊ីននឹងមកទស្សនាទីប្រជុំជនតាជីឡេកនេះដែរឬអត់។មានអំពើហិង្សាកាលពីពេលថ្មីៗរវាងជនជាតិភាគតិចមីយ៉ាន់ម៉ានិងក្រុមទុច្ចរិតប្រចាំមូលដ្ឋាន ពាក់ព័ន្ធនឹងជំនួញថ្នាំញៀន ដូច្នេះ"គេអាចមានផែនការធ្វើឃាតថាក់ស៊ីននិងទម្លាក់កំហុសលើពួកក្រុមជនជាតិនិងឈ្មួញថ្នាំញៀន"។
កាលពីថ្ងៃសុក្រសប្តាហ៍មុន អាជ្ញាធរមីយ៉ាន់ម៉ាបានចូលឆែកឆេរផ្ទះមួយជិតសណ្ឋាគារដែលថាក់ស៊ីនត្រូវស្នាក់នៅនិងបានរឹបអូសយកបានគ្រាប់បែក៣គ្រាប់ រំសេវផ្ទុះ គ្រាប់M16ចំនួន១០ តែប៉ូលិសមីយ៉ាន់ម៉ាបាននិយាយថាវាមិនពាក់ព័ន្ធនឹងដំណើរទស្សនកិច្ចរបស់ថាក់ស៊ីនទេ។
តែទោះជាយ៉ាងណា លោកផានថងតេ ស៊ីណាវ៉ាត្រា កូនប្រុសរបស់ថាក់ស៊ីន បាននិយាយកាលពីថ្ងៃម្សិលមិញថាលោកបានទទួលព័ត៌មានពីអាជ្ញាធរព្រំដែនថាគ្រាប់រំសេវទាំងនេះនឹងត្រូវប្រើសំរាប់វាយប្រហារវត្តមួយនៅតាជីឡេកកន្លែងដែលឪពុករបស់លោកនិងពួកអាវក្រហមនឹងចូលរួមពិធីសាសនាមួយនៅថ្ងៃសៅរិ៍។
លោកផានថងតេបាននិយាយថាលោកជឿថាពួកថៃមួយក្រុមនៅពីក្រោយផែនការនេះ ដែលលោកបានហៅថាជាការប៉ុនប៉ងលើកទី៥លើជីវិតឪពុកលោក។
លោករំពឹងថាឪពុកលោកនឹងស្នាក់នៅឆ្ងាយពីព្រំដែន ដែលមានន័យថាពួកអាវក្រហមនឹងត្រូវធ្វើដំណើរជ្រៅឡើងចូលក្នុងប្រទេសមីយ៉ាន់ម៉ាដើម្បីជួបលោកថាក់ស៊ីន។
សមាជិកសភាបក្សភឿថៃលោកស៊ូរ៉ាស៊ីត ហ្សេមវីចាកបាននិយាយថាលោកសង្ឃឹមថាយ៉ាងតិចមានអ្នកគាំទ្រ១ម៉ឺននាក់នឹងនាំគ្នាំទៅជួបលោកថាក់ស៊ីនប្រសិនបើលោកមកតាជីឡេក។
ក្នុងពេលជាមួយគ្នាមេដឹកនាំបក្សប្រឆាំងលោកអាប់ភិស៊ីត វេចាជីវ៉ាបានទទូចអោយប៉ូលិសនិងរដ្ឋាភិបាលចាប់ខ្លួនថាក់ស៊ីននិងនាំលោកមកប្រឈមមុខច្បាប់។
អតីតនាយករដ្ឋមន្ត្រីរូបនេះបានបន្តទៀតថាឧបនាយករដ្ឋមន្ត្រីចាលឺម យូបាមរុងដែលមើលការខុសត្រូវកងកម្លាំងប៉ូលិសខកខានមិនបានចាប់ខ្លួនថាក់ស៊ីន និងថាពួកគេអាចមានទោសដោយសារធ្វេសប្រហែសការងារ៕
No comments:
Post a Comment
yes