ក្រុមប្រជាពលរដ្ឋរស់នៅក្រុងសែនមនោរម្យប្រមាណជាង១០០នាក់ បានប្រមូលផ្ដុំគ្នា ធ្វើការតវ៉ាទាមទារឲ្យបញ្ចុះតម្លៃភ្លើងអគ្គិសនីជាលើកទី៣ ហើយ កាលពីព្រឹកថ្ងៃទី០៤ ខែមិនា ឆ្នាំ២០១៣ នៅសាលាខេត្តមណ្ឌលគិរី ដើម្បីទាមទារឲ្យតំលៃភ្លើងវារីអគ្គិសនីជំនួយឥតសំណងរបស់ជប៉ុន
និងភ្លើងទិញពីប្រទេសវៀតណាម ដែលពួកគាត់ប្រើប្រាស់សព្វថ្ងៃ
បានធ្លាក់ថ្លៃក្រោម១០០០រៀល ក្នុង១ គីឡូវ៉ាត់ម៉ោង ។
ក្រុមអ្នកតវ៉ា ថ្ងៃនេះផ្ទាល់ផងដែរ គាត់បានធ្វើការសំណូមពរដល់ ថ្នាក់ដឹកនាំឲ្យជួយដោះស្រាយ លើបញ្ហាភ្លើងនេះ អោយមានតំលៃទាបក្រោម១០០០៛ ក្នុងមួយគីឡូវ៉ាត់ម៉ោង ពីព្រោះសព្វថ្ងៃនេះ ពួកគាត់ប្រើប្រាស់ថាមពលចរន្តអគ្គិសនីខាងលើមានតំលៃរហូតដល់ទៅ១៥០០៛ ទៅ១៧០០៛ក្នុងមួយគីឡូវ៉ាត់ម៉ោង។ ការប្រើប្រាស់ថាមពលខាងលើនេះ ទាំងអ្នកប្រើប្រាស់ធម្មតា មន្ត្រីរាជការ ព្រមទាំងអ្នកប្រើប្រាស់ ធ្វើអាជីវកម្មផងដែរ បាននាំគ្នាត្អូញត្អែរអំពីថ្លៃសេវាប្រើប្រាស់មានទំហំចំណាយច្រើនហួសហេតុពេក រហូតដល់អង្គភាពមួយចំនួន និងគ្រួសារប្រជាពលរដ្ឋខ្លះ គ្មានលទ្ធភាពបង់ប្រាក់ថ្លៃភ្លើងទៀតផង បញ្ហានេះពួកគាត់បានព្រួយបារម្ភថា កំពុងប៉ះពាល់យ៉ាងខ្លាំងដល់ជីវភាពប្រចាំថ្ងៃរបស់ពួកគាត់ ។
ក្រុមប្រជាពលរដ្ឋ នៅថ្ងៃទី០៤ ខែមីនា ឆ្នាំ២០១៣នេះបាននាំគ្នាទៅតវ៉ា នៅមុខ ខ្លោងទ្វារ សាលាខេត្ត ដោយមានការបិទផ្លូវ មិនឲ្យមន្រ្តីចេញ ចូល ក្នុង សាលាខេត្តទៀតផង ការតវ៉ានោះ ក្នុងគោលបំណងសំណូមពរអោយក្រុមអាជ្ញាធរខេត្ត អង្គភាពអគ្គិសនីកម្ពុជាខេត្ត និងមន្ត្រីពាក់ព័ន្ធ អោយជួយពន្លឿនក្នុងការដោះស្រាយបញ្ហានេះ អោយបានឆាប់បំផុត ជាពិសេសពួកគាត់ បិទផ្លូវរង់ចាំសួរនាំលោកស្រី អាយ សុគន្ធារី អភិបាលរងខេត្តដែលជានិច្ចកាល លោកស្រីធ្វើការសន្យាជាមួយក្រុមប្រជាពលរដ្ឋ៕
No comments:
Post a Comment
yes