ជុំទប់ទី១នៃឃុំទ្រាល ស្រុកបារាយណ៍ ខេត្ដកំពង់ធំ
អ្នកស្រី សេង ចន្ថូ ប្រាប់ថា
ប្រាក់បៀវត្សរ៍មន្ដ្រីឃុំ និងក្រុមប្រឹក្សា ចំនួនពីរខែ គឺខែមករា និងកុម្ភៈ
ពួកគេមិនទាន់បានបើកនៅឡើយទេ។ អ្នកស្រីបន្ថែមថា ជុំទប់ឃុំក៏ដូចសមាជិកក្រុមប្រឹក្សា
ត្អូញត្អែរមិនមានថវិកាចុះធ្វើការងារ
និងមិនមានប្រាក់ឧបត្ថម្ភដល់កូនរៀន ។
សមាជិកក្រុមប្រឹក្សា ឃុំស្រឡៅ ស្រុកបារាយណ៍ លោក អឿន
សុង ឲ្យដឹងថា មន្ដ្រីឃុំសង្កាត់ ទទួលបានប្រាក់ខ តិចតួច
ចំណាយមិនគ្រប់នឹងចុះធ្វើការជាមួយប្រជាពលរដ្ឋនោះទេ ដូច្នេះ ការបើកប្រាក់ខែ
មិនសមយឺតយ៉ាវនោះទេ ។
ប្រាក់បៀវត្សរ៍សម្រាប់មេឃុំក្នុងមួយខែ ប្រមាណជា
១៥ម៉ឺនរៀល ជំទប់ទី១និងទី២ មានចំនួន១២ ម៉ឺនរៀល
និងក្រុមប្រឹក្សាចំនួន១០ម៉ឺនរៀល ។
មិនអាចទាក់ទងប្រធានរតនាគារខេត្ដកំពង់ធំបាននៅឡើយទេ
តែអភិបាលរងខេត្ត និងជាអ្នកនាំពាក្យខេត្ដកំពង់ធំ លោក អ៊ុត សំអន មានប្រសាសន៍ថា
ប្រធានរតនាគារខេត្ដ
បានជូនដំណឹងដល់ក្រុមប្រឹក្សាឃុំសង្កាត់ឲ្យទៅយកប្រាក់ខែហើយ។ លោកថា
ការយឺតយ៉ាវនេះ ដោយសារការបិទបញ្ជីចុងឆ្នាំ ។
យ៉ាងនេះក្ដី សមាជិកក្រុមប្រឹក្សាឃ្លាំមើលកម្ពុជា លោក
រ៉ុង ឈុន យល់ឃើញថា
បញ្ហានេះបង្ហាញពីភាពកំសោយរបស់រាជរដ្ឋាភិបាលកម្ពុជាក្នុងការធ្វើការងារ
បើកប្រាក់ខែជូនមន្ត្រីឃុំសង្កាត់។ លោកថា
រាជរដ្ឋាភិបាលគួរផ្ដល់ប្រាក់ខែឲ្យបានទាន់ពេលវេលា ដើម្បីជាការលើកទឹកចិត្ដដល់មន្ដ្រីថ្នាក់ក្រោមជាតិ ៕
No comments:
Post a Comment
yes