ខៀវ កាញារីទ្ធ រដ្ឋមន្រ្តីក្រសួងព័ត៌មាន
គណបក្សប្រឆាំងបានបញ្ជាក់កាលពីម្សិលមិញនៅក្នុងសេចក្តីប្រកាសព័ត៌មាន ដោយរិះគន់ការអត្ថាធិប្បាយមួយថ្ងៃមុនដោយរដ្ឋមន្រ្តីក្រសួងព័ត៌មានលោក ខៀវ កាញារីទ្ធ ថា ការអះអាងជាសាធារណៈរបស់មន្រ្តីជាន់ខ្ពស់គណបក្សប្រជាជនរូបនេះគឺបំផ្លើសការពិតក្នុងន័យញុះញង់កេងចំណេញនយោបាយ។
លោក ខៀវ កាញារីទ្ធ ជាអ្នកនាំពាក្យគណបក្សប្រជាជនផងនោះ ពីថ្ងៃសៅរ៍ថ្លែងប្រាប់អ្នកសារព័ត៌មានថា កិច្ចប្រជុំមួយបានធ្វើឡើងរវាងគណបក្សទាំងពីរដើម្បីដោះស្រាយភាពជាប់គាំងនយោបាយតាមរយៈ «ការបែងចែកតួនាទីក្នុងសភា»។
នៅក្នុងសេចក្តីប្រកាសព័ត៌មានកាលពីម្សិលមិញ គណបក្សសង្គ្រោះជាតិស្វែងរកការបំភ្លឺពីស្ថានភាពនេះ និងហៅការអត្ថាធិប្បាយនោះ «បំផ្លើសទាំងស្រុង»។
ក្នុងប្រកាសព័ត៌មាននេះគូសបញ្ជាក់ថា៖ «ការលើកឡើងនេះគឺបំផ្លើសការពិតនិងក្នុងន័យញុះញង់មានបំណងកេងចំណេញនយោបាយ។ គណបក្សសង្គ្រោះជាតិសូមឲ្យថ្នាក់ដឹកនាំគណបក្សប្រជាជនជួយណែនាំ ឯកឧត្តម ខៀវ កាញារីទ្ធ ឲ្យកែតម្រូវការនិយាយស្តីផ្ទុយពីការពិតនេះ»។ អត្ថាធិប្បាយរបស់លោក ខៀវ កាញារីទ្ធ ធ្វើឡើងឆ្លើយតបទៅនឹងសំណួររបស់អ្នកសារព័ត៌មាន បន្ទាប់ពីពិធីចែកសញ្ញាបត្រមួយត្រូវបានរាយការណ៍នៅលើគេហទំព័រ ដើមអម្ពិលថា ជាកិច្ចពិភាក្សា «បែងចែកអំណាច»គ្នា។
បើទោះជាលទ្ធផលផ្លូវការមិនទាន់បានប្រកាសទាំងគណបក្សសង្គ្រោះជាតិ និងគណបក្សប្រជាជនកម្ពុជានៅតែប្រកាន់ជំហរថានឹងមិនមានរដ្ឋាភិបាលចម្រុះទេ។ ពិតណាស់ ការថ្លែងរបស់លោក ខៀវ កាញារីទ្ធ បានសង្កត់ធ្ងន់ថា «រហូតមកដល់ពេលនេះពុំមានផែនការបង្កើត រដ្ឋាភិបាលចម្រុះជាមួយគណបក្សប្រឆាំងទេ»។
កាលពីថ្ងៃសុក្រ តំណាងគណបក្សទាំងពីរបានជួបពិភាក្សាអំពីរបៀបដំណើរការទៅមុខជាមួយនឹងការស៊ើបអង្កេតចម្រុះទៅលើភាពមិនប្រក្រតីនៃការបោះឆ្នោតហើយមួយថ្ងៃក្រោយមករដ្ឋមន្រ្តីក្រសួងមហាផ្ទៃ លោក ស ខេង បានជួបជាមួយអង្គការក្រៅរដ្ឋាភិបាលពិភាក្សាអំពីតួនាទីដែលពួកគេអាចដើរតួនៅក្នុងការស៊ើបអង្កេតនេះបាន៕
No comments:
Post a Comment
yes