ជំនួបរវាងលោក កឹម សុខា និងតំណាងរាស្ត្រ អូស្ត្រាលី នៅស្នាក់
ការកណ្តាលបក្ស (រូបថត Facebook លោក កឹម សុខា)
អនុប្រធានគណបក្សសង្គ្រោះជាតិលោក កឹម សុខា នៅថ្ងៃអាទិត្យនេះ បានលើកយកបញ្ហាជាប់គាំងនយោបាយនៅកម្ពុជា ពិភាក្សាជាមួយតំណាងរាស្ត្រអូស្ត្រាលី ដើម្បីស្វែងរកដំណោះស្រាយឲ្យបានឆាប់។
នៅព្រឹកថ្ងៃទី០២ ខែមីនា ២០១៤ លោកកឹម សុខា បានជួបជាមួយលោក Martin Pakula តំណាងរាស្ត្រ Lyndhurst នៃប្រទេសអូស្ត្រាលី និងលោក Greg Sword អតីតប្រធានគណបក្សការងាររបស់ប្រទេសអូស្ត្រាលី ដើម្បីពិភាក្សាអំពីបញ្ហាជាប់គាំងនយោបាយ។ ក្នុងជំនួបនោះ ក៏មានលើកឡើងពីចលនាសហជីពផងដែរ។
ក្រោយការបោះឆ្នោតជាង៧ខែមកនេះ គណបក្សសង្គ្រោះជាតិ មិនទទួលស្គាល់លទ្ធផល ដោយចោទថា គណបក្សប្រជាជនកម្ពុជាលួចបន្លំ។ ការមិនព្រមទទួលយកនេះ គណបក្សសង្គ្រោះជាតិ បានធ្វើបាតុកម្មទាមទារឲ្យមានការបោះឆ្នោតឡើងវិញ និង គៀងគរសហគមន៍អន្តរជាតិឲ្យដាក់សម្ពាធលើរដ្ឋាភិបាលដែលបង្កើតដោយគណបក្សប្រជាជនកម្ពុជា ដោយចោទថា រដ្ឋាភិបាលបង្កើតឡើងដោយខុសច្បាប់៕
No comments:
Post a Comment
yes