យន្តហោះ​អូស្ត្រាលី​ត្រូ​ចាប់ជំរិតចុះចត​បន្ទាន់​នា​កោះ​បាលី​ឥណ្ឌូនេស៊ី​

រូបភាព​លើ​អេក្រង់​រ៉ា​ដា បង្ហាញ​ពី​យន្តហោះ​របស់ Virgin Blue ត្រូវ​ចាប់

ជំរិត​តាមផ្លូវ​ហោះហើរ​ពី Brisbane មក​កោះ Bali 

ទ័ពអាកាស​ ឥណ្ឌូនេស៊ី ទើប​ប្រកាសថា យន្តហោះ ១​គ្រឿង របស់​ក្រុមហ៊ុន​អាកាសចរណ៍​អូស្ត្រាលី Virgin Blue បាន​ចុះ​សំចត​បន្ទាន់ នៅ​ព្រលានយន្តហោះ Denpaza នា​កោះ​ទេសចរណ៍​បាលី បន្ទាប់ពី​អ្នកបើកបរ​យន្តហោះ បានប្រកាសថា មាន “​ចោរប្លន់​យន្តហោះ​” ។​

 

​ឆា​ណែ​ល​ទូរទស្សន៍ Metro TV របស់​ឥណ្ឌូនេស៊ី ឲ្យ​ដឹងថា មាន​អ្នកដំណើរ​ម្នាក់​បាន​សំរុកចូល​បន្ទប់​បើកបរ ក្នុង​ជើងហោះហើរ​មាន​លេខ​សម្គាល់ VA41 ចេញពី Brisbane ទៅកាន់ Bali ហើយ​អ្នកបើកបរ​បានប្រកាស​មកកាន់​មជ្ឈមណ្ឌល​ថាៈ “​យន្តហោះ​ត្រូវ​ចាប់ជំរិត​” ។​

​អ្នកនាំពាក្យ​ទ័ពអាកាស​ឥណ្ឌូនេស៊ី Hade Tjahjato បាន​ថ្លែង​លើ​ឆា​ណែ​ល​ទូរទស្សន៍ Metro TV ថាៈ យើងខ្ញុំ​ទទួលបាន​ព័ត៌មាន​ថា យន្តហោះ 737-400 ចេញពី Brisbane មកកាន់ Bali ត្រូវបាន​ចោរប្លន់​យន្តហោះ​ចាប់ជំរិត ។ អ្នកបើកបរ​ប្រកាសថា យន្តហោះ​ត្រូវបាន​ចោរ​ត្រួតត្រា ។ បច្ចុប្បន្ន យើងខ្ញុំ​កំពុងតែ​ស៊ើបអង្កេត​ករណីនេះ ។​

​អ្នកជិះ​យន្តហោះ ចុះ​សំចត​ក្រោយ​នោះ បាន​ប្រាប់ AFP ថាៈ ខ្ញុំ​បាន​សម្លឹង​ឃើញ​មាន​រថយន្ត​ដឹក​ទាហាន​តិច​បំផុត ៥ គ្រឿង កំពុង​បោះពួយ​ទៅកាន់​យន្តហោះ​នោះ ៕​