ក្រុងកាត់ថ្មាន់ឌូៈ ក្រុមមន្ត្រីបាននិយាយថា យន្តហោះធុនតូចមួយគ្រឿងបានបុកបក្សីមួយក្បាល ហើយក៏បានធ្លាក់បន្ទិចក្រោយពីការហោះឡើងពីរដ្ឋធានីកាត់ថ្មាន់ឌូ នៃប្រទេសនេប៉ាល់កាលពីព្រឹកថ្ងៃសុក្រុនេះ ដោយសម្លាប់មនុស្ស១៩នាក់ ក្នុងនោះមានជនជាតិអង់គ្លេស៧នាក់ និងអ្នកដំណើរជនជាតិចិត៥នាក់។
ការធ្លាក់យន្តហោះ Dornier ប្រើកង្ហារនេះ គឺជាគ្រោះថ្នាក់យន្តហោះសម្លាប់មនុស្សលើកទី៦នៅក្នុងរយៈពេលមិនដល់ពីរឆ្នាំ នៅនេប៉ាល់ ជាតិដែលយន្តដឹកអ្នកដំណើរឯកជនតូចៗជាង១០គ្រឿង ជារឿយៗព្រហើននឹងអាកាសធាតុអាក្រក់ហោះហើរទៅកាន់តំបន់ភ្នំ ដែលពុំមានបណ្តាញផ្លូវថ្នល់ត្រឹមត្រូវ។
ក្រុមមន្ត្រីទេសចរណ៍ បាននិយាយថា គ្រោះថ្នាក់ថ្មីបំផុតនេះ អាចធ្វើឲ្យអ្នកទេសចរបរទេសងាកចេញពីការធ្វើដំណើរកំសាន្តនៅនេប៉ាល់។ អ្នកស្លាបើភាគច្រើន គឺជាអ្នកទេសចរថ្មើរជើង។ ក្រុមសង្គ្រោះ បានទាញសាកសពឆេះខ្លោចពីគំនរកម្ទេចកម្ទីបាក់បែក នៅក្នុងវាលមួយនៅលើច្រាំងទន្លេមួយក្បែរព្រលានយន្តហោះនោះ។ យន្តហោះ Dornier ដែលជាយន្តហោះមយយគ្រឿង ក្នុងចំណោមយន្តហោះរបស់ក្រុមហ៊ុនឯកជន Sita Air បានហោះហោះរទៅកាន់តំបន់លូកា ជាច្រកឆ្ពោះទៅកាន់ភ្នំហេមពាន ក្នុងពេលពេលព្រឹកដែលមានមេឃស្រឡះ។
No comments:
Post a Comment
yes