លោក គង់ គាំ ប្រធានស្តីទីគណបក្ស សម រង្ស៊ី
គណបក្ស សង្គ្រោះជាតិ ដែលទើបតែបង្កើតឡើងកាលពីពេលកន្លងទៅថ្មីៗនេះ
ក្រោមការរួម បញ្ចូលគ្នាជាសម្លេងតែមួយរវាងគណបក្ស សម រង្ស៊ី និងគណបក្ស សិទ្ធិមនុស្ស និងរៀបចំប្រារព្វពិធីអបអរសាទរខួបឆ្នាំទី២១
នៃកិច្ចព្រមព្រៀងសន្និភាពទីក្រុងប៉ារីស « ថ្ងៃទី២៣ ខែតុលា ឆ្នាំ១៩៩១ ថ្ងៃទី២៣
ខែតុលា ឆ្នាំ២០១២ » នៅថ្ងៃទី២៤ ខែតុលា ឆ្នាំ២០១២ ។
កិច្ចព្រមព្រៀងទីក្រុងប៉ារីសថ្ងៃទី២៣ ខែតុលា ឆ្នាំ២១៩៩១
គឺបាននាំមកនូវ ប្រជាធិបតេយ្យ សន្តិភាព ការឯកភាព និងការបង្រួបបង្រួមជាតិ
ព្រមទាំងសេដ្ឋកិច្ចទីផ្សារសេរី សំរាប់លើក តំកើងជីវភាពប្រជាពលរដ្ឋខ្មែរ ។
ហើយលើសពីនេះទៅទៀតនោះ កិច្ចព្រមព្រៀងទីក្រុងប៉ារីស
ជាឯកសារដ៏មានសារសំខាន់ជាអន្តរជាតិ ក្នុងទិសដៅការពារអធិបតេយ្យភាព ឯករាជ្យភាព
អព្យាក្រិតភាព និងបូរណភាពទឹកដីកម្ពុជា សំរាប់កូនចៅខ្មែរជំនាន់នេះ និងជំនាន់ក្រោយៗ
ទៀត ។
ជារៀងរាល់ឆ្នាំគណបក្សប្រឆាំងដ៏ធំនៅក្នុងប្រទេសកម្ពុជា
ដែលមានលោក សម រង្ស៊ី ជាប្រធាន គឺតែងតែដឹកនាំសហការី និងសមាជិក-សមាជិការរបស់លោក
ប្រារព្វពិធីនេះជារៀងរាល់ឆ្នាំ ព្រោះគណបក្ស សម រង្ស៊ី បានចាត់ទុកថ្ងៃទី២៣
ខែតុលា ឆ្នាំ១៩៩១ គឺជាថ្ងៃដែលមានសារសំខាន់បំផុត ក្នុងការនាំមកនូវអ្វីៗសម្រាប់ជាប្រយោជន៏ដល់ប្រទេសជាតិ
និងប្រជាពលរដ្ឋកម្ពុជា ។ ហើយរហូតមកដល់គណបក្ស សង្គ្រោះជាតិ ក៏នៅតែប្រារព្វធ្វើជាដដែល
ព្រោះថ្ងៃទី២៣ តុលា ឆ្នាំ១៩៩១ គឺជាថ្ងៃដែលអ្នកប្រជាធិបតេយ្យ និងស្នេហាជាតិ
មិនអាចបំភ្លេចបានឡើយ ។
តែផ្ទុយទៅវិញ គណបក្សកាន់អំណាចក្រោមការដឹកនាំដោយលោក ហ៊ុន
សែន ជានាយករដ្ឋ
មន្រ្តី ពួកគេបានខិតខំបំភ្លេចចោលថ្ងៃទី២៣ ខែតុលា
ឆ្នាំ១៩៩១ ព្រមទាំងបានលប់ចេញពីប្រតិ ទិនជាថ្ងៃឈប់សំរាកទៀតផង និងខំប្រឹងគោរពបានយ៉ាងល្អ
ថ្ងៃ៧ មករា ឆ្នាំ១៩៧៩ ដែលជាថ្ងៃយួនធ្វើជាម្ចាស់លើខ្មែរ
និងលើកបណ្តុបពួកគេឲ្យឡើងកាន់អំណាច មានមុខមាត់ធ្វើបាប
រាស្រ្តខ្លួនឯងរហូតមកដល់សព្វថ្ងៃនេះ ។
លោក គង់ គាំ ប្រធានស្តីទីរបស់គណបក្ស សម រង្ស៊ី
និងជាអ្នកចាស់ទុំខាងផ្នែកនយោបាយ លោកបានមានប្រសាសន៏ថា ការប្រារព្វពិធីអបអរសាទរ
កិច្ចព្រមព្រៀងទីក្រុងប៉ារីស ថ្ងៃទី២៣ ខែតុលា ឆ្នាំ២១៩៩១ គឺជាកាតព្វកិច្ច
និងជាភារកិច្ច ក៏ដូចជាតួនាទីផ្លាច់មុខរបស់កម្លាំងប្រជាធិ បតេយ្យ កម្លាំងស្នេហាជាតិ
កម្លាំងបង្រូបបង្រួមនៃការឯកភាពជាតិ ដែលមានគណបក្ស សង្គ្រោះជាតិ គណបក្ស សម រង្ស៊ី
និងគណបក្ស សិទ្ធិមនុស្សជាអ្នកគាំទ្រយ៉ាងប្តូរផ្តាច់ យ៉ាង មុះមត់ និងយ៉ាងទៀងទាត់ ដើម្បីធ្វើឲ្យប្រទេសកម្ពុជារក្សាបាននូវឯករាជ្យភាព
បូរណភាពទឹកដី ការគោរពសិទ្ធិមនុស្ស និងការអភិវឌ្ឍន៏ត្រឹមត្រូវពេញលេញ ។ លោក គង់ គាំ បានមានប្រសាសន៏បន្តថា
ការដែលប្រទេសកម្ពុជាទទួលបានកិច្ចព្រមព្រៀងសន្ធិសញ្ញាទីក្រុងប៉ារីស ថ្ងៃទី២៣
ខែតុលា ឆ្នាំ១៩៩១ ក៏ជាព្រះរាជស្នាព្រះហស្ថរបស់ព្រះករុណា ព្រះបាទ នរោត្តម សីហនុ
ដែលជាព្រះបិតាឯករាជ្យជាតិផងដែរ ។
សូមជំរាបជូនថា ការប្រារព្វពិធីអបអរសាទរខួបទី២១
នៃកិច្ចព្រមព្រមទីក្រុងប៉ារីស « ថ្ងៃទី២៣ ខែតុលា ឆ្នាំ១៩៩១ ថ្ងៃទី២៣ ខែតុលា
ឆ្នាំ២០១២ » ដែលរៀបចំឡើងដោយគណបក្ស សង្គ្រោះជាតិ និងការចូលរូមពីគណបក្ស សម រង្ស៊ី
- គណបក្ស សិទ្ធិមនុស្ស និងប្រារព្វ ធ្វើនៅទីស្នាក់ការកណ្តាលរបស់គណបក្ស សម រង្ស៊ី
ផ្ទះលេខ៥៧៦ ផ្លូវជាតិលេខ២ សង្កាត់ ចាក់អង្រែលើ ខ័ណ្ឌមានជ័យ រាជធានីភ្នំពេញ ។
គួររំលឹកផងដែរថា កិច្ចព្រមព្រៀងសន្តិភាពទីក្រុងប៉ារីសថ្ងៃទី២៣
ខែតុលា ឆ្នាំ២១៩៩១ គឺត្រូវបានចុះហត្ថលេខាដោយមានការចូលរួមពីអគ្គលេខាធិការ
នៃអង្គការសហប្រជាជាតិ រួមជាមួយនិងប្រមុខការទូតនៃប្រទេសចំនួន១៨
និងភាគីខ្មែរទាំង៤ក្រុមរួមមាន៖ ក្រុមសីហនុនិយម ឬហ្វ៊ុនស៊ិនប៉ិច ក្រុមជាតិនិយមរណសិរ្សជាតិរំដោះប្រជាពលរដ្ឋខ្មែរ
របស់លោកតា សឺន សាន ក្រុមខ្មែរក្រហមរបស់ ប៉ុល ពត និងរបបរដ្ឋកម្ពុជារបស់លោក
ហ៊ុន សែន ។
ចំណែកប្រទេសជាហត្ថលេខីចំនួន១៨ផ្សេងទៀតរួមមាន៖
ប្រទេសជាសមាជិកអចិន្ត្រៃយ៏របស់ក្រុមប្រឹក្សាសន្តិសុខ អ.ស.ប. ចំនួន៥ប្រទេស គឺ
អាមេរិក អង់គ្លេស បារាំង ទាំង៣ប្រទេសនេះ ជាសហប្រធានសន្និសីទ និងចិន-សហភាពសូវៀត
រួមទាំងប្រទេសនៅអាស៊ីអាគ្នេយ៏ ចំនួន៨ប្រទេសទៀត គឺឥណ្ឌូនេស៊ី ជាសហប្រធានសន្និសីទ
វៀតណាម ឡាវ ថៃ សឹង្ហបុរី ម៉ាឡេស៊ី ហ្វីលីពីន និងប្រ៊ុយណេ ។ ក្នុងនោះក៏មានប្រទេសយូហ្គោស្លាវី
ផងដែរ ដែលពេលនោះជាប្រធានក្រុមប្រទេសមិនចូលបក្សសម្ព័ន្ធ និងប្រទេសចំនួន៤ផ្សេងទៀត
គឺឥណ្ឌា ជប៉ុន កាណាដា និង អូស្ត្រាលី ។
សូមជំរាបជូនផងដែរថា កិច្ចព្រមព្រៀងទីក្រុងប៉ារីស ថ្ងៃទី២៣
ខែតុលា ឆ្នាំ១៩៩១ គឺជាប្រវត្តិសាស្ត្រកម្ពុជា ព្រោះបានបិទបញ្ចប់ជាផ្លូវការនូវសង្គ្រាមឥណ្ឌូចិន
និងបានបើកទំព័រប្រវត្តិសាស្រ្តថ្មីសម្រាប់កម្ពុជាទទួលយកសន្តិភាព
លទ្ធិប្រជាធិបតេយ្យ និងរៀបចំការបោះឆ្នោត ។ ហើយក្នុងនោះ កិច្ចព្រមព្រៀងទីក្រុងប៉ារីស
គឺមានគោលដៅសំខាន់ៗ ចំនួនបីយ៉ាង ៖ ទី១-រៀបចំឲ្យមានសន្តិភាពឡើងវិញនៅក្នុងប្រទេសកម្ពុជា
តាមរយៈការអនុវត្តន៏កិច្ចព្រមព្រៀងឈប់បាញ់ និងការរំសាយអាវុធនៅក្នុងជួរកងទ័ពនៃភាគីជម្លោះខ្មែរទាំងអស់
។ ទី២-បានចាក់គ្រឹះលទ្ធិប្រជាធិបតេយ្យនៅក្នុងប្រទេសកម្ពុជា តាមរយៈការរៀបចំបោះឆ្នោតសភាធម្មនុញ្ញ
។ ទី៣-ការពារប្រទេសកម្ពុជា ក្នុងនាមជាប្រទេសពេញសិទ្ធិមួយតាមរយៈការធានាអធិបតេយ្យឯករាជ្យ
បូរណភាព និងភាពពុំអាចរំលោភបំពានបានឡើយនូវទឹកដី អព្យាក្រឹត្យភាព និងឯកភាពជាតិរបស់ប្រទេសកម្ពុជា
ដោយបានបណ្ដេញកងទ័ពយួន ចេញអស់ពីប្រទេសកម្ពុជា ៕
No comments:
Post a Comment
yes