គណបក្ស សង្គ្រោះជាតិ ដែលប្រជាពលរដ្ឋខ្មែរទូទៅបានស្គាល់ថា
ជាគណបក្សថ្មីរបស់អ្នកប្រ ជាធិបតេយ្យ នៅក្រោយពីគណបក្សប្រឆាំងពីរបានសម្រេចរួមបញ្ចូលគ្នាជាសំឡេងតែមួយ
កាលពីថ្ងៃទី១៧ ខែកក្កដា ឆ្នាំ២០១២ នៅទីក្រុងម៉ានីលប្រទេសហ្វីលីពីន
ដែលសព្វថ្ងៃកំពុងតែ មានប្រជាប្រិយភាពយ៉ាងខ្លាំង
ក្នុងការដែលប្រជាពលរដ្ឋខ្មែរទាំងក្នុងប្រទេស និងក្រៅប្រទេស
មានការគាំទ្រយ៉ាងច្រើនខុសប្លែកពីធម្មតានោះ ។
ការសម្រេចរួមបញ្ចូលគ្នាជាសំឡេងតែមួយរវាងគណបក្ស សម រង្ស៊ី
និងគណបក្ស សិទ្ធិមនុស្ស គឺនៅបន្ទាប់ពីគណបក្សទាំងពីរបានមើលឃើញថា
ប្រទេសកម្ពុជាក្រោមការគ្រប់គ្រង ដោយគណបក្សប្រជាជន ដែលមានលោក ហ៊ុន សែន
ជានាយករដ្ឋមន្រ្តី បាននឹងកំពុងតែដឹក នាំប្រទេសកម្ពុជាទៅដល់រណ្តៅនៃមាត់ជ្រោះមរណៈហើយនោះ
។
មួយវិញទៀតគណបក្សទាំងពីរយល់ឃើញថា ប្រសិនបើគណបក្សទាំងពីរនៅបែកគ្នាបន្តទៀត
នោះគឺមិនងាយនិងយកឈ្នះលើគណបក្សកាន់អំណាចសព្វថ្ងៃឡើយ ហើយមិនដឹងពេលណាបានសង្គ្រោះប្រទេសជាតិ
និងប្រជាពលរដ្ឋកម្ពុជានោះទេ ព្រោះដោយសារការបោះឆ្នោតនៅក្នុងប្រទេសកម្ពុជាម្តងៗ គឺមិនបានប្រព្រឹត្តទៅដោយសេរី
ត្រឹមត្រូវ និងយុត្តិធម៌ ឡើយដោយហេតុថា គ.ជ.ប ដែលជាស្ថាប័នទទួលបន្ទុកក្នុងការរៀបចំការបោះឆ្នោតគឺបានដើរតួនាទីដ៏សំខាន់ក្នុងការរៀបចំធ្វើយ៉ាងណាឲ្យគណបក្សប្រជាជន
ឈ្នះជានិច្ច ឈ្នះតែឯង និងឈ្នះ ជារៀងរហូតនោះ ។
យ៉ាងណាម៉ិញចំពោះបញ្ហានៃការទាមទារឲ្យការបោះឆ្នោតប្រព្រឹត្តទៅដោយសេរី
ត្រឹមត្រូវ និងយុត្តិធម៌ នៅក្នុងប្រទេសកម្ពុជានោះ លោក សម រង្ស៊ី
ដែលជាប្រធានគណបក្ស សង្គ្រោះជាតិ រួមជាមួយសហការី
បាននិងកំពុងតែធ្វើការជាមួយអន្តរជាតិយ៉ាងយកចិត្តទុកដាក់ ចំពោះបញ្ហាទាំងនេះ ក្នុងនោះសហគមន៏អ៊ឺរ៉ុប
រួមជាមួយនិងអង្គការអន្តរជាតិនានា ដែលមានឥទ្ធិពលមកលើប្រទេសកម្ពុជា
កំពុងតែចាប់អារម្ភយ៉ាងខ្លាំងក្នុងការខិតខំប្រឹងប្រែងរបស់លោក សម រង្ស៊ី និងសហការី
ដើម្បីឲ្យមានការបោះឆ្នោតដោយសេរី នៅក្នុងប្រទេសកម្ពុជាចាប់ពីឆ្នាំ២០១៣ខាងមុខតទៅនេះ
។
ការបោះឆ្នោតនៅក្នុងប្រទេសកម្ពុជា ត្រូវបានគេមើលឃើញថា ប្រព្រឹត្តទៅតាមឆន្ទៈរបស់ប្រជា
ពលរដ្ឋមានតែមួយអាណត្តិឆ្នាំ១៩៩៣តែប៉ុណ្ណោះ ដែលមានការរៀបចំឡើងដោយអ៊ុនតាក់ តែ
នៅបន្ទាប់ពីនោះ ដែលការបោះឆ្នោតរៀបចំឡើងដោយកម្ពុជាខ្លួនឯងចាប់ពីឆ្នាំ១៩៩៨-២០០៣
និង២០០៨ គឺការបោះឆ្នោតពុំប្រព្រឹត្តទៅដោយសេរី ត្រឹមត្រូវ និងយុត្តិធម៌ឡើយ ជាការបោះឆ្នោតដែលធ្វើឡើងគ្រាន់តែបង្គ្រប់កិច្ចតែប៉ុណ្ណោះ
ដោយហេតុថា គេបានរៀបចំឲ្យគណបក្សប្រជាជនឈ្នះរួចជាស្រេចទៅហើយ ។
សូមជំរាបជូនផងដែរថា ថ្នាក់ដឹកនាំរបស់គណបក្ស សង្គ្រោះជាតិ
ជារៀងរាល់ថ្ងៃបាននិងកំពុង បំពេញភារកិច្ចរបស់ខ្លួន
ដោយចុះទៅតាមបណ្តាខេត្តនានាដើម្បីធ្វើការផ្សព្វផ្សាយពីគោលនយោបាយរបស់គណបក្ស
សង្គ្រោះជាតិ ដើម្បីឲ្យប្រជាពលរដ្ឋលោកបានជ្រាប ព្រោះគណ បក្ស សង្គ្រោះជាតិ
ដែលជាគណបក្សថ្មីកើតឡើងពីការរួមបញ្ចូលគ្នាជាសំឡេងតែមួយ រវាង គណបក្ស សម រង្ស៊ី
និងគណបក្ស សិទ្ធិមនុស្ស និងចូលរួមប្រគួតប្រជែងក្នុងការបោះឆ្នោតជាតិអាណតិទី៥ ថ្ងៃទី២៨
ខែកក្កដា ឆ្នាំ២០១៣ ខាងមុខនេះ ។
វត្តមានរបស់គណបក្ស សង្គ្រោះជាតិ
នៅលើឆាកនយោបាយរបស់ប្រទេសកម្ពុជា គឺមានសារ សំខាន់ខ្លាំងណាស់ ក្នុងការសង្គ្រោះប្រទេសជាតិ
និងប្រជាពលរដ្ឋកម្ពុជា ពីកណ្តាប់ដៃនៃការ គ្រប់គ្រងរបស់គណបក្សប្រជាជន ដែលមានលោក
ហ៊ុន សែន ជានាយករដ្ឋមន្រ្តីមកវិញ ។ ដោយហេតុថា
ប្រទេសកម្ពុជាក្រោមការគ្រប់គ្រងរបស់គណបក្សប្រជាជន គឺស្ទើតែរលាយ សាបសូន្យអ្វីៗទាំងអស់ទៅហើយ
។
ដូចនេះហើយនៅបន្ទាប់ពីប្រជាពលរដ្ឋពួកគាត់ទទួលដំណឹងថា
គណបក្ស សម រង្ស៊ី និងគណបក្ស សិទ្ធិមនុស្ស
សម្រេចរួមបញ្ចួលគ្នាហើយបង្កើតបានគណបក្សថ្មីមូយទៀតសម្រាប់ចូលរួម
ការបោះឆ្នោតឆ្នាំ២០១៣ គឺពួកគាត់មានការសាទរយ៉ាងខ្លាំង ដូចជាការលពីថ្ងៃទី២១ ខែតុលា
ឆ្នាំ២០១២ លោកស្រី មូរ សុខហូរ និងលោក ហ៉ុល ហំម ដែលជាថ្នាក់ដឹកនាំកំពួលរបស់គណបក្ស
សង្គ្រោះជាតិ ពួកគាត់បានអញ្ជើញទៅជួបជាមួយបងប្អូនប្រជាពលរដ្ឋដែលជាអ្នកគាំទ្រ គណបក្ស
សង្គ្រោះជាតិ នៅវត្តខេមររង្សី ទីក្រុងសាន់ហូស្សេ
រដ្ឋការលីហ្វ័រញ៉ា សហរដ្ឋអាមេរិក បានទទួលការស្វាគមន៏យ៉ាងរាក់ទាក់
និងកក់ក្តៅជាទីបំផុតពីសំណាក់ប្រជាពលរដ្ឋខ្មែរ ដែលជាអ្នកស្រលាញ់ជាតិរស់នៅទីនោះ ។
សូមជំរាបជូនផងដែរ
នៅក្នុងពិធីនៃការជួបជាមួយប្រជាពលរដ្ឋខ្មែរដែលជាអ្នកស្នេហាជាតិ
ស្រលាញ់លទ្ធិប្រជាធិបតេយ្យ នៅទីក្រុងសាន់ហូស្សេ រដ្ឋការលីហ្វ័រញ៉ា សហរដ្ឋអាមេរិក
លោកស្រី មូរ សុខហួរ និងលោក ប៉ុល ហំម
បានធ្វើការជំរាបជូនពីព្រឹត្តិការណ៏វិវឌ្ឍន៏ទៅថ្មី សម្រាប់នយោបាយក្នុងប្រទេសកម្ពុជា
ពិសេសគឺការវិលត្រឡប់របស់លោក សម រង្ស៊ី ប្រធាន គណបក្ស សង្គ្រោះជាតិ
មកកាន់ប្រទេសកម្ពុជាវិញ ដើម្បីដឹកនាំគណបក្ស សង្គ្រោះជាតិ ដោយផ្ទាល់ក្នុងការឃោសនារកសំឡេងឆ្នោត
និងការចូលរួមបោះឆ្នោតដោយនៅឆ្នាំ២០១៣
ដែលលោកមានតួនាទីដ៏សំខាន់គឺជាបេក្ខភាពនាយករដ្ឋមន្រ្តី សម្រាប់ធ្វើការប្រគួតប្រជែងជាមួយលោក
ហ៊ុន សែន និងគណបក្សប្រជាជនកាន់អំណាចសព្វថ្ងៃ ។
ជាមួយគ្នានោះលោកស្រី មូរ សុខហួរ និងលោក ហ៊ុល ហំម
ក៏បានជំរាបជូនប្រជាពលរដ្ឋដែល ជាអ្នកគាំទ្រគណបក្ស សង្គ្រោះជាតិ នៅទីក្រុងសាន់ហូស្សេ
រដ្ឋការលីហ្វ័រញ៉ា សហរដ្ឋអាមេរិក ដែលបានមកចូលរួមក្នុងកម្មវីធីជួបជុំដែលមានចំនួនដ៏ច្រើនកុះករនោះថា
គណបក្ស សង្គ្រោះ ជាតិ បានដៅរួចហើយ ថាការបោះឆ្នោតជ្រើសរើសតំណាងរាស្រ្តអាណត្តិទី៥
ដែលនិងប្រព្រឹត្ត ទៅនៅថ្ងៃទី២៨ ខែកក្កដា ឆ្នាំ២០១៣ គណបក្ស សង្គ្រោះជាតិ
ត្រូវតែយកជ័យជំនះលើការ បោះឆ្នោតនោះឲ្យទាល់តែបាន ដើម្បីធ្វើការសង្គ្រោះប្រទេសកម្ពុជា
ពីកណ្តាប់ដៃរបស់គណ
បក្សប្រជាជនមកវិញ ។
លោកស្រី មូរ សុខហួរ និងលោក ប៉ុល ហំម
បានមានប្រសាសន៏បន្តទៀតថា ប្រជាពលរដ្ឋកម្ពុ ជា និងប្រទេសជាតិ
ដ៏អភ័យរបស់យើងគឺកំពុងតែរងចាំយើងទាំងអស់គ្នាដែលជាអ្នកស្នេហា ជាតិ
ស្រលាញ់លទ្ធិប្រជាធិបតេយ្យ ទៅជួយសង្គ្រោះពួកគាត់ និងស្រោចស្រងជាតិរបស់យើងឲ្យមានឈ្មោះបោះសំឡេងឡើងវិញ
។ ព្រោះប្រសិនបើគណបក្ស សង្គ្រោះជាតិ មិនធ្វើការសង្គ្រោះ ឲ្យបានទាន់ពេលវេលានៅពេលនេះទេ
ទៅថ្ងៃដ៏ខ្លីខាងមុខប្រទេសកម្ពុជានិងក្លាយទៅជាកម្ពុជាក្រោមទី២ជាក់ជាមិនខាន
ដោយហេតុថាគណបក្សកាន់អំណាចបានដឹកនាំប្រទេស និងធ្វើអ្វីដើម្បីបំពេញតាមមហិច្ឆិតាបរទេសយួនហាណូយតែប៉ុណ្ណោះ
។
គួរជំរាបជូនផងដែរ កាលពីថ្ងៃទី១៩ ខែតុលា ឆ្នាំ២០១២ លោកស្រី
មូរ សុខហួរ និងលោក ប៉ុល ហំម ក៏បានជួបជុំជាមួយប្រជាពលរដ្ឋខ្មែររស់នៅទីក្រុងឡុងប៉ិច រដ្ឋការលីហ្វ័រញ៉ា
សហរដ្ឋអាមេរិក ផងដែរ ដែលមានប្រជាពលរដ្ឋខ្មែរជាច្រើនរូបបានមកចូលរួមនៅក្នុងកម្មវិធី
ដំណើរឆ្ពស់ទៅកាន់ការផ្លាស់ប្តូរ ដើម្បីលទ្ធិប្រជាធិបតេយ្យពិតប្រាកដ ។ ជាមួយគ្នានោះ
នៅមុននេះបន្តិច លោកស្រី មូរ សុខហូរ និងលោក ប៉ុល ហំម
ក៏បានជួបជាមួយប្រជាពលរដ្ឋខ្មែររស់នៅសហរដ្ឋអាមេរិកជាច្រើនរដ្ឋផងដែរ
និងបន្តជួបជាបន្តបន្ទាប់ទៀត ដើម្បីស្វែងរកការគាំទ្រពីប្រជាពលរដ្ឋខ្មែររស់នៅសហរដ្ឋអាមេរិកមកលើគណបក្ស
សង្គ្រោះជាតិ បន្ថែមទៀត ៕
No comments:
Post a Comment
yes