លោក សម រង្ស៊ី ប្រធានគណបក្ស សង្គ្រោះជាតិ
ដ៏មានប្រជាប្រិយភាព បាននិងកំពុងតែបំពេញបេសកកម្មការងាររបស់លោកនៅអន្តរជាតិ ជាមួយបណ្តាអង្គការអន្តរជាតិនានា
ក្នុងឋានះជាប្រធានក្រុមអ្នកប្រជាធិបតេយ្យសេរីអាស៊ី ។
លោក សម រង្ស៊ី ត្រូវបានគេទទួលស្គាល់ថា ជាវីរជនស្នេហាជាតិ
ដោយលោកបានចេញមុខក្នុងការការពារនូវបូរណភាពទឹកដី
ពីការរំលោភបំពានពីសំណាក់ប្រទេសជិតខាង និងការស្វែងរកលទ្ធិប្រជាធិបតេយ្យ ការគោរពសិទ្ធិមនុស្ស
និងការរក្សាសុខសន្តិភាពជូនជាតិមាតុភូមិ ក៏ដូចជាការស្វែងរកការបោះឆ្នោតមួយដោយសេរី
និងយុត្តិធម៌នៅឆ្នាំ២០១៣ ឲ្យស្របតាមឆន្ទៈរបស់ប្រជាពលរដ្ឋផងដែរ ។
លោក សម រង្ស៊ី គោលបំណងរបស់លោកតែមួយគត់
គឺស្វែងរកការបង្រួបបង្រួមជាតិ និងការ សាមគ្គី រួបរួមខ្មែរ និងខ្មែរជាធ្លុងមួយ
ដើម្បីធ្វើការអភិវឌ្ឍន៏ប្រទេសជាតិឲ្យមានភាពរីកចំរើន
ដូចជាអរិយប្រទេសមួយចំនួននៅលើពិភពលោក ។ លោក សម រង្ស៊ី មានមនសិការជាតិខ្ពស់
គឺលោកគិតគូរផលប្រយោជន៏របស់ជាតិ និងប្រជាពលរដ្ឋជាធំ ដោយមិនគិតពីទុក្ខលំបាក និង
ផលប្រយោជន៏ផ្ទាល់ខ្លួនរបស់លោកឡើយ ។
បន្ទាប់ពីបានមើលឃើញពីភាពអង់អាចក្លាហាន របស់លោក សម រង្ស៊ី
ក្នុងការស្វែងរកការរួបរួមកម្លាំងខ្មែរជាធ្លុងមួយ ដើម្បីឲ្យជាតិរស់
មិនរណបនិងនៅក្រោមការគ្រប់គ្រងដោយបរទេស ប្រជាពលរដ្ឋខ្មែរដែលជាអ្នកស្នេហាជាតិ
ស្រលាញ់លទ្ធិប្រជាធិបតេយ្យ មកពីគ្រប់មជ្ឈដ្ឋានបានមករួមកម្លាំងគ្នាជាសម្លេងតែមួយជាមួយនិងគណបក្ស
សង្គ្រោះជាតិ កាន់តែច្រើនឡើងៗ ទាំងនៅក្នុងប្រទេសនិងនៅក្រៅប្រទេស
ដើម្បីធ្វើការបញ្ចប់អំនាចដែលរណបបរទេសដូចសព្វ ថ្ងៃនេះ ឲ្យបាននៅឆ្នាំ២០១៣ខាងមុខ
ព្រោះប្រសិនបើប្រជាពលរដ្ឋដែលជាអ្នកស្នេហាជាតិ ស្រលាញ់លទ្ធិប្រជាធិបតេយ្យ មិនមកចូលរួមជាមួយនិងគណបក្ស
សង្គ្រោះជាតិ ឲ្យបានទាន់ពេលវេលានោះទេ មិនយូរឡើយជាតិរបស់យើងនិងត្រូវស្លាប់ជាមិនខាន
ហើយប្រទេស យើងនិងក្លាយទៅជាកម្ពុជាទី២យ៉ាងពិតប្រាកដ ។
ប្រទេសកម្ពុជាក្រោមការដឹកនាំដោយគណបក្សប្រជាជន
ដែលបាននិងកំពុងតែកាន់អំណាច សព្វថ្ងៃ កំពុងតែបើកដៃឲ្យអន្តោប្រវេសន៏ចូលមកក្នុងប្រទេសកម្ពុជាដោយសេរី
និងកំពុងតែសប្បាយលើគំនរទុក្ខ និងគំនរទឹកភ្នែក ញើសឈាមរបស់ប្រជាពលរដ្ឋខ្មែរ
ក្នុងការបណ្តេញប្រជាពលរដ្ឋចេញពីដីធ្លី ផ្ទះសម្បែង ដើម្បីយកដីទៅឲ្យអ្នកមានលុយ និងអ្នកមានអំណាច
ក៏ដូចជាការពុះជ្រាកដីខ្មែរជាដុំៗឲ្យទៅប្រទេសជិតខាង និងការធ្វើឲ្យបាត់បង់ទឹកដីខ្មែរ
អស់ជា ច្រើនចូលទៅប្រទេសយួន តាមរយៈការបោះបង្គោលព្រំដែនជាដើម ។
ដោយសារតែបញ្ហាទាំងអស់នេះហើយ បានធ្វើឲ្យប្រជាពលរដ្ឋខ្មែរ
ងាកមកគាំទ្រគណបក្ស សង្គ្រោះជាតិ ដែលមានលោក សម រង្ស៊ី ជាប្រធាន និងលោក កឹម សុខា
ជាអនុប្រធានទៅថ្ងៃ អានាគតដ៏ខ្លី ក្នុងនោះគណបក្ស សង្គ្រោះជាត
ក៏មានឥស្សរជននយោបាយឆ្នើមៗជាច្រើនទៀត មកពីគ្រប់គណបក្សនយោបាយ បានមកចូលរួមជាមួយនិងគណបក្ស
សង្គ្រោះជាតិ ។ អ្វីទាំងអស់នេះក៏ដោយសារតែពួកគាត់គ្មានសង្ឃឹមលើគណបក្សណា
ក្រៅតែអំពីគណបក្ស សង្គ្រោះជាតិ ក្នុងការសង្គ្រោះប្រទេសជាតិ
និងប្រជាពលរដ្ឋឲ្យមានសិទ្ធិសេរីភាពឡើងវិញ ក្រោមការគ្រប់គ្រងរបស់គណបក្សប្រជាជន
ដែលមានលោក ហ៊ុន សែន ជានាយករដ្ឋមន្រ្តី ឡើយ ។
សូមជំរាបជូនផងដែលថា មួយរយៈចុងក្រោយនេះលោក សម រង្ស៊ី
បានទៅបំពេញបេសកកម្ម ការងាររបស់លោកនៅប្រទេសអូស្រ្តាលី-ញ៉ូស៊ីលែន-ប្រទេសអីវីរីកូហ្វ
និងកាលពីថ្ងៃទី២២ ខែតុលា ឆ្នាំ២០១២លោកបានអញ្ជើញទៅចូលរួមប្រជុំលើកទី១២៧
នៃសហភាពអន្តរសភា IPU នៅទីក្រុងកេប៉ិច ប្រទេសកាណាដា ។
សូមជំរាបជូនផងដែរ នៅក្នុងកិច្ចប្រជុំ សហភាពអន្តរសភា IPU លោក សម រង្ស៊ី ក៏បានធ្វើបទ
បង្ហាញចំពោះមុខគណៈកម្មាធិការទទួលបន្ទុកសិទ្ធិមនុស្សរបស់ សហភាពអន្តរសភា IPU អំពី ស្ថានភាពនយោបាយ និងរបត់នយោបាយក្នុងប្រទេសកម្ពុជាផងដែរ
ជាពិសេសគឺពាក់ព័ន្ធនិងការការគោរពសិទ្ធិមនុស្ស ដែលទទួលបានការចាប់អារម្ភពីអន្តរជាតិយ៉ាងខ្លាំង
។
សូមរំលឹកផងដែរថា កាលពីពេលកន្លងទៅថ្មីនេះលោក សម រង្ស៊ី
បានជួបពិភាក្សាការងារជាមួយនិងសមាជិកសភាប្រទេសបារាំង ប្រទេសអង់គ្លេស
និងប្រទេសនីដ័រលែន ហើយក្នុងនោះ លោកបានអញ្ជើញទៅកាន់ប្រទេសហ្វីលីពីន
និងប្រទេសឥណ្ឌូនេស៊ីផងដែរ ហើយនៅដើមខែ តុលានេះលោកបានអញ្ជើញទៅកាន់ប្រទេសអូស្រ្តាលី
និងញ៉ូស៊ីលែន រយៈពេល១០ថ្ងៃជាមួយ និងលោក កឹម សុខា ប្រធានគណបក្ស សិទ្ធិមនុស្ស
និងជាអនុប្រធានគណបក្ស សង្គ្រោះជាតិ នៅថ្ងៃខាងមុខ ។
គួរជំរាបថា វត្តមានរបស់លោក សម រង្ស៊ី
នៅលើប្រទេសទាំងឡាយដែលបានជំរាបជូនខាងលើ គឺទទួលបានការស្វាគមន៏
និងមានការគាំទ្រយ៉ាងខ្លាំង ក្នុងបេសកកម្មរបស់លោក ដើម្បី ជាតិ និងមាតុភូមិ ហើយអ្វីទាំងអស់នេះក៏បាននឹងសបញ្ជាក់ឲ្យឃើញផងដែលថា
គណបក្ស សង្គ្រោះជាតិ ដែលជាគណបក្សប្រជែងដ៏សំខាន់ជាមួយនិងគណបក្សប្រជាជនកាន់អំណាច
សព្វថ្ងៃ ជាពន្លឺនៃភាពជោគជ័យនៅក្នុងការបោះឆ្នោតឆ្នាំ២០១៣ហើយ ។
ជាមួយគ្នានោះអ្វីដែលសំខាន់ជាងនេះទៅទៀតនោះ គឺគណៈកម្មាធិការជាតិរៀបចំការបោះឆ្នោត
ដែលមាន លោក អ៊ឹម សួស្តី ជាប្រធាន និងលោក ទេព នីថា ជាអគ្គលេខាធិការ ដែលជាកូនអុករបស់គណបក្សកាន់អំណាច
ក៏និងត្រូវផ្លាស់ប្តូរក្នុងពេលដ៏ខ្លីខាងមុខនេះផងដែរ នឹងរឹងតែពិសេសជាងនេះទៅទៀតនោះ
លោក សម រង្ស៊ី ដែលជាប្រធានគណបក្ស សង្គ្រោះជាតិ និងមានវត្តមាននៅក្នុងទឹកដីប្រទេសកម្ពុជា
នៅពេលដ៏ខ្លីខាងមុខនេះជាក់ជាមិនខានឡើយ ដើម្បីចូលរួមការបោះឆ្នោត និងដឹកនាំគណបក្ស
សង្គ្រោះជាតិ ក្នុងឃោសនារកសំឡេងឆ្នោតបន្ថែមលើអ្វីដែលប្រជាពលរដ្ឋកំពុងតែគាំទ្រ យ៉ាងច្រើនលើសលប់គួឲ្យភ្ញាក់ផ្អើលនេះ
៕
No comments:
Post a Comment
yes