គណបក្ស សង្គ្រោះជាតិ ដែលមានលោក សម រង្ស៊ី ជាប្រធាន
និងលោក កឹម សុខា ជាអនុប្រ ធាននៅពេលដ៏ខ្លីខាងមុខនេះ
គឺប្រកាន់នូវគោលជំហ៊ររបស់ខ្លួនជានិច្ច
ក្នុងការដង្ហែរតាមព្រះរាជតម្រិះរបស់ព្រះករុណា ព្រះបាទ នរោត្តម សីហនុ ជានិច្ច
ក្នុងការបង្រួបបង្រួមជាតិ ដើម្បីថែរក្សាបូរណភាពទឹកដីឲ្យនៅគង់វង្ស
និងឲ្យប្រជាពលរដ្ឋកម្ពុជារស់នៅមានភាពសម្បូរសប្បាយ ចេះស្រលាញ់រាប់អានគ្នា មិនប្រកាន់បក្ខពួក
រួមជាមួយនិងការគោរពនូវលទ្ធិប្រជាធិបតេយ្យ ។
អ្នកវិភាគនយោបាយបានលើកឡើងថា នៅបន្ទាប់ពីព្រះករុណា ព្រះបាទ
នរោត្តម សីហនុ ព្រះ អង្គយាងចូលទៅវង្គតទៅ ព្រះរាជតម្រិះរបស់ព្រះអង្គ ក៏ដូចជាស្នាព្រះហស្ថរបស់ទ្រង់ជាច្រើន
ទៀត ដែលបានបន្សល់ទុកឲ្យប្រទេសជាតិ និងកូនចៅរបស់ទ្រង់ គ្មានគណបក្ស និងអ្នកនយោបាយណាអាចធ្វើទៅរួចនោះឡើយ
ក្រៅតែអំពីគណបក្ស សង្គ្រោះជាតិ ដែលមានលោក សម រង្ស៊ី ជាប្រធាន ដែលជាអ្នកស្រលាញ់ជាតិ
ស្នេហាលទ្ធិប្រជាធិបតេយ្យយ៉ាងពិតប្រាកដនោះ ។
ដោយហេតុថា រូបលោក សម រង្ស៊ីផ្ទាល់ រួមជាមួយនិងក្រុមគ្រួសាររបស់លោក
គឺបានធ្វើកិច្ចការងារជាច្រើនជាមួយនិងព្រះករុណា ព្រះបាទ នរោត្តម សីហនុ
ក្នុងការការពារប្រទេសជាតិ ពីការចង់លេបត្របាក់ពីប្រទេសជិតខាង
រួមជាមួយនិងការខិតខំបំពេញភារកិច្ចជាមួយនិងទ្រង់
ក្នុងការនាំមកនូវលទ្ធិប្រជាធិបតេយ្យជូនជាតិ និងប្រជាពលរដ្ឋ ក៏ដូចជាការគោរពបាននូវអធិបតេយ្យជាតិខ្មែរ
។
លោក សម រង្ស៊ី និងក្រុមគ្រួសារ គឺជាអ្នកជាតិនិយមពិតប្រាកដ
ព្រោះពួកគាត់បានលះបង់អ្វីៗ ទាំងអស់ ដើម្បីធ្វើយ៉ាងណាឲ្យតែជាតិបានរស់
និងប្រជាពលរដ្ឋរស់នៅបានសុខសប្បាយ ដោយមិនគិតពីការលំបាក និងអាយុជីវិតរបស់ខ្លួនឡើយ ។
ការលះបង់របស់លោក សម រង្ស៊ី និងក្រុមគ្រួសារ ក្នុងការបំពេញបេសកកម្មការងារជូនជាតិ
និប្រជាពលរដ្ឋ ជាមួយទ្រង់ សីហនុ គឺជាការលះបង់ដ៏ស្មោះស្ម័គ្រ
មិនមែនធ្វើលេងៗគ្រាន់តែជាការល្អមើលដូចអ្នកកាន់អំណាច សព្វថ្ងៃនេះឡើយ ។
អ្នកកាន់អំណាចសព្វថ្ងៃត្រូវបានគេមើលឃើញថា ជាអ្នកជាតិនិយមក្លែង ក្លាយ
ព្រោះក្នុងចិត្តរបស់ពួកគេគឺស្រលាញ់ និងគោរពហូជីមីង យួនហាណូយ ដែលបានលើក
បណ្តុបពួកគេឲ្យបានឡើងកាន់អំណាចមកដល់សព្វថ្ងៃនេះ ជាងអ្វីៗទាំងអស់ ។ ហេតុដូចនេះហើយ បានជាពួកគេខិតខំប្រឹងប្រែងធ្វើយ៉ាងណា
ដើម្បីបំពេញតាមហមិច្ឆិតារបស់យួនហាណូយ ដែលជាអ្នកបណ្តុបពួកគេនោះ ។
ប្រទេសកម្ពុជា នៅបន្ទាប់ពីព្រះករុណា ព្រះបាទ នរោត្តម
យាងចូលទីវង្គតទៅ គឺមានតែគណបក្ស សង្គ្រោះជាតិ តែមួយប៉ុណ្តោះ
ដែលអាចបន្តរតំណែងពីព្រះរាជកិច្ចរបស់ទ្រង់ក្នុងការស្តារ
ប្រទេសកម្ពុជាឲ្យមានឈ្មោះបោះសម្លេងនៅលើឆាកអន្តរជាតិបាន បើរំពឹងទៅលើគណបក្ស
កាន់អំណាចគឺមិនអាចទៅរួចនោះទេ ព្រោះពួកគេបានដើរតាមគំរូ និងបណ្តាំរបស់ហូរជីមីង
គ្មានងាររ៉េនោះឡើយ ។
ប្រទេសកម្ពុជាក្រោមការគ្រប់គ្រងរបស់គណបក្សប្រជាជន
អស់រយៈពេលជាង៣០មកនេះ បានធ្វើឲ្យប្រទេសជាតិស្ទើតែវិនាសហិនហោចអស់ទៅហើយ
អ្វីដែលជាសមទ្ធផលដែល យើងបានឃើញសព្វថ្ងៃនេះ
គឺជាជំនួយរបស់បរទេសទាំងស្រុងក្នុងការជួយដល់ប្រទេសកម្ពុជា និងប្រជាពលកម្ពុជា ដោយពួគគេមើលឃើញថា
ប្រទេសកម្ពុជា និងប្រជាពលរដ្ឋកម្ពុជា កំពុងតែជួបនូវហានិភ័យ
ក្រោមការដឹកនាំរបស់គណបក្សកាន់អំណាចសព្វថ្ងៃ ដែលមានលោក ហ៊ុន សែន
ជានាយករដ្ឋមន្រ្តី ។
សូមជំរាបជូនផងដែរថា បើយើងក្រលែកមកមើលសមទ្ធផលរបស់គណបក្សកាន់អំនាចដែលពួកគេធ្វើបានគឺមានដូចជា៖
ការជំពាក់បំណុលបរទេស ការកាប់បំផ្លាញព្រៃឈើ ការបើកដៃឲ្យអន្តោប្រវេសន៏យួនខុសច្បាប់ហូរចូលកាន់តែច្រើនឡើងៗ
ជាពីសេសគឺការធ្វើឲ្យបាត់បង់ទឹកដីខ្មែរ ចូលទៅ
ប្រទេសជិតខាងតាមរយៈការបោះបង្គោលព្រំដែនដោយគ្មានការទទួលស្គាល់ជាលក្ខណៈអន្តរជាតិ
និងការពុះជ្រាកទឹកដីខ្មែរជាដុំៗទៅឲ្យក្រុមហ៊ុនឯកជនជាពិសេសគឺក្រុមហ៊ុនយួន
តាមរយៈការផ្តល់ដីសម្បទានសេដ្ឋកិច្ច ដែលមានចំនួនរហូតដល់ទៅ៩៩ឆ្នាំជាដើម ។ល។
គួរជំរាបជូនផងដែរថា ប្រទេសកម្ពុជាក្រោមរជ្ជកាលរបស់ព្រះបាទ
នរោត្តម សីហនុ ព្រះមហាវីរក្សត្រ ព្រះវរាជបិតា ឯករាជ្យ បូរណភាពទឹកដី
និងឯកភាពជាតិខ្មែរ ព្រះអង្គបានធ្វើឲ្យប្រទេសកម្ពុជាមានការរីកចំរើនលើគ្រប់វិស័យ
។
ប្រជានុរាស្រ្តរបស់ព្រះអង្គគ្រប់ៗរូប កាលពីសង្គមរាស្រ្តនិយម
គឺរស់នៅប្រកបទៅដោយភាព សម្បូរសប្បាយ សុខក្សេមក្សាន្ត ក្នុងកំរិតជីវភាពដ៏ថ្លៃថ្នូរ
មានការគោរពសិទ្ធិគ្នាទៅវិញទៅមក មិនរើសអើងនិងប្រកាន់បក្ខពួកឡើយ
ជាពិសេសគឺខ្មែរចេះសាមគ្គីគ្នាដើម្បីថែរក្សាទឹកដី
និងប្រទេសជាតិឲ្យនៅស្ថិតស្ថេរគង់វង្ស មិនឲ្យបរទេសឈ្លានពាន ។
ជាមួយគ្នានោះក្រោមព្រះរាជកិច្ចដឹកនាំដោយព្រះករុណាព្រះបាទ
នរោត្តម សីហនុ ក្នុងសម័យសង្គមរាស្រ្តនិយម ដែលប្រជារាស្រ្តខ្មែរបានថ្វាយព្រះនាមព្រះអង្គថា
ព្រះបិតាឯករាជ្យជាតិ ព្រះបិតាសិក្សាធិការជាតិ ព្រះបិតាសុខាភិបាលជាតិ
ព្រះបិតាកីឡាជាតិ និងព្រះបិតាស្ថាបនាជាតិ ក្នុងនោះសមទ្ធិផលជាច្រើនដែលជាស្នាព្រះហស្ថរបស់ទ្រង់ត្រូវបានកសាង
និងប្រារព្វព្រះរាជពិធីសម្ភោធជាបន្តបន្ទាប់សម្រាប់ឲ្យប្រជារាស្រ្តរបស់ព្រះអង្គប្រើប្រាស់នៅតាមបណ្តាខេត្ត-ក្រុងនានា
គឺមានសមទ្ធផលធំៗដូចជា ៖ វិមានឯករាជ្យ វិមានរដ្ឋចំការមន ចំណតអាកាសយានដ្ឋាន
អន្តរជាតិពោធិចិនតុង ចំណតអាកាសយានដ្ឋាន ខេត្តសៀមរាប ចំណតអាកាសយានដ្ឋាន
បែកចានខេត្តបាត់ដំបង ផ្លូវជាតិលេខ៤ ភ្នំពេញ-ក្រុងព្រះសីហនុ ផ្លូវដែក ក្រុងភ្នំពេញ-ព្រះសីហនុ
កំពង់ផែអន្តរជាតិ ក្រុងព្រះសីហនុ សណ្ឋាគារឯករាជ្យ ក្រុងព្រះសីហនុ
សាលមហោស្រពជាតិព្រះសុរាម្រិតភ្នំពេញ សាលសន្និសីទចតុមុខ ពហុកីឡាដ្ឋានជាតិអូឡាំពិកភ្នំពេញ ស្ពានព្រះមុនីវង្សទី២ ស្ពានសង្គមរាស្រ្តនិយមឆ្លងកាត់ទន្លេសាប
សាកលវិទ្យាល័យ សង្គមរាស្រ្តនិយមភ្នំពេញ
សាកលវិទ្យាល័យ ភូមិន្ទបច្ចេកទេស សាលាភូមិន្ធរដ្ឋបាល
មហាវិទ្យាល័យនីតិសាស្រ្តនិងវិទ្យាសាស្រ្តសេដ្ឋកិច្ច មហាវិទ្យាល័យ គរុកោសល
ពុទ្ធិកសកលវិទ្យាល័យ ព្រះសីហនុរាជ មហាវិទ្យាល័យ សិល្បះស្ថាបនា មហាវិទ្យាល័យ
សិល្បះនិងមុខរបរ សកលវិទ្យាល័យ ភូមិន្ទវិចិត្រសិល្បះ សកលវិទ្យាល័យ
ភូមិន្ទក្សេត្រសាស្រ្ត សកលវិទ្យាល័យ ភូមិន្ទកំពង់ចាម សកលវិទ្យាល័យ
ភូមិន្ទបាត់ដំបង សកលវិទ្យាល័យ ភូមិន្ទតាកែវ-កំពត រោងភាពយន្តរដ្ឋ
ស្ថានីយ៏ទូរទស្សន៏ ខេមរភូមិន្ទ មន្ទីរពេទ្យមិត្តភាពខ្មែរ-សូវៀត រោងចក្រចម្រាញ់ប្រេងកាតក្រុងព្រះសីហនុ
រោងចក្រស្រាបៀរក្រុងព្រះសីហនុ រោងចក្រ នរោត្ត តម្លើងត្រាក់ទ័រ និងរថយន្តធំ
ក្រុងព្រះសីហនុ រោងចក្រស្កសរកំពង់ត្រាំ ខេត្តកំពង់ស្ពឺ រោងចក្រវាយណភ័ណ្ឌ ខេត្តកំពង់ចាម រោងចក្រវាយណភ័ណ្ឌ
ខេត្តបាត់ដំបង រោងចក្របាវក្រចៅ ដូនទាវខេត្តបាត់ដំបង រោងចក្រស៊ីម៉ង់ចក្រីទីង
ខេត្តកំពត រោងចក្រ កែវជើងឯក រាជធានីភ្នំពេញ រោងចក្រ ក្តាបន្ទះដីឥដ្ឋ ខេត្តកណ្តាល
រោងចក្រ ក្រដាស់ឆ្លូង ខេត្តក្រចេះ រោងចក្រ ជីហ្វូសស្វាតទូកមាស ខេត្តកំពត
រោងចក្រ កង់ឡានតាខ្មៅ ខេត្តកណ្តាល រោងចក្រ ត្រីខប្រអប់ ខេត្តកោះកុង
រោងចក្រផលិតជ័រកៅស៊ូជប់ ខេត្តកំពង់ចាម រោងចក្រ វារីអគ្គីសនីគិរីរម្យ
ខេត្តកំពង់ស្ពឺ រួមជាមួយនិងសមិទ្ធផលនានាជាច្រើនទៀតនៅតាមបណ្តាស្រុក-ខេត្ត-ក្រុង
ដូចជាសាលារៀន មន្ទីរពេទ្យ ទំនប់ទឹក ស្រះទឹក ប្រឡាយ ផ្លូវថ្នល់ និងស្ពានជាដើម ។ល។
អ្វីទាំងអស់នេះគឺជាស្នាព្រះហស្ថរបស់ព្រះករុណា ព្រះបាទ
នរោត្តម សីហនុ ព្រះមហាវីរក្សត្រ ព្រះវរាជបិតា ឯករាជ្យ បូរណភាពទឹកដី
និងឯកភាពជាតិខ្មែរ បើទោះបីជាព្រះអង្គសោយទីវង្គ គតទៅហើយក្តី
ក៏ប៉ុន្តែស្នាព្រះហស្ថរបស់ទ្រង់ទាំងអស់នេះ និងបូជនីយកិច្ចរបស់ព្រះអង្គ រួមជាមួយ
និងព្រះរាជតម្រិះរបស់ទ្រង់ នៅតែដក់ជាប់ក្នុងដួងចិត្តរបស់ប្រជាពលរដ្ឋខ្មែរគ្រប់រូប
ដែលជាប្រជានុសាស្រ្តរបស់ព្រះអង្គមិនអាចបំភ្លេចបានឡើយ ។
ហើយការយាងចូលទីវង្គតរបស់ព្រះករុណា ព្រះបាទ នរោត្តម សីហនុ
គឺជាការបាត់បង់បុព្វបុរស
និងព្រះមហាវិរក្សត្រខ្មែរ១ព្រះអង្គដ៏ឆ្នើមដែលមិនអាចកាត់ថ្លៃបាន ។
គណបក្ស សង្គ្រោះជាតិ
និងខិតខំពុះពារគ្រប់ឧបសគ្គដើម្បីសម្រេចឲ្យបាននូវការបង្រួបបង្រួម ជាតិ
ក្នុងការនាំមកនូវមុខមាត់ថ្មី
និងការរស់នៅថ្មីក្នុងជីវភាពដ៏សមរម្យជូនប្រជាពលរដ្ឋខ្មែរ ទូទៅ ។
ដូច្នេះប្រជាពលរដ្ឋខ្មែរ ដែលស្រលាញ់ជាតិ និងស្រលាញ់អង្គសម្តេចឪ សម្តេចតា សម្តេចតាទួត
និងដង្ហែរតាមព្រះរាជតម្រិះរបស់ព្រះអង្គ សូមចូលរួមជាមួយនិងគណបក្ស សង្គ្រោះជាតិ
ឲ្យបានច្រើនឡើងបន្ថែមទៀតជាអតិបរមា ដើម្បីយើងសម្រេចឲ្យបានដូចអ្វីដែលជាការចង់បានរបស់យើងគ្រប់គ្នា
ព្រោះក្រៅពីគណបក្ស សង្គ្រោះជាតិ មិនមានគណបក្សឯណាគេធ្វើ
និងគោរពតាមព្រះរាជតម្រិះរបស់អង្គសម្តេចឪ សម្តេចតា សម្តេចតាទួតឡើយ ៕
No comments:
Post a Comment
yes