ភ្នំពេញ ៖ ប្រភពច្បាស់ការណ៍គួរឱ្យជឿទុកចិត្ដបានឱ្យដឹងថា លោក ម៉ៅ ពៅ ស្នងការនគរបាលខេត្ដព្រះវិហារ បានបាញ់បោះសេរីជាច្រើនគ្រាប់នៅក្នុងសណ្ឋាគារឡកយីន ក្រុង-ខេត្ដសៀមរាប ត្រូវបានដកតំណែង ខណៈដែលគាត់មាន កំហុសឆ្គងច្រើន ហើយផ្គើនផងដែរទៅនឹងអនុសាសន៍របស់សម្ដេចតេជោ បាញ់បោះសេរី ស្របពេលដែលសម្ដេចបាន រឹតបន្ដឹងក្នុងរឿងនេះ ។
បើទោះជាពុំមានប្រភពណាមួយបញ្ជាក់ថា នាយនគរបាលរូបណាដែលត្រូវទៅជំនួសតំណែង លោក ម៉ៅ ពៅ នោះក៏ដោយ ប៉ុន្ដែប្រភពច្បាស់ការណ៍មួយបានឱ្យដឹងថា តំណែងលោក ម៉ៅ ពៅ ត្រូវជំនួសដោយ លោកវរសេនីយ៍ទោ យិន ប្រសិទ្ធិ នាយការិយាល័យប្រឆាំងសាជីវកម្ម សិប្បកម្ម និងសេវាកម្ម នៃនាយកដ្ឋាននគរបាល ប្រឆាំងបទល្មើសសេដ្ឋកិច្ចក្រសួងមហាផ្ទៃ ។
គួររំលឹកថា លោកស្នងការម៉ៅ ពៅ ដែលបាញ់បោះសេរីនៅក្រុងសៀមរាប បានបន្សល់ទុកនូវរឿងមិនប្រក្រតីជាច្រើន ក្នុងទង្វើរបស់គាត់ ទាំងការបំពេញកាតព្វកិច្ចមន្ដ្រីនគរបាលយុត្ដិធម៌ អនុវត្ដខុសនីតិវិធី ដោះលែងជនសង្ស័យ ប្រើអំពើហិង្សា ដាក់កុងត្រូលជជុះ និងប្រើសម្ដីមិនគប្បីដ៏ធ្ងន់ធ្ងរទៅលើមន្ដ្រីនគរបាលក្រោមឱវាទ ដូច្នេះ ប្រសិនបើមានការដកតំណែង គេមានជំនឿថា សមត្ថកិច្ចនគរបាលខេត្ដព្រះវិហារ រួមទាំងជនរងគ្រោះមួយចំនួនទៀតដែលធ្លាប់ភ្លក្សរសជាតិ ប្រៃល្វីងជូរចត់ជាមួយលោក ម៉ៅ ពៅ គាំទ្រចំពោះចំណាត់ការនេះរបស់ថ្នាក់ដឹកនាំអគ្គស្នងការនគរបាលជាតិ ។ ម្យ៉ាង វិញទៀត ការដកតំណែងលោក ម៉ៅ ពៅ គឺជាគំរូដ៏ល្អមួយដែលបង្ហាញឱ្យឃើញពីចំណាត់ការរបស់ថ្នាក់លើ អនុវត្ដតាមបញ្ជារបស់សម្ដេចតេជោ ដែលបានរឹតបន្ដឹងទៅលើបញ្ហាបាញ់បោះសេរី បង្កឱ្យមានភាពអសន្ដិសុខក្នុងសង្គមនោះ ៕
No comments:
Post a Comment
yes