សូមជំរាបថា ខេត្តពោធិ៍សាត់ នាពេលបច្ចុប្បន្ននេះ
ប្រជាពលរដ្ឋបានគាំទ្រមកលើគណបក្ស
សង្គ្រោះជាតិយ៉ាងខ្លាំង
និងគ្រប់គ្នាចង់ឲ្យមានការផ្លាស់ប្តូរសម្រាប់អាណត្តិថ្មីឆ្នាំ២០១៣នេះ
ដោយពួកគាត់មិនចង់ឲ្យមេដឹកនាំសព្វថ្ងៃនៅដឹកនាំប្រទេសជាបន្តទៀតឡើយ ។
ព្រមជាមួយគ្នានោះ ពួកគាត់បានលើកឡើងថា ប្រសិនបើប្រទេសកម្ពុជាដឹកនាំដោយគណបក្សប្រជាជនជាបន្តទៀត
នោះពួកគាត់គឺរស់នៅក្នុងសភាពខ្លៅ ខ្លាច ហើយនិងឃ្លៀន ក្រីក្រ
ជាបន្តទៀតគ្មានថ្ងៃងើបរួចឡើយ ។ ពួកគាត់បន្តថា តែប្រទេសកម្ពុជាប្រសិនបើដឹកនាំដោយគណបក្ស
សង្គ្រោះជាតិ ដែលគណបក្ស សង្គ្រោះជាតិ បានប្រមូលផ្តុំទៅដោយអ្នកប្រជាធិបតេយ្យ
ស្នេហាជាតិ ទឹកដី ស្រលាញ់ពលរដ្ឋ នោះមេដឹកនាំគណបក្ស សង្គ្រោះជាតិ ប្រាកដជាធ្វើការដឹកនាំប្រទេសឲ្យមានការរីកចំរើនជឿនលឿន
ហើយប្រជាពលរដ្ឋរស់នៅមានជីវភាពធូរធាជាក់ជាមិនខានឡើយ ។
ក្នុងនោះផងដែរពួកគាត់បានបង្ហាញថា
ដូចជានាពេលនេះស្រាប់គណបក្ស សង្គ្រោះជាតិ ដែលមានលោកប្រធាន សម រង្ស៊ី ជាប្រធានគណបក្ស
និងលោកប្រធាន កឹម សុខា ជាអនុប្រ ធាន បានដាក់ចេញនូវគោលនយោបាយជាច្រើនចំណុច ដែលសុតតែផ្តល់ផលប្រយោជន៏យ៉ាងខ្លាំងដល់ប្រទេសជាតិ
និងប្រជាពលរដ្ឋដូចជាពួកគាត់ ដែលអ្វីទាំងអស់នេះគឺពួកគាត់ចង់ បានជាយូរមកហើយ ។
សូមជំរាបជូនផងដែរថា
នៅក្នុងអង្គប្រជុំក្រុមការងារស្រុកក្រគរ ដែលដឹកនាំដោយលោក ងឹម ញ៉េង គឺបានសម្រេចជាសម្លេងតែមួយក្នុងនោះរួមមាន
ការបន្តលើស្លាកគណបក្សបន្តទៀតឲ្យបានរួចរាល់នៅទូទាំងស្រុក បន្តសកម្មភាពដូចជាភ្លៀងរលឹមក្នុងការចុះជួបជាមួយប្រជាពលរដ្ឋដើម្បីផ្សព្វផ្សាយគោលនយោបាយគណបក្ស
សង្គ្រោះជាតិ ដល់ពួកគាត់ឲ្យបានកាន់តែជ្រាបច្បាស់បន្ថែមទៀតលើអ្វីដែលពួកគាត់ធ្លាប់បានទទួលនាពេលកន្លងមក
ដែលសកម្មធ្វើទាំងជាលក្ខណៈមហាជន និងចុះតាមខ្នងផ្ទះរបស់ប្រជាពលរដ្ឋ ។
រៀបចំកម្មវិធីសម្រាប់ថ្នាក់ដឹកនាំថ្នាក់ជាតិចុះជួបជាមួយប្រជាពលរដ្ឋនៅស្រុកក្រគរ
ពង្រាងកម្មវិធីសម្រាប់បើកវគ្គបណ្តុះបណ្តាលភាពជាអ្នកដឹកនាំដល់យុវជន
និងថ្នាក់ដឹកនាំស្រុកហើយនិងភូមិឃុំជាដើម ៕
No comments:
Post a Comment
yes