ប្រជាពលរដ្ឋរស់នៅឃុំព្រែកអញ្ចាញ ស្រុកមុខកំពូល ព្រួយបាម្ភថានឹងបាក់ច្រាំងទន្លេ ដែលជាប់នឹងលំនៅឋានរបស់ពួកគេ ខណៈក្រុមហ៊ុនវៀតណាមមួយ បាននឹងកំពុងបូមខ្សាច់ នៅទីនោះអស់រយៈពេលពីរថ្ងៃមកហើយ។
ពលរដ្ឋម្នាក់ឈ្មោះ ឡាយ សេងថៃ ប្រាប់VOD នៅរសៀលថ្ងៃអាទិត្យ ទី០២ នេះថា ប្រជាពលរដ្ឋនៅស្រុកមុខកំពូល ខេត្តកណ្តាល ដែលកំពុងរស់នៅក្បែរមាត់ទន្លេមេគង្គលើមានការព្រួយបារម្ភជាខ្លាំង នៅពេលដែលឃើញក្រុមហ៊ុនវៀតណាមមួយ បូមខ្សាច់ពីរថ្ងៃមកហើយ ខណៈកន្លងមក មានការបាក់ច្រាំងនៅសង្កាត់ជិតៗនោះ។
ពលរដ្ឋម្នាក់ទៀត លោក ទក់ ថាវ មានប្រសាសន៍ថា ក្រុមហ៊ុនវៀតណាមដែលកំពុងបូមខ្សាច់នោះ គឺមានចំងាយជិតមាត់ច្រាំងប្រហែល២០ម៉ែតតែប៉ុណ្ណោះ ដែលនេះជាបញ្ហាដែលគួរឲ្យព្រួយបារម្ភ ។ លោកបន្តថា នៅពេលដែលប្រជាពលរដ្ឋស្នើទៅអាជ្ញាធរភូមិឃុំគេមិនអើពើទេ។
VOD មិនទាន់បានសុំការឆ្លើយតប ពីក្រុមហ៊ុន និងអាជ្ញាធរពាក់ព័ន្ធបានទេ។
កាលពីវេលាម៉ោង ១០និង៣០នាទី យប់ថ្ងៃទី១៨ ខែកុម្ភៈ ឆ្នាំ២០១៤ ផ្ទះប្រជាពលរដ្ឋ ចំនួន២ខ្នង ដែលស្ថិតនៅតាមដងទន្លេ មេគង្គ ក្នុងភូមិព្រះប្រសប់ ឃុំព្រះប្រសប់ ស្រុកខ្សាច់កណ្តាល ខេត្តកណ្តាល បានបាក់ស្រុតចូល ទៅក្នុងទឹកទន្លេ បានបណ្តាលឲ្យ មនុស្សស្លាប់៣នាក់ និង៣នាក់ទៀតរងរបួស៕
No comments:
Post a Comment
yes