លោក គង់់ គាំ ថ្លែងទៅកាន់ប្រជាពលរដ្ឋអ្នកគាំទ្រ ក្នុងយុទ្ធនាការឃោសនា
បោះឆ្នោតឃុំ-សង្កាត់
គណបក្ស សង្គ្រោះជាតិ គឺមានលោក សម រង្ស៊ី ជាប្រធាន និងលោក កឹម សុខា
ជាអនុប្រធាននៅពេលដ៏ខ្លីខាងមុខនេះ ជាមួយគ្នានោះគណបក្ស សង្គ្រោះជាតិ
ក៏មានឥស្សរជននយោបាយមកពីគណបក្សផ្សេងជាច្រើនរូបទៀតបានមកចូលរួមជាមួយនិងគណបក្ស
សង្គ្រោះជាតិ ផងដែរ ដែលជាពន្លឺបង្ហាញឲ្យឃើញថាគណបក្ស សង្គ្រោះជាតិ
និងទទួលបានជោគជ័យនៅពេលបោះឆ្នោតជាតិឆ្នាំ២០១៣ ខាងមុខនេះ
ព្រោះប៉ូលនយោបាយនៅក្នុងប្រទេសកម្ពុជាគឺមានតែពីរប៉ុណ្ណោះគឺប៉ូលនយោបាយដែលដឹកនាំដោយអ្នកប្រជាធិបតេយ្យ
និងប៉ូលនយោបាយដែលដឹកនាំដោយអ្នកកាន់អំណាចផ្តាច់ការ
ហើយប្រជាពិតរដ្ឋច្បាស់ណាស់និងបោះឆ្នោតគាំទ្រមកលើគណបក្សប្រជាធិបតេយ្យគឺគណបក្ស
សង្គ្រោះជាតិ ចំណែកឯគណបក្សកាន់អំណាចសព្វថ្ងៃប្រជាពលរដ្ឋពួកគាត់លែងទុកចិត្តក្នុងការដឹកនាំប្រទេសរបស់ពួកគេទៀតហើយ
ព្រោះដោយសារតែប្រទេសកម្ពុជា
ក្រោមការដឹកនាំរបស់ពួកគេគឺមិនបានផ្តល់អ្វីជាដុំកំភួនជូនជាតិ
និងប្រជាពលរដ្ឋនោះឡើយ ក្រៅតែក្តោបក្តាប់អំណាចដើម្បីបំរើផលប្រយោជន៏ឲ្យបក្ខពួក
និងក្រុមគ្រួសាររបស់ខ្លួនតែប៉ុណ្ណោះ ។
ជាមួយគ្នានោះបានធ្វើឲ្យប្រទេសកម្ពុជា មានឈ្មោះជំពាក់បំណុលបរទេសជុំទិស
ហើយប្រជាពលរដ្ឋកាន់តែរស់នៅក្រោមបន្ទាត់នៃភាពក្រីក្រខ្លាំងឡើងៗ
ចំណែកឯអំពើពុករលួយក៏កាន់តែកុំ
ពុងរីកដោះដាលដូចផ្សិតតាំងពីថ្នាក់លើរហូតដល់ថ្នាក់ក្រោមគ្រប់ក្រសួង មន្ទីរ
និងស្ថាប័ននានា អំពើរំលោភសិទ្ធិមនុស្សកាន់តែធ្ងន់ធ្ងរ
រួមជាមួយនិងការបំផ្លាញធនធានធម្មជាតិដ៏មានតម្លៃរបស់ ប្រទេសស្ទើតែវិនាសបាត់បង់អស់
ចំណែកឯទឹកដីវិញត្រូវបានគេមើលឃើញថាកំពុងតែបាត់បង់
បន្តិចម្តងៗចូលទៅក្នុងប្រទេសជិតខាង ជាពិសេសគឺប្រទេសយួនតាមរយៈការបោះបង្គោលព្រំ
ដែនរវាងរដ្ឋាភិបាលខ្មែរ ជាមួយនិងរដ្ឋាភិបាលក្រុងហាណូយ ។
ប្រទេសកម្ពុជាក្រោមការគ្រប់គ្រងរបស់គណបក្សប្រជាជនសព្វថ្ងៃ
គឺបាននិងកំពុងតែដឹកនាំប្រទេសជាតិដើរទៅដល់រណ្តៅនៃមាត់ជ្រោះមរណៈហើយ
ដូចនេះប្រជាពលរដ្ឋខ្មែរដែលជាអ្នកស្នេហាជាតិទាំងអស់ សូមចូលរួមជាមួយនិងគណបក្ស
សង្គ្រោះជាតិ ឲ្យបានគ្រប់គ្នាហើយ នៅពេលឆ្នោតជាតិខាងមុខនេះ សូមបោះឆ្នោតជូនគណបក្ស
សង្គ្រោះជាតិ
ឲ្យបានគ្រប់ៗគ្នាដើម្បីយើងរំដោះប្រទេសជាតិរបស់យើងចេញពីកណ្តាប់ដៃរបស់គណបក្សកាន់អំណាចសព្វថ្ងៃឲ្យបាននៅឆ្នាំ២០១៣ខាងមុខ
ដើម្បីយើងកែប្រែមុខមាត់ប្រទេសកម្ពុជាឲ្យមានឈ្មោះបោះសម្លេងជាថ្មីម្តងទៀតនៅលើឆាកអន្តរជាតិ
បន្ទាប់ពីកេរ្តិ៏ឈ្មោះកម្ពុជាត្រូវបានសាបរលាបនៅលើឆាកអន្តរជាតិអស់ជាច្រើនឆ្នាំក្រោមការដឹកនាំរបស់គណបក្សប្រជាជនកម្ពុជា
ដែលមានលោក ហ៊ុន សែន ជានាយករដ្ឋមន្រ្តីនោះ ។
ប្រទេសកម្ពុជាប្រសិនបើដឹកនាំដោយអ្នកប្រជាធិបតេយ្យ
និងធ្វើឲ្យប្រទេសជាតិមានការរីកចំរើន ជឿនឈឿនជាក់ជាមិនខាន
ហើយសេដ្ឋកិច្ចនិងមានការរីកលូតលាស់បានយ៉ាងឆាប់រហ័ស ព្រោះថ្នាក់ដឹកនាំគណបក្ស
សង្គ្រោះជាតិ គឺសុទ្ធសឹងតែជាអ្នកសេដ្ឋកិច្ចជំនាញ ដែលងាយស្រួល
ក្នុងការស្រូបយកអ្នកវិនិយោគល្អៗមកបណ្តាក់ទុននៅក្នុងប្រទេសកម្ពុជា
ជាមួយគ្នានោះក៏ផ្តល់ឱកាសការងារជូនប្រជាពលរដ្ឋបានធ្វើគ្រប់ៗគ្នាថែមទៀតផង ។
ទន្ទឹមទៅនិងដើម្បីទទួលបាននូវជោគជ័យអស់ទាំងនេះចាប់ពីឆ្នាំ២០១៣តទៅ
បងប្អូនប្រជាពល រដ្ឋទាំងអស់ ដែលគ្រប់អាយុបោះឆ្នោត
និងបងប្អូនប្រជាពលរដ្ឋដែលបានបោះឆ្នោតមុនៗ ក៏ដូចជា មិនដែលបានបោះឆ្នោតសោះ
សូមអញ្ជើញទៅពិនិត្យមើលបញ្ជីឈ្មោះ និងចុះឈ្មោះបោះ
ឆ្នោតឲ្យបានគ្រប់ៗគ្នាចាប់ពីថ្ងៃនេះតទៅរហូតដល់ថ្ងៃទី១២ ខែតុលា ឆ្នាំ២០១២
ព្រោះនេះគឺជា លើកចុងក្រោយហើយក្នុងការចុះឈ្មោះ
និងពិនិត្យមើលបញ្ជីឈ្មោះសម្រាប់បំរើឲ្យការបោះឆ្នោត
ប្រសិនបើបងប្អូនមិនបានអញ្ជើញទៅចុះឈ្មោះ និងពិនិត្យមើលបញ្ជីឈ្មោះឲ្យបានត្រឹមត្រូវ
នោះទេ លោកអ្នកនិងពុំមានសិទ្ធក្នុងការបោះឆ្នោតនៅឆ្នាំ២០១៣នោះឡើយ ។
ជាមួយគ្នានោះ ដើម្បីឲ្យការបោះឆ្នោតប្រព្រឹត្តទៅដោយសេរី ត្រឹមត្រូវ
និងយុត្តិតិធម៌ និងមិនបង្ករ ការលំបាកដល់ប្រជាពលរដ្ឋ គណបក្សប្រឆាំង
ប្រជាពលរដ្ឋអ្នកស្នេហាជាតិ រួមជាមួយអង្គការជាតិ និងអន្តរជាតិបានធ្វើការទាមទារឲ្យមានការផ្លាស់ប្តូរសមាសភាព
គ.ជ.ប ចេញ ព្រោះស្ថាប័នគ.ជ.ប មួយនេះត្រូវបានគេដឹងថា
តាំងពីថ្នាក់លើរហូតដល់ថ្នាក់ក្រោមគឺសុទ្ធិសឹងជាមនុស្សរបស់ គណបក្សប្រជាជនទាំងអស់
ហើយការបោះឆ្នោតម្តងៗត្រូវបានពួកគេធ្វើការរៀបចំឲ្យគណបក្ស
កាន់អំណាចសព្វថ្ងៃឈ្នះជារៀងរហូត ។
លោក គង់ គាំ សមាជិកព្រឹទ្ធសភារបស់គណបក្សប្រឆាំង
នៅក្នុងពិធីចុះជួបសំណេះសំណាលជាមួយប្រជាពលរដ្ឋ ដែលជាអ្នកគាំទ្រគណបក្ស សង្គ្រោះជាតិ
លោកបានមានប្រសាសន៏ឲ្យដឹងថា ដោយមានអង្គការសហប្រជាជាតិ
ដោយមានគណកម្មាធិការសភាអន្តរជាតិ និងសហគមន៏អ៊ឺរ៉ុប ក៏ដូចជាប្រទេសសេរីធំៗ គឺគេប្រាកដហើយ
បើទោះបីជាក្រសួងមហាផ្ទៃនៅអល់អែក នៅទីទើ នៅរុញចុះរុញឡើងយ៉ាងណាក៏ដោយ ដាច់ខាត គ.ជ.ប ត្រូវតែផ្លាស់ប្តូរដោយគេចមិនផុតនោះឡើយ ជាមួយគ្នានោះលោក សម រង្ស៊ី
ក៏ត្រូវតែមានវត្តមាននៅក្នុងប្រទេសកម្ពុជាក្នុងពេលឆាប់ៗ ខាងមុខនេះផងដែរ
ដើម្បីដឹកនាំគណបក្ស សង្គ្រោះជាតិ
ចូលរួមក្នុងការបោះឆ្នោតដើម្បីដណ្តើមយកជ័យជំនះជូនជាតិ
និងប្រជាពលរដ្ឋឲ្យបានដាច់ខាតនៅឆ្នាំ២០១៣ខាងមុខ ។
លោក គង់ គាំ មានប្រសាសន៏ទៀតថា
សម្រាប់បេក្ខជននាយករដ្ឋមន្រ្តីនៅឆ្នាំ២០១៣គឺមានតែពីរ នាក់ប៉ុណ្ណោះ ដោយលោក កឹម សុខា
គឺបានគាំទ្រឲ្យលោក សម រង្ស៊ី ធ្វើជាប្រធានគណបក្សថ្មីរបស់អ្នកប្រជាធិបតេយ្យគឺគណបក្ស
សង្គ្រោះជាតិ និងជាបេក្ខជននាយករដ្ឋមន្រ្តី
ចំណែកឯគណបក្សកាន់អំណាចគឺគេគាំទ្រតេជោសែនជានាយករដ្ឋមន្រ្តី
ហើយឥឡូវសូមបងប្អូនរើសទៅបេក្ខជនជានាយករដ្ឋមន្រ្តីទាំងពីររូបខាងលើនេះ
ដោយលោកសូមជំរាបថាតេជោសែនគឺចេញពីសាលាកំទេច រីឯលោក សម រង្ស៊ី
គឺចេញពីសាលាសេដ្ឋកិច្ច ។ ដូច្នេះប្រសិនបើប្រជាពលរដ្ឋខ្មែរចង់កំទេចប្រទេសកម្ពុជាតទៅទៀត
រើសយកតេជោសែនចុះ តែប្រសិនបើបងប្អូនចង់ឲ្យសេដ្ឋកិច្ចខ្មែរលូតលាស់
រីកចំរើនស្មើប្រទេសជិតខាងរើសយកលោក សម រង្ស៊ី ដែលជាប្រធានគណបក្ស សង្គ្រោះជាតិ
ទៅគឺពិតជាមិនខុសនោះឡើយ ។ ហើយលោកជឿថា ប្រជាពលរដ្ឋខ្មែរទាំងអស់ គឺច្បាស់លាស់
និងដាច់ស្រឡះ ច្បាស់ជានៅឆ្នាំ២០១៣
ដូរគណបក្សកាន់អំណាចសព្វថ្ងៃនេះចេញឲ្យទាល់តែបាន
ដើម្បីផ្តល់ការរស់នៅថ្មីដល់យើងទាំងអស់គ្នា និងកេរ្តិ៏ឈ្មោះជូនជាតិ
មាតុភូមិរបស់យើង ។
អ្នកប្រជាធិបតេយ្យបានដៅហើយថា នៅឆ្នាំ២០១៣ខាងមុខនេះនិងដណ្តើមជ័យជំនះ
លើគណបក្សកាន់អំណាចតាមបែបប្រជាធិបតេយ្យឲ្យបាន ទោះស្ថិតនៅក្នុងកាលៈទេសៈណាក៏ដោយ
ព្រោះមានតែគណបក្ស សង្គ្រោះជាតិ
តែមួយប៉ុណ្ណោះដែលជាក្តីសង្ឃឹមរបស់របស់ប្រជាពលរដ្ឋខ្មែរ និងប្រទេសជាតិរបស់យើង ៕
No comments:
Post a Comment
yes