យុវជនសង្គ្រោះជាតិសូមស្វាគមន៏យុវជន ពីគ្រប់មជ្ឈដ្ឋានក្នុងការចូលរួម ដើម្បីធ្វើ ការស្រោចស្រង់ប្រទេសជាតិរបស់យើងឲ្យបានទាន់ពេលវេលានៅឆ្នាំ២០១៣ជាដាច់ខាត

យុវជន សង្គ្រោះជាតិ

យុវជនគឺជាឆ្អឹងខ្នងដ៏សំខាន់របស់គណបក្ស សង្គ្រោះជាតិ ព្រោះយុវជនមានឱកាសពេលវា​លា​ច្រើន ​ក្នុងការចូលរួមការងារសង្គម មួយវិញទៀតយុវជនក៏ជាចលករមួយ​ដ៏សំខាន់​ផងដែរ ដើម្បី​ធ្វើការ​ផ្លាស់ប្តូរមេដឹកនាំប្រទេសជាតិ ដែលមិនបានធ្វើអ្វីដើម្បីជាប្រយោជន៏សម្រាប់ជាតិ និងប្រ​ជា​ពលរដ្ឋទូទៅនោះ ។

ជាមួយគ្នានេះផងដែរ នៅបន្ទាប់ពីគណបក្ស សង្គ្រោះជាតិ ចាប់ផ្តើមបង្កើតឡើង ក៏ដូច​ជានៅ​ក្នុង ចលនាប្រជាធិបតេយ្យសង្គ្រោះជាតិ យុវជនសង្គ្រោះជាតិ របស់ចលនាទាំងនៅក្នុងស្រុក ក៏ដូ​ច​​

​ជានៅក្រៅស្រុក បាននិងកំពុងតែបំពេញបេសកកម្មការងាររបស់​ខ្លួន​យ៉ាងផុសផុល​ ដើម្បីឲ្យ​មានការផ្លាស់ប្តូរមួយពិតប្រាកដនៅឆ្នាំ២០១៣ខាងមុខនេះ ។ គណបក្សមួយដើម្បីទទួលបាន​ជោគជ័យគឺទាមទារយ៉ាងខ្លាំងបំផុត ត្រូវតែមានយុវជនចូលរួមជាចាំបាច់ ដូចជាគណបក្ស សង្គ្រោះជាតិ គឺមិនអាចខ្លះបាននោះឡើយនូវយុវជន ហើយក៏សូមអំពាវនាវឲ្យយុវជន​ទាំងអស់ ដែលជាអ្នកស្នេហាជាតិ ស្រលាញ់នូវរបបលទ្ធិប្រជាធិបតេយ្យ សូមចូលរួមជាមួយនិង យុវជន​សង្គ្រោះជាតិ ក្នុងចលនាប្រជាធិបតេយ្យសង្គ្រជាតិទាំងអស់គ្នាឲ្យបានច្រើនឡើងៗជាអតិបរមា ។

នៅក្នុងការបោះឆ្នោតជាតិអាណត្តិទី៥ ប្រសិនបើគណបក្ស​ សង្គ្រោះជាតិ ទទួលបានជ័យជំនះ គឺ​មិនមែនត្រឹមតែជាជោគជ័យរបស់គណបក្ស សង្គ្រោះជាតិ ប៉ុណ្ណោះនោះទេតែវា​គឺជាជោគជ័យ​របស់ប្រជាពលរដ្ឋខ្មែរ​របស់យើងគ្រប់គ្នា ក៏ដូចជាប្រទេសជាតិ ពិសេសគឺជាជោគជ័យរបស់​យុវ​ជនតែម្តង ។ ព្រោះថានៅពេលដែលគណបក្ស សង្គ្រោះជាតិ ទទួលបានជ័យជំនះលើកា​របោះ​ឆ្នោត​​នៅឆ្នាំ២០១៣ គណបក្ស សង្គ្រោះជាតិ និងនាំមកនូវប្រ ភពការងារជូនយុវជនបានធ្វើ​គ្រប់​ៗគ្នា ទាំងយុវជនដែលបញ្ចប់ការសិក្សាគ្រប់ជំនាញតាមម​ហា​វិទ្យាល័យ ក៏ដូចជាយុវជនដែល​មានចំណេះជំនាញ និងមិនមានចំណេះចំនាញផងដែរព្រោះគណបក្ស សង្គ្រោះជាតិ គឺមាន​ថ្នាក់​ដឹកនាំដែលសុទ្ធសឹងតែជា​អ្នក​មានជំនាញខាងផ្នែកសេដ្ឋកិច្ច ដូច្នេះហើយគឺងាយ​ស្រួលក្នុង​ការ​ស្រូបយកវិនិយោគគិនល្អៗពីក្រៅប្រទេសមកបណ្តាក់ទុននៅក្នុងប្រទេសកម្ពុជា ដែលពេល​នោះ​ហើយ ធ្វើឲ្យប្រជាពល​រដ្ឋខ្មែរទូទៅ ជាពិសេសគឺយុវជនទទួលបានឱកាសការងារច្រើន​តាមរយៈ​ប​ណ្តាក្រុមហ៊ុនទាំ​ង​នោះ ដែលចូលមកវិនិយោគនៅក្នុងប្រទេសកម្ពុជា ហើយរដ្ឋាភិបាល​ដែល​ដឹកនាំដោយគណបក្ស សង្គ្រោះជាតិ ក៏និងធ្វើការបន្ធូរបន្ថយព័ន្ធគ្រប់បែបយ៉ាងផងដែរ ដើម្បី​ងាយស្រួលក្នុងការរកស៊ីជាមួយនិងវិនិយោគគិនពីក្រៅប្រទេស ហើយអ្វីដែលសំខាន់​ជាងនេះ​ទៅ​ទៀតនោះ វាក៏និងធ្វើឲ្យគ្មានអំពើពុករលួយផងដែរ អ្នកដែលធ្វើឲ្យអ្នកវិនិយោគគិន​អន្តរជាតិ​មាន​ទំនុកចិត្តក្នុងការមកបណ្តាក់ទុន នៅក្នុងប្រទេសកម្ពុជារបស់យើង ។

ជានេះទៅទៀតក៏ដើម្បីទប់ស្កាត់ និងលុបបំបាត់ការធ្វើចំណាកស្រុករបស់ប្រជាពលរដ្ឋខ្មែរ និងយុ វជន ដែលទៅរកការងារធ្វើដោយសុខច្បាស់ទាំងប្រថុយប្រថាននៅប្រទេសជិតខាងផងដែរ ព្រោះ​​យើងឃើញហើយថា នាពេលបច្ចុប្បន្ននេះប្រជាពលរដ្ឋរបស់យើង ក៏ដូចជាយុវជន​បាន​ធ្វើ​ចំ​ណាកស្រុកយ៉ាងច្រើន ចេញទៅរកការងារធ្វើនៅក្រៅប្រទេស ជាពិសេសគឺប្រទេសថៃ ដែល​ការធ្វើចំណាស្រុករបស់ពួកគេ៨០%ភាគយកគឺចូលទៅដោយខុសច្បាប់ ដោយធ្វើការជាកម្មករ​នេ​សាទ រោងចក្រ សិប្បកម្ម សំណង់ ជាដើម ហើយក្នុងចំណោមនោះភាគច្រើនគឺត្រូវបានចាញ់​បោក​ថៅកែ រកតែប្រាក់មួយកាក់មួយសេនត្រឡប់មកផ្ទះវិញមិនបានក៏មាន និងមានអ្នកខ្លះទៀត ត្រូវបានស្លាប់បាត់បង់អាយុជីវិតនៅទីនោះចោលឆ្អឹងនៅស្រុកគេ ហើយក៏មានអ្នកខ្លះមិនទាន់​ទាំង​មិនទាន់បានការងារធ្វើផង ត្រូវបានប៉ូលីសថៃបាញ់ស្លាប់នៅតាមព្រំដែន មានអ្នកខ្លះរហួស​រត់មកស្រុកកំណើតវិញទាំងព្រលឹងចុងសក់ និងមានអ្នកខ្លះត្រូវបានប៉ូលីសថៃចាប់យកទៅ​ដាក់​គុករាប់ខែទំរាំតែរដ្ឋអំណាចថៃដោះលែង និងបញ្ជូនមកប្រទេសកម្ពុជាវិញនោះ ។

ដូចនេះហើយដើម្បីកុំឲ្យមានបញ្ហា និងរឿងរ៉ាវទាំងអស់នេះកើតមានតទៅទៀត សូមបងប្អូនប្រ ជាពលរដ្ឋខ្មែរ ពិសេសគឺយុវជនសូមចូលរួមជាមួយ យុវជនសង្គ្រោះជាតិ ក្នុងចលនាប្រជាធិ​ប​តេយ្យសង្គ្រោះជាតិ ឲ្យបានគ្រប់ៗគ្នា ។ ហើយរដ្ឋាភិបាលដែលកើតចេញពីគណបក្ស សង្គ្រោះ​ជាតិ ក៏និងធ្វើការតំឡើងប្រាក់ខែទៅដល់មន្រ្តីរាជការ ប៉ូលីស ទាហ៊ាន គ្រូបង្រៀន រួមជាមួយកម្ម ករ-កម្មការរិនី ឲ្យទទួលបានប្រាក់ខែសមរម្យដើម្បីរស់នៅក្នុងជីវភាពមួយដ៏សមគួរ ហើយគណ​បក្ស សង្គ្រោះជាតិ ប្រាកដជាធ្វើបានយ៉ាងពិតប្រាកដ ដូចនេះសូមបងប្អូនប្រជាពលរដ្ឋ និងយុវ​ជន ផ្ញើរក្តីសង្ឃឹម និងមានជំនឿមកលើគណបក្ស សង្គ្រោះជាតិ ចុះពិតជាមិនខុសបំណងនោះ ឡើយ ព្រោះថ្នាក់ដឹកនាំរបស់គណបក្ស សង្គ្រោះជាតិ ក៏ដូចជាថ្នាក់ដឹកនាំរបស់ ចលនាប្រជាធិប តេយ្យសង្គ្រោះជាតិ គ្រប់រូបតាំងពីថ្នាក់លើរហូតដល់ថ្នាក់ក្រោមគឺគិតគូរពីសុខទុក្ខរបស់ប្រជាពល រដ្ឋ និងប្រទេសជាតិជាធំ ជាងសុខនិងទុក្ខរបស់ខ្លួនទៅទៀត ។

ជាមួយគ្នានោះថ្នាក់ដឹកនាំរបស់គណបក្ស សង្គ្រោះជាតិ ក៏ដូចជា ចលនាប្រជាធិបតេយ្យសង្គ្រោះ ជាតិ បាននិងកំពុងតែធ្វើការបណ្តុះបណ្តាលយុវជនទូទៅដែលចង់ក្លាយខ្លួនទៅជាថ្នាក់ដឹកនាំ ឲ្យ ពួកគាត់មានជំនាញខាងផ្នែក ភាពជាអ្នកដឹកនាំផងដែរ ។ ព្រោះយុវជនគឺជាទំពាំងស្នងឬស្សី ប្រសិនបើឬស្សីចាស់ពុកផុយទៅ គឺមានតែទំពាំងដែលតំណាងដោយ យុវជនហើយ​ជាអ្នកស្នង និងបន្តវេនពីថ្នាក់ដឹកនាំចាស់ៗសម្រាប់ធ្វើការដឹកនាំប្រទេស​ជាតិរបស់យើងឲ្យបានល្អប្រសើរ ដោយឈរលើគោលការប្រជាធិបតេយ្យ ។

គណបក្ស សង្គ្រោះជាតិ សូមស្វាគមន៏យុវជនមកពីគ្រប់មជ្ឈដ្ឋានដែលចង់ចូលរួមជាមួយ យុវជន សង្គ្រោះជាតិ ក្នុងចលនាប្រជាធិបតេយ្យសង្គ្រោះជាតិ ដើម្បីយើងទាំងអស់គ្នាជាប្រជាពលរដ្ឋខ្មែរ ដែលជាអ្នកស្រលាញ់ជាតិ បំពេញកាតព្វកិច្ចជាពលរដ្ឋល្អ ស្រោចស្រង់ប្រទេសជាតិរបស់យើង​ដែលកំពុងតែលេចលង់ក្រោមការដឹកនាំដោយគណបក្សប្រជាជនកាន់អំណាចសព្វថ្ងៃឲ្យបាននៅ ឆ្នាំ២០១៣ជាដាច់ខាត ៕