កំពង់ចាម ៖ ក្នុងចំណោមច្រកយុទ្ធសាស្ដ្រសំខាន់ៗ ដែលឈ្មួញនាំចូលទំនិញពីវៀតណាមតាមខេត្ដកំពង់ចាម គឺជាសក្ដានុពលធំ បំផុតសម្រាប់មន្ដ្រីគយ និងសមត្ថ កិច្ចពាក់ព័ន្ធដែលគ្រប់ៗគ្នាសម្លឹង ឃើញផលប្រយោជន៍ពីការដឹក ជញ្ជូនទំនិញគេចពន្ធ ឬបង់ពន្ធមិន គ្រប់មិនដែលមានករណីបង្ក្រាប ណាមួយទេ ទៅលើអំពើរត់ពន្ធ ទំនិញខុសច្បាប់ បើទោះបីជា អគ្គនាយកគយជាញឹកញាប់ បានចេញបទបញ្ជាឱ្យសមត្ថកិច្ចពាក់ព័ន្ធ ចាត់វិធានការក្ដៅលើបញ្ហានេះ ដើម្បីបង្កើនចំណូលថវិកាជាតិក៏ ដោយ ប៉ុន្ដែមន្ដ្រីជំនាញគយប្រចាំ ខេត្ដកំពង់ចាមហាក់ដូចជាមិនអើពើចាត់វិធានការអ្វីទាល់តែសោះ។
សាខាគយខេត្ដកំពង់ចាម ដែលដឹកនាំដោយលោក ឃុន រ៉ាន់ និងអនុប្រធានរបស់គាត់មួយចំនួនទៀត គឺជាមនុស្សល្បីបំផុតក្នុងការជួយសម្រួលឱ្យឈ្មួញធំៗដូចជា យាយញាប់, ស៊ុន ហួរ និងហាក់ ម៉ៅ រកស៊ីដឹកជញ្ជូនទំនិញគេចពន្ធ ឬបង់មិនគ្រប់ពីវៀតណាមដោយសុវត្ថិភាព ដែលពេលខ្លះ លោក ឃុន រ៉ាន់ អះអាងថា ការរកស៊ីរបស់ឈ្មួញធំៗទាំងប៉ុន្មានរូបនេះគ្មាននរណាហ៊ានប៉ះពាល់ទេ ដោយសារពួកគេមានឥទ្ធិពលជិត ដិតជាមួយមន្ដ្រីមានអំណាចធំៗ ប៉ុន្ដែរឿងពិតប្រសិនបើឈ្មួញអស់ នោះមិនផ្ដល់ផលប្រយោជន៍ជា ប្រចាំឱ្លោក ឃុន រ៉ាន់ ទេនោះ ច្បាស់ជាមានបញ្ហា និងឧបសគ្គ ក្នុងការដឹកជញ្ជូនទំនិញមកកាន់រាជធានីភ្នំពេញ។
ច្រកយុទ្ធសាស្ដ្រសំខាន់ៗនៃការនាំចូលទំនិញតាមរបៀបលោតឆត្រ ពីប្រទេសវៀតណាម គឺមានច្រកត្រពាំងផ្លុង ច្រកដូង៧ដើម ច្រកដូនរ័ត្ន និងច្រកច័ន្ទមូល ហើយសកម្មភាពដឹកជញ្ជូន ទំនិញមកពីវៀតណាមឆ្លងកាត់ខេត្ដ កំពង់ចាម មកកាន់រាជធានីភ្នំពេញ ដើម្បីបន្ដចែកចាយទៅកាន់បណ្ដា ខេត្ដមួយចំនួនទៀត គឺមានសកម្ម ភាពគគ្រឹកគគ្រេងខ្លាំងជាងការ ដឹកជញ្ជូនទំនិញតាមច្រកប៉ោយប៉ែត ច្រកកោះកុង ខេត្ដព្រះសីហនុ និង ខេត្ដកំពតទៅទៀត ។ គេអាច និយាយបានថា ផលប្រយោជន៍ ដែលលោក ឃុន រ៉ាន់ ប្រមូលបាន ពីការដឹកជញ្ជូនទំនិញលោតឆត្រ មកពីវៀតណាមសឹងមិនចាញ់ប្រភពចំណូលរបស់មេគយចល័តទូទាំង ប្រទេសនោះទេ ដែលពេលខ្លះគេ យល់ថា ការនាំចូលទំនិញតាមខេត្ដ កំពង់ចាម ធ្វើឱ្យខាតបង់ចំណូល ថវិកាជាតិច្រើនសន្ធឹកសន្ធាប់ បើ ប្រៀបធៀបជាមួយបណ្ដាច្រកដទៃ ទូទាំងប្រទេសកម្ពុជា។
លោក ឃុន រ៉ាន់ ក៏ទទួលបាន ប្រភពសេដ្ឋកិច្ចពីការនាំចេញឈើ ទៅប្រទេសវៀតណាមផងដែរ ជាក់ស្ដែង ការចេញឈើតាមច្រកច័ន្ទមូល ច្រកដូង៧ដើម និងច្រកដូនរ័ត្ន រាប់ទាំងបណ្ដាច្រករបៀងមួយចំនួន ទៀត ទាល់តែមានការអនុញ្ញាតពី លោក ឃុន រ៉ាន់ ទើបឈ្មួញអាច ដឹកជញ្ជូនឈើចេញទៅវៀតណាម ដោយរលូនល្អ ហើយពេលខ្លះឈ្មួញ មានឱកាសប្រើប្រាស់ដីនៅក្បែរទី ស្នាក់ការគយនៅច្រកព្រំដែនដើម្បី ស្ដុកឈើខុសច្បាប់ផងដែរ ។ ជំនាញ គយរបស់លោក ឃុន រ៉ាន់ មាន មធ្យោបាយកោសរូសក្រុមឈ្មួញ ឱ្យចូលខ្លួនទៅបង់ប្រាក់គ្មានករណី លើកលែងឡើយ សូម្បីតែឈ្មួញធំៗ ឬកម្លាំងប្រដាប់អាវុធដែលពាក់ព័ន្ធ ការដឹកជញ្ជូនទំនិញគេចពន្ធ និង ការដឹកជញ្ជូនឈើចុះទៅវៀតណាម យ៉ាងអនាធិបតេយ្យ សុទ្ធតែមិន ដែលមើលរំលងលោក ឃុន រ៉ាន់ ព្រោះជំនាញគយមានសិទ្ធិគ្រប់ គ្រាន់បង្ក្រាបលើអំពើល្មើសឆ្លងកាត់ព្រំដែន។
គេមិនទាន់គិតដល់ករណីដែល លោក ឃុន រ៉ាន់ បញ្ចេញមន្ដ្រី គយចល័តរបស់ខ្លួនឱ្យចុះទៅឈរ ជើងតាមដងផ្លូវជាតិសំខាន់ៗ ដូច ជាត្រង់ចំណុចស្រុកជើងព្រៃ ស្រុក មេមត់ ស្រុកពញាក្រែក និងស្រុក តំបែរ ដែលជាច្រកចេញឈើខុស ច្បាប់ទៅវៀតណាម និងការដឹក ជញ្ជូនទំនិញលោតឆត្រមកពីវៀតណាមឆ្ពោះមករាជធានីភ្នំពេញ ឬ ចេញទៅបណ្ដាខេត្ដមួយចំនួនទៀត ដែលគេអាចនិយាយបានថា គ្រាន់ តែចំណូលមកពីក្រុមគយចល័ត ខេត្ដកំពង់ចាមចេញដាក់កុងត្រូល ជជុះគឺលោក ឃុន រ៉ាន់ សឹងតែ រកបាវច្រកប្រាក់គ្មានផង ។ ភាព អនាធិបតេយ្យនៅតាមដងផ្លូវនៃ ការស្ទាក់ចាប់រថយន្ដដឹកជញ្ជូនទំ និញគ្រប់ប្រភេទឱ្យបង់ប្រាក់តាម ការទាមទាររបស់ជំនាញគយ គឺ ជារូបភាពយ៉ាងអាក្រក់បំផុត ប៉ុន្ដែ វាជាប្រភពសេដ្ឋកិច្ចមិនចេះរីងស្ងួត របស់លោក ឃុន រ៉ាន់ ។
ករណីមួយចំនួនទៀត មានការ លួចនាំចូលគ្រឿងចក្រធំៗ ដូចជា អេស្កាវ៉ាទ័រ អាប៊ុលឌូស័រ ម៉ាស៊ីន បុកគ្រឹះ ម៉ាស៊ីនស្ទូច ត្រាក់ទ័រ តាម ខេត្ដកំពង់ចាម មកពីវៀតណាមសុទ្ធ តែលោតឆត្រ ហើយក្រុមឈ្មួញ បានបែងចែកប្រាក់ចំណេញមួយ ចំនួនឱ្យទៅជំនាញគយប្រចាំច្រក ព្រំដែន គយចល័តតាមដងផ្លូវ ជា ពិសេសទាក់ទងដោយផ្ទាល់ជា មួយលោក ឃុន រ៉ាន់ គឺអាចធ្វើ សកម្មភាពនាំចូលគ្រឿងចក្រធំៗ មិនចាំបាច់បង់ពន្ធយ៉ាងរលូនល្អ បំផុត ។ ក្រុមឈ្មួញចេះតែមាន មធ្យោបាយដើម្បីគេចវេះពីការបង់ ពន្ធនាំចូលដោយគ្រាន់តែបែងចែក ផលប្រយោជន៍ឱ្យទៅជំនាញគយ ហើយពេលខ្លះមន្ដ្រីគយក៏បានប្រាប់ ពីវិធីដើម្បីរួចពន្ធនាំចូលផងដែរ គឺ ជារឿងអាក្រក់បំផុតធ្វើឱ្យខាតបង់ ចំណូលថវិកាជាតិ ៕
No comments:
Post a Comment
yes