សមត្ថកិច្ចកំពុងធ្វើអន្តរាគមន៍
សមត្ថកិច្ចកំពុងធ្វើអន្តរាគមន៍
រាជធានីភ្នំពេញ ៖ រថយន្តដឹកកម្មករម៉ាកមីតស៊ុយប៊ីស៊ី មួយគ្រឿងបានបើកបោះពួយបុកជាមួយរថយន្តម៉ាកកូរ៉ូឡា មួយគ្រឿង នៅចំណុចផ្លូវកែង ហើយជ្រុលទៅបុកស្លាកគណបក្សប្រជាជនកម្ពុជា បណ្តាលឱ្យបាក់ទ្រេតរងការខូចខាត ចំណែករថយន្តទាំង២គ្រឿងបានរងការខូចខាតស្រុញក្បាល ។ ទោះបីជាយ៉ាងណាពុំបង្កឱ្យមនុស្សណាម្នាក់រងរបួសធ្ងន់ធ្ងរឡើយ គឺមានតែកម្មករម្នាក់រងរបួសស្រាលប៉ុណ្ណោះ ។
គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៤រសៀលថ្ងៃទី២៤ កញ្ញា ២០១២ នៅចំណុចផ្លូវលេខ៣១៧កែងផ្លូវលេខ៥៦៦ សង្កាត់បឹងកក់ទី២ ខណ្ឌទួលគោក ។ ភ្លាមៗអ្នកបើកបររថយន្តមីតស៊ុយប៊ីស៊ី បានរត់គេចខ្លួនបាត់ ។ ដោយឡែករថយន្តទាំង២គ្រឿងត្រូវបានប៉ូលិសខណ្ឌទួលគោក ស្ទូចបញ្ជូនទៅកាន់អធិការដ្ឋានខណ្ឌទួលគោក ដើម្បីដោះស្រាយតាមផ្លូវច្បាប់។
No comments:
Post a Comment
yes