មេដឹកនាំខ្មែរកាលពីព្រឹកមិញបានប្រើប្រាសពាក្យសម្ដីដ៏គ្រោតគ្រាត ទៅលើក្រុមអ្នកព្យាយាមរារាំងមិនឲ្យធ្វើវិសោធនកម្មរដ្ឋធម្មនុញ្ញត្រង់មានត្រាស្ដីពីព្រំដែនថា ពុំបានយលពីប្រវត្តិសាស្ត្រនិងមានចេតនាទម្លាក់កំហុសមកលើរដ្ឋាភិបាល ។
ហ៊ុន សែន មេដឹកនាំ ដ៏ មានអំណាច នៃ កម្ពុជា
ហ៊ុន សែន បានសម្ដែងការខឹងច្រឡោតនៅក្នុងពិធីចែកសញ្ញាបត្រដល់និស្សិតពីសកលវិទ្យាល័យជាតិគ្រប់គ្រង ឯមជ្ឈមណ្ឌលកោះពេជ្រកដោយពុំបានបញ្ចេញឈ្មោះអ្នកដែលខ្លួនត្រូវវាយប្រហារនោះថា ” ឥឡូវនេះ ខាងផ្នែកអ្នកច្បាប់របស់យើងកំពុងតែសិក្សានៅឡើយទេ តែខ្ញុំត្រូវមានការចាំបាច់ដើម្បីនិយាយបំភ្លឺដល់អា ភ្លើហ្នឹង … គេអត់ចាំបាច់ដាក់ដី នៅក្នុងរដ្ឋធម្មនុញ្ញហ្នឹងទេ គេដាក់ផែនទីអាភ្លើ.. អាមួយហ្នឹងគឺវាមិនដឹងម៉េចវា..វាមានចេតនាតែម្តង ” ។
យ៉ាងណាក៏ដោយគេជឿថា សេចក្ដីថ្លែងរបស់នាយករដ្ឋមន្ត្រីខ្មែររូបនេះគឺសំដៅទៅលើមន្ត្រីជាន់ខ្ពស់របស់គណបក្សសិទ្ធិមនុស្សគឺលោក សឺន ស៊ូប៊ែរ្តិ៍ ខណៈដែលគាត់បានហៅគម្រោងកែប្រែមាត្រដ្ឋានផែនទីប្រទេសកម្ពុជាពីខ្នាត១/១០០.០០០ដែលមានក្នុងរដ្ឋធម្មនុញ្ញទៅតាមខ្នាតថ្មី១/៥០.០០០ ថាជាការរំលោភបំពានច្បាប់រដ្ឋធម្មនុញ្ញដែលជាច្បាប់កំពូលរបស់ជាតិនោះ ។
គួរបញ្ជាក់ថា មាត្រា២នៃដ្ឋធម្មនុញ្ញបានចែងថា បូរណភាពទឹកដីរបស់ព្រះរាជាណាចក្រកម្ពុជា មិនអាចរំលោភបានដាច់ខាត ក្នុងព្រំដែនរបស់ខ្លួន ដែលមានកំណត់ក្នុងផែនទីខ្នាត ១/១០០.០០០ ធ្វើចន្លោះឆ្នាំ១៩៣៣-១៩៥៣ ហើយត្រូវបានទទួលស្គាល់ ជាអន្តរជាតិនៅចន្លោះឆ្នាំ១៩៦៣-១៩៦៩៕
No comments:
Post a Comment
yes