ភ្នំពេញៈ ពលរដ្ឋរាប់ម៉ឺននាក់និងព្រះសង្ឃជិត១ម៉ឺនអង្គ បាននាំគ្នាមកចូលប្រារព្ធព្រះវិញ្ញាណក្ខន្ធនិងប័ង្សុកូលឧទ្ទិសកុសលដល់អតីតព្រះមហាវីរក្សត្រព្រះបានសម្តេចព្រះនរោត្តម សីហនុនៅខាងមុខព្រះបរមរាជវាំងដែលជាថ្ងៃកាន់ព្រះរាជមរណៈទុក្ខចុងក្រោយតាមកាលកំណត់របស់រាជរដ្ឋាភិបាល។
ពលរដ្ឋរាប់ម៉ឺននាក់ដែលកកកុញនៅខាងមុខព្រះបរមរាជវាំងនៅក្នុងដៃមានកាន់ផ្កា ទៀន ធូប មកពីគ្រប់ទិសទីមានទាំងសមាជិកគណបក្សនយោបាយ តាជី យាយជី ពលរដ្ឋទូនៅ សិស្សានុសិស្ស កម្មករ កម្មការិនីរោងចក្រ សង្គមស៊ីវិល សមាជិកសមាគមអ្នកប្រជាធិបតេយ្យនិងពលរដ្ឋសហគមន៍បឹងកក់និងព្រះសង្ឃប្រមាណជា១ម៉ឺនអង្គមកពីគ្រប់វត្តនៅក្នុងទីក្រុងភ្នំពេញនិងតាមបណ្តាខេត្តនៅជិតភ្នំពេញ។ ទន្ទឹមនឹងនោះសកម្មភាពមនុស្សធម៌ចែកទឹក បរិសុទ្ធ បាយ ទឹកក្រូច ដោយឥតគិតថ្លៃក៍កំពុងតែមមាញឹក។
ទោះបីជាមានពលរដ្ឋច្រើនយ៉ាងណាក៍ដោយក៍ពុំមានសំរាមបោះចោលពាសវាលពាសកាលដែលធ្វើឲ្យបាត់បង់សណ្តាប់ធ្នាប់ក្រុងនោះដែរ ដោយសារតែមានព្រះសង្ឃ និងពលរដ្ឋបានដើរប្រមូលសំរាមទាំងនោះយកទៅដាក់នៅកន្លែងដែលមានសណ្តាប់ធ្នាប់។
No comments:
Post a Comment
yes