គណបក្ស សង្គ្រោះជាតិ ដែលដឹកនាំដោយលោកប្រធាន សម រង្ស៊ី
ជាប្រធាន និងលោកប្រធាន កឹម សុខា ជាអនុប្រធាន
បាននិងកំពុងតែបោះជំហ៊ានទៅមុខឥតឈប់ឈរដើម្បីឆ្ពោះទៅ
រកភាពជោគជ័យសម្រាប់ការបោះឆ្នោតជាតិ ដែលនិងចូលមកដល់នៅថ្ងៃទី២៨ ខែកក្កដា ឆ្នាំ
២០១៣នេះ ។
ជាមួយគ្នានោះពីមួយថ្ងៃទៅមួយថ្ងៃ ថ្នាក់ដឹកនាំរបស់គណបក្ស
សង្គ្រោះជាតិ ក៏បានចុះជួបសំ ណេះសំណាលជាមួយប្រជាពលរដ្ឋ
បើកការប្រជុំជាមួយនិងក្រុមការងារសម្រាប់ដាក់ទិសដៅ ថ្មីៗ
និងការបន្តលើកស្លាកគណបក្សឲ្យបានគ្រប់នៅទូទាំងខេត្តនីមួយៗគ្រប់២៤ខេត្តនិងរាជធា នី
ដើម្បីឲ្យប្រជាពលរដ្ឋពួកគាត់បានដឹង និងស្គាល់គណបក្ស សង្គ្រោះជាតិកាន់តែច្បាស់ ទាំង
និមិត្តសញ្ញាគណបក្ស ក៏ដូចជាគោលនយោបាយរបស់គណបក្សផងដែរ ដោយហេតុថាការ
បោះឆ្នោតជាតិអាណត្តិទី៥ដែលជាអាណត្តិថ្មីក៏កាន់តែកៀកខិតជិតចូលមកដល់ហើយ ។
ព្រមជាមួយគ្នានោះកាលពីថ្ងៃទី១០ ខែកុម្ភះ ឆ្នាំ២០១៣ គណបក្ស
សង្គ្រោះជាតិ ខេត្តកំពង់ឆ្នាំ បានធ្វីពិធីលើកស្លាក និងជួសជុលស្លាកថ្មីគណបក្សចំនួន៨ស្លាកនៅស្រុកកំពង់លែង
និងនៅថ្ងៃទី១៣ ខែកុម្ភះ ឆ្នាំ២០១៣នេះ ថ្នាក់ដឹកនាំគណបក្ស សង្គ្រោះជាតិ ក៏បានដឹកនាំក្រុមការងារចុះទៅលើកស្លាកចំនួន៦ស្លាកបន្ថែមទៀត
នៅតាមបណ្តោយផ្លូវចំនួន១០គីឡូម៉ែត្រមួយស្លាកចាប់ពីក្រុងកំពង់ឆ្នាំរហូតដល់ស្រុករលាប្អៀ
និងស្រុកទឹកផុស ។
តាមរយៈសកម្មភាពរបស់ថ្នាក់ដឹកនាំចលនាប្រជាធិបតេយ្យសង្គ្រោះជាតិ
ទាំងការលើកស្លាក និងការចុះជួបជាមួយប្រជាពលរដ្ឋទាំងលក្ខណៈមហាជន និងតាមផ្ទះ
ព្រមជាមួយនិងការចូល រួមពីសំណាក់សមាជិករបស់គណបក្សផ្សេងៗទៀត
និងកម្មភាពរបស់ប្រជាពលរដ្ឋផ្ទាល់ ដែល បានមកចូលរួមជាមួយនិងគណបក្ស សង្គ្រោះជាតិ
កាន់តែច្រើនឡើងជារៀងរាល់ថ្ងៃ បង្ហាញឲ្យឃើញថាគណបក្ស សង្គ្រោះជាតិ
គឺមានការគាំទ្រខ្លាំងលើសលប់ជាងពេលណា ៗទាំងអស់ដែលទាំងនេះបង្ហាញឲ្យឃើញថាគណបក្ស
សង្គ្រោះជាតិ សម្រាប់ការបោះឆ្នោតជាតិអាណត្តិទី៥នេះ
និងទទួលបានជ័យជំនះលើការបោះឆ្នោតជាក់ជាមិនខាន ។
ដោយហេតុថា ប្រជាពលរដ្ឋគ្មានជំនឿលើគណបក្សណាដែលអាចដឹកនាំប្រទេសឲ្យមានការ
រីកចំរើន ធ្វើឲ្យប្រជាពលរដ្ឋរស់នៅបានសេចក្តីសុខក្នុងជីវភាពមួយដ៏ធូធារ
និងគោរពលទ្ធិប្រ ជាធិបតេយ្យ គោរពសិទ្ធិមនុស្ស ក្រៅតែអំពីគណបក្ស សង្គ្រោះជាតិ
ក្រោមការដឹកនាំរបស់ លោកប្រធាន សម រង្ស៊ី និងលោកប្រធាន កឹម សុខា ឡើយ ៕
No comments:
Post a Comment
yes